جاڭاوزەن وقيعاسى بويىنشا قوزعالعان قىلمىستىق ءىستى قارايتىن سوت وتىرىسى اشىق وتەتىن تۋرالى ەڭ اۋەلى ماڭعىستاۋ وبلىسىنىڭ اكىمى باۋىرجان مۇحامەدجانوۆ جالپاق جۇرتقا جاريا ەتكەن بولاتىن. مۇحامەدجانوۆ - وبلىستاعى استانانىڭ كوزى ءھام قۇلاعى. ونىڭ ءسوزى - ءبۇتىن بيلىكتىڭ ءسوزى. الايدا، سوتتىڭ ەكىنشى كۇنى-اق، اشىقتىق ايدالادا قالدى. 27 كۇنى اقتاۋ قالالىق پروكۋرورىنىڭ ورىنباسارى سەرىك ءامىروۆ جاڭاوزەن وقيعاسى بويىنشا ءوتىپ جاتقان سوتتا جۋرناليستەرگە فوتوعا جانە ۆيدەوعا تۇسىرۋگە تىيىم سالىنعانىن ءمالىم ەتتى. وسىمەن، جاڭاوزەن وقيعاسى بويىنشا سوتتان اشىقتىق ءادىرام قالدى.

ال، جاڭاوزەن قاندى وقيعاسىنا «ورالماندار كىنالى» ەكەنىن ادامزات بالاسىنا دالەلدەمەك بولىپ تىراشتانىپ، سول ءۇشىن جەر تۇبىندەگى لوندونعا بارىپ جۇرگەن پرەزيدەنتتىڭ ساياسي ماسەلەلەر جونىندەگى كەڭەسشىسى ەرمۇحامەت ەرتىسباەۆ «ينتەرفاكس-قازاقستان» اگەنتتىگىنە بەرگەن سۇحباتىندا: «ەلدەگى جاعدايدى شايقالتىپ، حالىقتى كوشەگە الىپ شىعۋعا پايدالانعىسى كەلەتىن اقپارات قۇرالدارى بار. كەيبىر اقپارات قۇرالدارىنا شىنايى اقپارات ەمەس، ادامداردىڭ ساناسىن توڭكەرىسكە بەيىمدەۋ عانا قاجەت»، دەپتى.

جاڭاوزەن وقيعاسى بويىنشا قوزعالعان قىلمىستىق ءىستى قارايتىن سوت وتىرىسى اشىق وتەتىن تۋرالى ەڭ اۋەلى ماڭعىستاۋ وبلىسىنىڭ اكىمى باۋىرجان مۇحامەدجانوۆ جالپاق جۇرتقا جاريا ەتكەن بولاتىن. مۇحامەدجانوۆ - وبلىستاعى استانانىڭ كوزى ءھام قۇلاعى. ونىڭ ءسوزى - ءبۇتىن بيلىكتىڭ ءسوزى. الايدا، سوتتىڭ ەكىنشى كۇنى-اق، اشىقتىق ايدالادا قالدى. 27 كۇنى اقتاۋ قالالىق پروكۋرورىنىڭ ورىنباسارى سەرىك ءامىروۆ جاڭاوزەن وقيعاسى بويىنشا ءوتىپ جاتقان سوتتا جۋرناليستەرگە فوتوعا جانە ۆيدەوعا تۇسىرۋگە تىيىم سالىنعانىن ءمالىم ەتتى. وسىمەن، جاڭاوزەن وقيعاسى بويىنشا سوتتان اشىقتىق ءادىرام قالدى.

ال، جاڭاوزەن قاندى وقيعاسىنا «ورالماندار كىنالى» ەكەنىن ادامزات بالاسىنا دالەلدەمەك بولىپ تىراشتانىپ، سول ءۇشىن جەر تۇبىندەگى لوندونعا بارىپ جۇرگەن پرەزيدەنتتىڭ ساياسي ماسەلەلەر جونىندەگى كەڭەسشىسى ەرمۇحامەت ەرتىسباەۆ «ينتەرفاكس-قازاقستان» اگەنتتىگىنە بەرگەن سۇحباتىندا: «ەلدەگى جاعدايدى شايقالتىپ، حالىقتى كوشەگە الىپ شىعۋعا پايدالانعىسى كەلەتىن اقپارات قۇرالدارى بار. كەيبىر اقپارات قۇرالدارىنا شىنايى اقپارات ەمەس، ادامداردىڭ ساناسىن توڭكەرىسكە بەيىمدەۋ عانا قاجەت»، دەپتى.

كەڭەسشى «كەيبىر» اقپارات قۇرالدارىنىڭ اتىن اتاپ، ءتۇسىن تۇستەمەپتى ءارى «كەيبىرەۋلەردىڭ» «كەسىرىنەن» تۇتاس باق-تىڭ سوتتان حابار تاراتار جولى نەگە كەسىلۋى كەرەكتىگىن ايتپاپتى. ەرىنگەن شىعار. ال، ديكتوفون مەن كامەرا قوسىلىپ، فوتواپپارات جارقىلداپ سۋرەتكە تۇسىرمەسە، «سوتقا جۋرناليستەر قاتىسىپ جاتىر، حابار تاراتىلىپ جاتىر» دەۋ ەرتىسباەۆتى قايدام، قۇدايدان ۇيات ءىس.

ءسويتىپ سوت اشىقتىعىنان ايىرىلدى.

P.S.

جاڭاوزەن وقيعاسى بويىنشا سوت باستالماس بۇرىن وقىرماندارعا «جاڭاوزەن وقيعاسى بويىنشا سوت ءىسى اشىق ءارى ءادىل وتە مە؟» دەگەن ساۋال قويعان ەدىك. ناتيجەسى مىناۋ:

ءادىل ءارى اشىق وتەدى - 3%

جازىقسىزدار تۇتىلىپ، وق اتقاندار قۇتىلادى - 33%

بيلىكتىڭ دەگەنى بولادى - 65%

بەرىلگەن داۋىستار سانى: 212

سوتتىڭ اشىقتىقتان ايىرىلاتىنىن قايران ەل بىلگەن ەكەن عوي. ءيا، ەل ءبارىن بىلەدى...

«اباي-اقپارات»