بۇگىن دەنساۋلىق ساقتاۋ ءمينيسترى الەكسەي تسوي جۇمىس ساپارىمەن الماتى قالاسىنا باردى.

مينيستر قالاداعى ەپيدەميولوگيالىق احۋالمەن تانىسىپ، كوروناۆيرۋس ينفەكتسياسىمەن كۇرەستىڭ تيىمدىلىگىن ارتتىرۋ بويىنشا مىندەتتەر قويدى. ساپاردىڭ نەگىزگى ماقساتتارىنىڭ ءبىرى – مەديتسينالىق نىسانداردى حالىقتى جاپپاي ۆاكتسيناتسيالاۋعا دايىندىعىن تەكسەرۋ جانە مەديتسينالىق كومەك كورسەتۋدىڭ پروبلەمالىق ماسەلەلەرىندە ادىسنامالىق كومەك كورسەتۋ بولدى.

بۇعان دەيىن حابارلانعانداي، الماتى سوڭعى ەكى اپتا بويى كۆي-مەن سىرقاتتانۋشىلىقتىڭ ءوسۋى جانە جاعدايى اۋىر ناۋقاس سانى بويىنشا قولايسىز ايماقتا تۇر.

ماسەلەن، بيىل 25 ناۋرىزداعى جاعداي بويىنشا الماتىدا كۆي جۇقتىرعان پاتسيەنتتەرگە ارنالعان توسەك-ورىن سانى - 5180, بۇل ەلدەگى جالپى توسەك-ورىن قورىنىڭ 22%. ستاتسيوناردا 1847 ادام جاتىر، توسەك-ورىننىڭ 36% ناۋقاس بار.

مينيستر قالاداعى ءىرى ستاتسيونارلاردىڭ ءبىرى - №7 كوپبەيىندى كلينيكالىق اۋرۋحانادا بولدى، وندا 722 توسەك بار. ورتا ەسەپپەن مۇندا تاۋلىگىنە 250-300 پاتسيەنت تۇسەدى. جىلىنا 77 مىڭ ادام قارالادى. ونىڭ ىشىندە ورتا ەسەپپەن 30% -ى، ياعني 23 مىڭنان استام ادام اۋرۋحاناعا جاتقىزىلادى. ستاتسيونارعا ەمدەۋگە جاتقانداردىڭ 80% شۇعىل جانە 20% جوسپارلى تۇردە.

كلينيكانى ارالاۋ بارىسىندا ا.تسوي قارقىندى تەراپيانى قاجەت ەتەتىن كۆي بار پاتسيەنتتەر ءۇشىن ساپالى ستاتسيونارلىق كومەككە قول جەتكىزۋدى قامتاماسىز ەتۋدىڭ ماڭىزدىلىعىن اتاپ ءوتتى.

دەنساۋلىق ساقتاۋ ءمينيسترى جاعدايى اۋىر ناۋقاستار ءۇشىن رەانيماتسيا جاعدايىندا مەديتسينالىق كومەك كورسەتۋ تاجىريبەسى بار ءتۇرلى بەيىندەگى ەلدىڭ ەڭ ۇزدىك دارىگەرلەرىن كونسۋلتاتيۆتىك كومەككە تارتۋ قاجەتتىگىن اتاپ ءوتتى.

كەلەسى نىسان №4 قالالىق ەمحانا بولدى، ونىڭ بازاسىندا حالىقتى كوروناۆيرۋس ينفەكتسياسىنان ۆاكتسيناتسيالاۋ جۇرگىزىلەدى.

مەديتسينالىق ۇيىمنىڭ باسشىسى كەستەگە سايكەس ۆاكتسيناتسيانى جۇرگىزۋ بارىسى تۋرالى ايتىپ بەردى، ءبىرىنشى كەزەكتە ەمحانانىڭ بارلىق مەديتسينا قىزمەتكەرلەرى، سودان كەيىن پەداگوگتار مەن قۇقىق قورعاۋ ورگاندارىنىڭ قىزمەتكەرلەرى گام-كوۆيد-ۆاك ۆاكتسيناسىن الدى.

ەمحانا ءبىر مەزگىلدە جالپى 83 690 ادامعا العاشقى مەديتسينالىق-سانيتاريالىق، كونسۋلتاتسيالىق-دياگنوستيكالىق قىزمەت كورسەتەدى، ونىڭ ىشىندە ەرەسەكتەر – 66 509, بالالار – 17 181.

دەنساۋلىق ساقتاۋ ءمينيسترى باستاپقى مەديتسينالىق ۇيىمنىڭ مەديتسينا قىزمەتكەرلەرىنىڭ نازارىن تىركەلگەن حالىقتى بارىنشا قامتۋ ءۇشىن جاپپاي ۆاكتسيناتسيالاۋدى ناقتى ۇيىمداستىرۋ قاجەتتىگىنە اۋداردى.

سونىمەن قاتار، ول ەمحانا قىزمەتكەرلەرى ءۇشىن ۆاكتسيناتسيانىڭ وڭ اسەرى تۋرالى حالىقپەن ءتۇسىندىرۋ جۇمىستارىن جۇرگىزۋ ماڭىزدى ەكەنىن، بۇل ۆيرۋستىڭ تارالۋىمەن كۇرەسۋدىڭ جالعىز ءتاسىلى ەكەنىن اتاپ ءوتتى.

انىقتاما: 25 ناۋرىزداعى جاعداي بويىنشا الماتى قالاسىندا COVID-19 جۇقتىرعان 31 307 ناۋقاس جانە ىقتيمال COVID-19 (پتر -) دياگنوزىمەن 5 498 جاعدايى تىركەلدى. 559 ادام قايتىس بولعان (452 كۆي+, 107 كۆي-).
سوڭعى 7 كۇن ىشىندە 100 مىڭ تۇرعىنعا شاققاندا كۆي+ سىرقاتتانۋشىلىق كورسەتكىشى - 141,0 قۇرادى، RT رەپرودۋكتيۆتى سانى 1,11 قۇرادى. سوڭعى تاۋلىكتە كۆي+ 341 جاعدايى تىركەلدى، ءوسىم 1,1 قۇرادى.

وتكەن اپتادا (18 ناۋرىزدان 24 ناۋرىزعا دەيىن) الدىڭعى اپتامەن سالىستىرعاندا (11 ناۋرىزدان 17 ناۋرىزعا دەيىن) اۋرۋدىڭ 1,3 ەسە ءوسۋى بايقالادى (2 033-تەن 2 659 جاعدايعا دەيىن).

اۋرۋدىڭ ەڭ جوعارى كورسەتكىشى بوستاندىق، اۋەزوۆ، مەدەۋ جانە ناۋرىزباي اۋداندارىندا تىركەلدى.

Abai.kz