قارجى مونيتورينگى اگەنتتىگى «Tengri Bank» اق-نىڭ بۇرىنعى باسقارما توراعاسى ەرجان شايكەنوۆ ۇستالعانىن راستادى.

«2021 جىلدىڭ جىلدىڭ 16 اقپانىندا قارجى مونيتورينگى اگەنتتىگى قىزمەتكەرلەرى قىلمىستىق ءىس جۇرگىزۋ كودەكسىنىڭ 128-بابىنا سايكەس «Tengri Bank» اق-نىڭ بۇرىنعى توراعاسى ە.ب. شايكەنوۆتى ۇستادى. تەرگەۋ مۇددەلەرىنە قاتىستى وزگە دە مالىمەتتەر جاريا ەتىلمەيدى»، – دەلىنگەن حابارلامادا.

جەلىدە تاراعان اقپاراتتارعا سۇيەنسەك، ەرجان شايكەنوۆ بانك سالىمشىلارىنىڭ جالپى سوماسى 5 ملرد تەڭگە اقشاسىن جىمقىرۋ فاكتىسىنە قاتىسى بولۋى مۇمكىن.

ەسكە سالا كەتسەك، 2020 جىلدىڭ 18 قىركۇيەگىندە قارجى نارىعىن رەتتەۋ جانە دامىتۋ اگەنتتىگى «Tengri Bank» اق-نى بانكتىك وپەراتسيالاردى جۇرگىزۋگە ارنالعان ليتسەنزيادان ايىرۋ تۋرالى شەشىم قابىلداعان.

Abai.kz