4 ناۋرىزدا كءۇءندىز الماتىنىڭ تءاۋەلسىزدىك مونۋمەنتى الدىندا قاتارىنان ءۇش پيكەت ءوءتتى. پيكەتكە شىققاندار ساياسي تۇتقىنداردى بوساتۋدى, دەپۋتاتتار جالاقىسىن 42 500 تەڭگە قىلۋدى جءانە "نۇر وتان" پارتياسى تءوراعاسىنىڭ ءبىرىنشى ورىنباسارى, بۇرىنعى قالا ءاكىمى باۋىرجان بايبەكتى سوتقا تارتۋدى تالاپ ەتتى. بۇل تۋرالى Centralasian مالىمدەدى.

بىلتىردان بەرى ساياسي تۇتقىنداردى بوساتۋدى تالاپ ەتىپ، ءجيى پيكەتكە شىعىپ جۇرگەن بەلسەندى داريعا راقىم بەيسەنبى كۇنى دە ورتالىق الاڭعا "ساياسي تۇتقىنداردىڭ" اتى-جوندەرى جازىلعان پلاكاتپەن كەلدى.

- مەن ەلدەگى بارلىق ساياسي تۇتقىنداردى بوساتۋدى تالاپ ەتەمىن. ەگەر قاتەلەسپەسەم، سونداي 27 ادام بار. ارون اتابەك، المات جۇماعۇلوۆ، كەنجەبەك ابىشەۆ، اسەت ابىشەۆ، ەرجان ەلشىباەۆ، شۋحرات كيبيروۆ جانە جاستار بەلسەندىلەرى. قازىر بيلىك ازاماتتىق بەلسەندىلەردى قۋدالاۋدى كۇشەيتتى. ازاماتتىق بەلسەندىلەردىڭ كوكسەگەنى نە؟ ولار بيلىك قۇقىقتارىن قۇرمەتتەسە دەيدى، كونستيتۋتسيامەن كەپىلدەندىرىلگەن بوستاندىقتىڭ شەكتەلمەگەنىن قالايدى. بيلىكتىڭ اۋىسىمدىلىعىن، دامۋ بولعانىن قالايدى. ءبىز باي ەلمىز. جەر قويناۋىمىز رەسۋرستارعا باي. ەندەشە نەگە ءبىز دامىعان ەلدەردىڭ قاتارىندا ەمەسپىز؟ - دەدى ول. بەلسەندى دەمالىس كۇندەرىنەن بولەك پيكەتىن جالعاستىرا بەرەتىنىن ايتتى.

ول پيكەتىن اياقتاعاننان كەيىن "42 500 تەڭگە" دەگەن جازۋى بار قاعاز كوتەرگەن الماتى تۇرعىنى اسقار يساتاي الاڭعا كەلدى. اكىمدىك پيكەتتىڭ "زاڭسىز" ەكەنىن ايتىپ، ەسكەرتۋ جاسادى.

- سەناتورلار مەن دەپۋتاتتاردىڭ ايلىعى 42 500 تەڭگە بولۋى كەرەك. قازىر ولار كەم دەگەندە 600-700 مىڭ تەڭگە ايلىق الادى. ولاردىڭ بۇعان قوسا، حاتشىسى، كومەكشىسى بار. ەكەۋى دە ايلىق الادى. قىزمەتتىك كولىكتەرى، كابينەتى بار. بايلانىس، ساناتوري دەپ تىزبەكتەپ ايتا بەرسە بولادى. شامالاۋىمشا، ءبىر دەپۋتاتقا كەمىندە ءبىر اي ىشىندە 2-3 ملن تەڭگە كەتەدى. ولاردىڭ جۇمىسى ونداي اقشاعا تۇرمايدى دەپ سانايمىن. ءتىپتى 200-500 مىڭعا تۇرمايدى. دەپۋتاتتار مەن سەناتورلار 42,5 مىڭ تەڭگەلىك ايلىققا كوشسىن. مۇنداي اقشانى قازىر كوپ بالالى انالار، مۇگەدەكتەر، تۇراقتى جۇمىسى جوق ادامدار الىپ جاتىر، - دەيدى اسقار يساتاي.

ودان سوڭ بەلسەندى اباي ەرەكەنوۆ پيكەتىن باستادى. "بايبەكتى سوتقا تارتۋ كەرەك" دەگەن جازۋى بار پلاكات كوتەرگەن بەلسەندى "نۇر وتان" پارتياسى توراعاسىنىڭ ءبىرىنشى ورىنباسارى، بۇرىنعى قالا اكىمى باۋىرجان بايبەكتىڭ "جەمقورلىقپەن بايلانىستى" ارەكەتتەرىن سىناپ، سوتقا تارتۋ قاجەتتىگىن ايتتى.

- ەندى قازىر قالانى دامىتۋدىڭ باس جوسپارى دەپ سول "جەمقورلىق ىستەردى" زاڭداستىرعىسى كەلەدى. بايبەك قوعامدىق تىڭداۋسىز، قوعامدىق تالقىلاۋسىز، ادامدارعا اقپارات بەرمەي، ءماسليحات شەشىمىنسىز، مينيسترلەر كابينەتىنىڭ شەشىمىنسىز ءوز بەتىنشە بىرقاتار قاۋلىلارعا قول قويدى. ءىس جۇزىندە بايبەك تۇسىندا الماتىدا جاپپاي زاڭسىز قۇرىلىس باستالدى، - دەدى ەرەكەنوۆ.

ول الماتىداعى ورتالىق دەمالىس ساياباعىندا جاتاقحانانىڭ سالىناتىنى بەلگىلى بولىپ، قوعامدا داۋ تۋعىزعان جەر داۋىن دا سونىڭ سالدارى رەتىندە مىسالعا كەلتىردى.

قازاقستاندا سوڭعى كەزدە نارازىلىق جيىلەگەن. ەلدە بەلسەندىلەردى قۋدالاماۋ، ساياسي تۇتقىنداردى بوساتۋ، باسپانا ماسەلەسىن شەشۋ، انا مەن بالاعا مەملەكەت قامقورىن ۇلعايتۋ، جالاقىنى ءوسىرۋ سياقتى تالاپتار ايتىلعان نارازىلىقتار اپتا سايىن ءوتىپ جاتىر.

Abai.kz