قازانداعى تۇركىمەنستاننىڭ باس كونسۋلى اتادۋردى بايراموۆ ستۋدەنتتەرمەن كەزدەسۋ بارىسىندا ەكى ەل اراسىنداعى شەكارانىڭ 2023 جىلعا دەيىن اشىلماۋى مۇمكىندىگىن ايتتى.

ستۋدەنتتەرمەن كەزدەسۋ ۋليانوۆسك مەملەكەتتىك پەداگوگيكالىق ۋنيۆەرسيتەتىندە وتكەن. كەزدەسۋگە تۇركىمەن ستۋدەنتتەرى دە قاتىسقان.

ەلشى ەكى ەل اراسىنداعى ءبىلىم سالاسى بويىنشا ارىپتەستىك، مادەني شارالار جايلى كوپ ايتقانىمەن، ستۋدەنتتەر تاراپىنان كوروناداعدارىسقا قاتىستى كوپ سۇراق قويىلعان. پاندەميا باستالعالى بەرى بىرنەشە مىڭ تۇركىمەن ستۋدەنتى رەسەيدەن قايتا الماي وتىر. وعان باستى سەبەپ شەكارانىڭ جابىق بولۋى. ءتىپتى ۋنيۆەرسيتەتتى بىلتىر بىتىرگەندەر دە رەسەيدە قالۋعا ءماجبۇر بولۋدا. بۇعان قاتىستى بايراموۆ 2023 جىلعا دەيىن شەكارانىڭ اشىلۋىنا كۇمان كەلتىرگەن. الايدا رەسەيدەگى ستۋدەنتتەردى الىپ شىعۋعا بارىن سالاتىنىن جەتكىزگەن.

Abai.kz