قىرعىزستاندا جاپپاي ۆاكتسيناتسيالاۋ باستالدى. العاش بولىپ ۆاكتسينانى دەنساۋلىق ساقتاۋ ءمينيسترى الىمكادىر بەيشەناليەۆ الدى.

ۆاكتسيناتسيالاۋ قىتايدىڭ Sinopharm ۆاكتسيناسى ارقىلى جۇرۋدە. ونى بەيجىڭ گۋمانيتارلىق كومەك رەتىندە تابىستاعان.  ءمينيستردىڭ سوزىنشە رەسەيلىك "سپۋتنيكا V" مامىر نەمەسە ماۋسىم ايلارىندا كەلۋى مۇمكىن.

"بىزگە باستاپقىدا Pfizer ۆاكتسيناسىن ۇسىنعان بولاتىن، الايدا بىزدە ونى ساقتايتىن مۇمكىندىك بولمادى. سوندىقتان ەكىنشى مارتە بىزگە AstraZeneca ۇسىندى. ول بىزگە ناۋرىز ايىندا جەتۋى ءتيىس ەدى، الايدا كوپتەگەن ەلدەردە بۇل ۆاكتسينادان كەيىن جاعىمسىز اسەرلەر مەن ادام ولىمدەرى تىركەلدى. ءبىز ءولىم سەبەپتەرىن سۇراپ حات جازدىق. حاتقا جاۋاپ كەلىپ، وندا ۆاكتسينادان ەمەستىگى كورسەتىلسە، ءبىز ونى الامىز", — دەدى مينيستر.
قىرعىزستاندا ۆاكتسينانى دارىگەرلەر، مۇعالىمدەر مەن اسكەريلەر ءبىرىنشى بولىپ الادى.

Abai.kz