كەشە، 10 ناۋرىز كۇنى قازاقستان جازۋشىلار وداعى الماتى قالاسى مۋزەيلەر بىرلەستىگىمەن ىنتىماقتاستىق تۋرالى مەموراندۋمعا قول قويدى. 

مەموراندۋمعا سايكەس اتالعان مەكەمەلەر وسكەلەڭ ۇرپاققا ەستەتيكالىق ءتالىم-تاربيە بەرەتىن، وتانسۇيگىشتىككە باۋليتىن باعدارلامالاردى جۇزەگە اسىرادى.

سونىمەن قاتار،  كورمەلەر، مادەني-اعارتۋ ءىس-شارالارى مەن ەكسكۋرسيالار ۇيىمداستىرىپ،  كورنەكت قالامگەرلەردىڭ شىعارماشىلىق ءومىر جولى، قوعامدىق قىزمەتى مەن  ىزدەنىستەرىن جان-جاقتى ناسيحاتتاۋ  بارىسىندا بىرلەسكەن عىلىمي-زەرتتەۋ جۇمىستارىن جۇرگىزەدى.

الداعى ۋاقىتتا تاراپتار مۇقاعالي ماقاتاەۆتىڭ 90 جىلدىق مەرەتويىنا وراي كوشپەلى كورمە ۇيىمداستىرۋ، بىرلەستىككە كىرەتىن مۋزەيلەردە اقىن-جازۋشىلارمەن شىعارماشىلىق كەشتەر وتكىزۋ سىندى كوپتەگەن ادەبي-مادەني شارالاردى بىرلەسىپ اتقارادى.

Abai.kz