قازاقستاننىڭ سىرتقى قارىزى شامامەن $161 ملرد قۇرادى. ال، قارىزداردىڭ باسىم كوپشىلىگى تاۋ-كەن ءوندىرۋ ونەركاسىبىنە جانە كارەرلەردى يگەرۋگە تيەسىلى ەكەن. بۇل تۋرالى LS سايتى جازدى.

ۇلتتىق بانكتىڭ دەرەكتەرى بويىنشا 2020 جىلعى I قازانداعى جاعداي بويىنشا سىرتقى بورىش $160,9 ملرد جەتتى، سالالار بويىنشا ەڭ كوپ بەرەشەك تاۋ-كەن ءوندىرۋ ونەركاسىبىنە جانە كارەرلەردى يگەرۋگە تيەسىلى – $88,1 ملرد، بۇل رەتتە ءبىر جىل ىشىندە مىندەتتەمەلەر 5,7%-عا وسكەن. بۇدان ءارى كاسىبي، عىلىمي جانە تەحنيكالىق قىزمەت سەكتورى. ونىڭ قارىزى 14,5%-عا قىسقارىپ، شامامەن $4 ملرد قۇرادى. كەلەسى ورىندا مەملەكەتتىك باسقارۋ جانە قورعانىس سالاسى – $12,4 ملرد (-3,1%).

سونىمەن قاتار، وڭدەۋ ونەركاسىبىنىڭ قارىزى $11,5 ملرد-قا جەتتى، ءبىر جىل ىشىندە ول 5,5%-عا وسكەن. كوتەرمە جانە بولشەك ساۋدانىڭ بەرەشەگى $8,8 ملرد (+1,1%), ال كولىك جانە قويمالاۋ سەكتورىنىڭ بەرەشەگى – $8,5 ملرد (-17,4%).

سونىمەن قاتار، قارجى جانە ساقتاندىرۋ قىزمەتتەرىنىڭ مىندەتتەمەلەرى ءبىر جىل ىشىندە $500 ملن-عا، $7,5 ملرد-قا دەيىن ۇلعايسا، ال قۇرىلىس – $200 ملن-عا، $3,3 ملرد-قا دەيىن قىسقاردى.

ەڭ از قارىز دەنساۋلىق ساقتاۋ، ويىن-ساۋىق جانە الەۋمەتتىك قىزمەتتەر سالالارىندا – $240,7 ملن جانە سۋمەن جابدىقتاۋ – $142,6 ملن.

Abai.kz