وزبەكستاننىڭ مەكتەپكە دەيىنگى ءبىلىم بەرۋ جۇيەسى كورەيالىق «Edu Link» باعدارلاماسى نەگىزىندە وقىتىلاتىن بولادى. پلاتفورمانى ەنگىزۋگە 500 مىڭ دوللار ينۆەستيتسيا قۇيىلماق. 

پلاتفورمانى ەنگىزۋگە قاتىستى كەلىسسوزدەر 24 ناۋرىزدا ەكى ەل اراسىنداعى دەلەگاتسيالاردىڭ كەزدەسۋ بارىسىندا تالقىلانعان.

كورەيا تاراپى «Edu Link» باعدارلاماسىن ەنگىزۋدى ۇسىنعان. باعدارلامانىڭ  3-7 جاس ارالىعىنداعى بالالارعا ارنالعان ارنايى قوسىمشاسى دا بار. ونىڭ كومەگىمەن بالالار اعىلشىن، ورىس، كارىس تىلدەرىن جانە ماتەماتيكانى ۇيرەنە الادى. ساباقتار قىزىقتى فورماتتا ۇيىمداستىرىلادى. مەكتەپكە دەيىنگى بالالاردى وقىتۋ بويىنشا كورەيانىڭ ۇلگىسى الەمدەگى ەڭ وزىقتاردىڭ قاتارىندا.

Abai.kz