قازاقستاندىقتار WhatsApp مەسسەندجەرىندە "ەلىمىزدە قىتاي ازاماتتارى ءۇشىن ۆيزاسىز رەجيم ەنگىزىلەتىنى" تۋرالى حابارلامانى تاراتۋدا. الايدا بۇل اقپارات نەگىزسىز. بۇل تۋرالى stopfake.kz سايتى حابارلادى.

قر سىرتقى ىستەر مينيسترلىگى قىتاي ازاماتتارى ءۇشىن ۆيزالىق رەجيمنىڭ وزگەرەتىنى تۋرالى اقپاراتتى جوققا شىعاردى. مينيسترلىك اتالمىش اقپارات بويىنشا كەلەسىدەي تۇسىنىكتەمە بەردى: "قىتايداعى قازاقستان رەسپۋبليكاسىنىڭ شەت ەلدەردەگى مەكەمەلەرى قحر ازاماتتارى ءۇشىن ۆيزالاردى شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلارىن رەسىمدەۋ، شاقىرۋلارىن كەلىسۋ، قازاقستان رەسپۋبليكاسىنىڭ ۆيزالارىن بەرۋ، كۇشىن جويۋ، قالپىنا كەلتىرۋ، سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ قاعيدالارىنا سايكەس رەسىمدەيدى. سونىمەن قاتار، قر ۇكىمەتىنىڭ شەشىمىمەن 2020 جىلدىڭ ناۋرىز ايىنان باستاپ قحر ازاماتتارىنا ۆيزا قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ تۋىنداۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ شەشىمى بويىنشا بەرىلەدى”.

Abai.kz