ماڭعىستاۋ وبلىسىنىڭ ورتالىعى - اقتاۋدا ءجۇرىپ جاتقان سوت پروتسەسىنەن  حالىقارالىق «جاڭاوزەن-2011» كوميتەتىنىڭ مۇشەلەرى بەرگەن جەدەل حابارعا سايكەس، التىنشى سوت  وتىرىسىندا (3-ءساۋىر) جابىرلەنۋشىلەردى سۇراۋ جالعاسىپ، ەڭ ءبىرىنشى بولىپ سويلەگەن كاسىپكەر بەردىباەۆا سەنساتسيا دەرلىك مالىمدەمە جاساعان.
ونىڭ ايتۋىنشا، زارداپ شەككەن كاسىپكەرلەر وزدەرىنىڭ تالاپ ارىزدارى سوتتالۋشى مۇنايشىلارعا قارسى پايدالانىلاتىندىعىن بىلمەگەن.
«مەن ءوز تالابىمنان باس تارتامىن، ويتكەنى ءبىزدى اكىمدىككە شاقىرعان كەزدە «تالاپ ارىز مەملەكەتتەن كومەك الۋ ءۇشىن قاجەت» دەگەن بولاتىن. ءبىز سوعان سەنىپ جازىپ ەدىك. ال مۇنىڭ قازىر سوتتا ىسكە قوسىلىپ، مۇنايشىلارعا ايىپ رەتىندە تاڭىلاتىنىن ءبىز بىلمەدىك. مەن بۇل ادامدارعا كىنا تاعىلۋىن قالامايمىن، سوندىقتان وتەماقى سۇرامايمىن، شىعىنىم - ساداقا»، - دەگەن ءۇش ميلليون تەڭگە زارداپ شەككەن بەردىباەۆا.
مۇندايدى كۇتپەگەن پروكۋرور: «ەندەشە تالاپ ارىزدى نەگە جازدىڭىز؟» - دەپ سۇراعان كەزدە كاسىپكەر «اڭقاۋ» زاڭ قىزمەتكەرىنە: «مەن سىزگە تاعى دا قايتالاپ ايتام - ءبىزدى اكىمدىككە شاقىرعان كەزدە «مەملەكەت ارقايسىڭىزدىڭ دۇكەنىڭىزدى قالپىنا كەلتىرۋگە قاجەت شىعىندى وتەيدى، سول ءۇشىن جازىڭىزدار» دەگەسىن جازدىق. ودان كەيىن سول جازعانىمىزدىڭ سوتتالۋشى مۇنايشىلارعا ايىپ بولىپ تاعىلاتىنىن بىلمەدىك. ەگەر مۇنى الدىن-الا ايتقاندا، جازبايتىن ەدىك»، - دەپ جاۋاپ بەرگەن.

ماڭعىستاۋ وبلىسىنىڭ ورتالىعى - اقتاۋدا ءجۇرىپ جاتقان سوت پروتسەسىنەن  حالىقارالىق «جاڭاوزەن-2011» كوميتەتىنىڭ مۇشەلەرى بەرگەن جەدەل حابارعا سايكەس، التىنشى سوت  وتىرىسىندا (3-ءساۋىر) جابىرلەنۋشىلەردى سۇراۋ جالعاسىپ، ەڭ ءبىرىنشى بولىپ سويلەگەن كاسىپكەر بەردىباەۆا سەنساتسيا دەرلىك مالىمدەمە جاساعان.
ونىڭ ايتۋىنشا، زارداپ شەككەن كاسىپكەرلەر وزدەرىنىڭ تالاپ ارىزدارى سوتتالۋشى مۇنايشىلارعا قارسى پايدالانىلاتىندىعىن بىلمەگەن.
«مەن ءوز تالابىمنان باس تارتامىن، ويتكەنى ءبىزدى اكىمدىككە شاقىرعان كەزدە «تالاپ ارىز مەملەكەتتەن كومەك الۋ ءۇشىن قاجەت» دەگەن بولاتىن. ءبىز سوعان سەنىپ جازىپ ەدىك. ال مۇنىڭ قازىر سوتتا ىسكە قوسىلىپ، مۇنايشىلارعا ايىپ رەتىندە تاڭىلاتىنىن ءبىز بىلمەدىك. مەن بۇل ادامدارعا كىنا تاعىلۋىن قالامايمىن، سوندىقتان وتەماقى سۇرامايمىن، شىعىنىم - ساداقا»، - دەگەن ءۇش ميلليون تەڭگە زارداپ شەككەن بەردىباەۆا.
