كولىك كەپتەلىسى بويىنشا الەمدەگى ەڭ ناشار ەلدەردىڭ رەيتينگىندە قازاقستان 85 ەلدىڭ ىشىندە 51-ورىنعا يە بولدى. ال، ءبىر ايدا ەلدىڭ كولىك-لوگيستيكا سالاسىنا 27 ميلليارد تەڭگە ينۆەستيتسيا قۇيىلعان. بۇل تۋرالى finprom.kz مالىمدەدى.

ەلدىڭ ترافيك يندەكسى 128,37-ءنى قۇرادى. يندەكس جۇمىسقا باراتىن ۋاقىتتى، ۋاقىت شىعىندارىنا قاناعاتتانباۋدى، جول قوزعالىسى كەزىندە CO2 تۇتىنۋدى جانە الەمنىڭ ءارتۇرلى ەلدەرىندەگى جول قوزعالىسى جۇيەسىنىڭ جالپى تيىمسىزدىگىن باعالايدى.

رەيتينگ دەرەكتەرىنە سايكەس، قر-دا جۇمىسقا بارۋعا جۇمسالعان ورتاشا ۋاقىت ءبىر جاققا عانا بارۋعا 33,64 مينۋتتى قۇرايدى. قر-داعى سو2 شىعارىندىلارىنىڭ يندەكسى 4040,36-نى قۇرادى، بۇل – ەكى جاققا جۇمسالعان قوزعالىس كەزىندە سو2 شىعارىندىلارىن باعالاۋ كورسەتكىشى.

قاڭتاردا كۇردەلى قارجى سالىمدارىنىڭ باسىم بولىگى قر-داعى جالپى كورسەتكىشتەن 47,3%-ى نەمەسە 12,6 ملرد تگ قوستاناي وبلىسىنا تيەسىلى بولدى. ءبىر جىلدا 6,4 ەسە ارتقان. ودان كەيىن الماتى وبلىسى (3,4 ملرد تگ، ءبىر جىل بۇرىنعىعا قاراعاندا 13,6 ەسە ارتىق) جانە نۇر-سۇلتان قالاسى (1,8 ملرد تگ، 21,2% از) تۇر.

لوگيستيكا سالاسىنا قاڭتار ايىندا شىمكەنتتە ەڭ از ينۆەستيتسيا سالىندى. مۇندا 73,9 ملن تەڭگە سالىندى، ءبىر جىل بۇرىنعىدان 75,4%-عا كەم.

Abai.kz