مۇندايدى كۇتپەگەن پروكۋرور: «ەندەشە تالاپ ارىزدى نەگە جازدىڭىز؟» - دەپ سۇراعان كەزدە كاسىپكەر «اڭقاۋ» زاڭ قىزمەتكەرىنە: «مەن سىزگە تاعى دا قايتالاپ ايتام - ءبىزدى اكىمدىككە شاقىرعان كەزدە «مەملەكەت ارقايسىڭىزدىڭ دۇكەنىڭىزدى قالپىنا كەلتىرۋگە قاجەت شىعىندى وتەيدى، سول ءۇشىن جازىڭىزدار» دەگەسىن جازدىق. ودان كەيىن سول جازعانىمىزدىڭ سوتتالۋشى مۇنايشىلارعا ايىپ بولىپ تاعىلاتىنىن بىلمەدىك. ەگەر مۇنى الدىن-الا ايتقاندا، جازبايتىن ەدىك»، - دەپ جاۋاپ بەرگەن.
ءسويتىپ، پروكۋرورلاردىڭ قوقان-لوققىسىنان قايمىقپاي، ماسەلەنىڭ ادالىنا جۇگىنگەن قايسار ايەل 188 جابىرلەنۋشىنىڭ باسىم كوپشىلىگى نە سەبەپتەن سوتقا تالاپ ارىز جازۋىنىڭ بۇكىل قۇپياسىن اشىپ بەرگەن!
«وزەنمۇنايگاز»-دىڭ كاسىپوداق توراعاسى ساقتاعانوۆ ناۋرىز دا ءوز ۇيىمىنىڭ بۇلىنگەن مۇلكى ءۇشىن قاراجاتتىق تالاپتان باس تارتقان جانە ونىڭ ۇستىنە، 15-ءشى جەلتوقسان كۇنى «ەرتەڭىنە جاڭاوزەندە تارتىپسىزدىكتەر بولۋى مۇمكىن» دەگەن اڭگىمە بولعانىن ايتقان. ادۆوكاتتىڭ ماسەلەنى انىقتاۋ ماقساتىندا قويعان سۇراعىنا ول مۇنى اكىم ساربوپەەۆتىڭ دە اۋىزىنان ەستىگەنىن مالىمدەگەن. ياعني، بيلىكتىڭ 16-شى جەلتوقساندا «بولۋعا ءتيىس تارتىپسىزدىكتەردى» الدىن-الا «قامداعاندىعىن» راستاي تۇسكەن.
كاسىپكەر بايبولاتوۆا ايگۇل فاميلياسى ەسىنە تۇسپەگەن پوليتسيا قىزمەتكەرىنىڭ قاشان ول «مۇلكى تونالعاندىعى جونىندە» ارىز جازبايىنشا دۇكەنىنىڭ بەكىتۋلى ەسىگىن اشۋعا رۇقسات بەرمەي، كەدەرگى كەلتىرگەندىگىن كورسەتكەن.
قىسقاسى، بۇل سوت پروتسەسى، شىنتۋايتىندا، رەجيمنىڭ ءۇش اي بويى دايىنداعان قۇيتىرقى جوسپارلارىن بىت-شىت قىلىپ، جالعان ايىپتاۋشىلاردىڭ بەيكۇنا ايىپتالۋشىلاردى ەمەس، كەرىسىنشە، بيلىك ءوز مۇددەسىنە پايدالانعىسى كەلگەن قاراپايىم ەڭبەكشىلەردىڭ بيلىكتىڭ ءوزىن اشكەرەلەپ، ءۇستى-ۇستىنە سوققى بەرۋ پروتسەسىنە اينالىپ بارا جاتقانعا ۇقسايدى. ءسىرا، «وتىرىكتىڭ قۇيرىعى ءبىر-اق تۇتام» دەگەن وسىنداي-اق بولار...  

جاسارال قۋانىشالين،
حالىقارالىق «جاڭاوزەن-2011» كوميتەتىنىڭ
اقپاراتتىق توپ جەتەكشىسى.
الماتى قالاسى،
2012 جىلدىڭ 03-ءساۋىرى.
«اباي-اقپارات»