ءتىلباي ساقاۋ. ساپاسىز اۋدارما جاۋاپقا تارتىلا ما؟
ادىلەت ءمينيسترى بەرىك يماشەۆ زاڭ جوبالارىن مەملەكەتتىك تىلگە ساپاسىز اۋدارعانى ءۇشىن جوبا جاساۋشى ورگانداردىڭ تارتىپتىك جاۋاپكەرشىلىگىن ەنگىزۋدى ۇسىندى.
«زاڭ شىعارۋ پروتسەسىندەگى وتكىر ماسەلەلەردىڭ ءبىرى - زاڭ جوبالارى ماتىندەرىنىڭ تۇپنۇسقالىعى بولىپ تابىلادى، بۇل پروبلەما بارىمىزگە جاقسى بەلگىلى... بيىلدان باستاپ، ونداي جاعدايلار انىقتالسا، ادىلەت مينيسترلىگى ءتيىستى جوبا جاساۋشى ورگانداردىڭ باسشىلارىن جانە قىزمەتكەرلەرىن تارتىپتىك جاۋاپكەرشىلىككە تارتۋ ماسەلەسىن كوتەرەتىن بولادى، - دەدى بەرىك يماشەۆ. - مەملەكەتتىك ورگاندار لينگۆيستيكا ورتالىعىنا وتە تومەن دەڭگەيدە جاسالعان قازاق تىلىندەگى زاڭ جوبالارىن ۇسىنادى. كەيدە، ءتىپتى، كومپيۋتەردىڭ كومەگىمەن باعدارلاما بويىنشا اۋدارىلعان، مۇلدەم وڭدەلمەگەن سوراقى ماتىندەر كەزدەسەدى. كومپيۋتەرلىك باعدارلامالاردىڭ ماتىندەرىمەن جۇمىس ىستەگەن ادام كومپيۋتەرلىك باعدارلاما قاي تىلدە اۋدارما جاساسا دا، ونى مىندەتتى تۇردە تەكسەرۋى ءتيىس. ءىس جۇزىندە كومپيۋتەرلىك باعدارلاما - جولما-جول اۋدارمانىڭ ەڭ ناشار نۇسقاسى»، دەدى ادىلەت ءمينيسترى.
ءمينيستردىڭ ايتۋىنشا، اتالعان ماسەلەنى شەشۋ ماقساتىندا وتكەن جىلى زاڭ جوبالارىنىڭ لينگۆيستيكالىق ساراپتاماسى ەنگىزىلدى.
ادىلەت ءمينيسترى بەرىك يماشەۆ زاڭ جوبالارىن مەملەكەتتىك تىلگە ساپاسىز اۋدارعانى ءۇشىن جوبا جاساۋشى ورگانداردىڭ تارتىپتىك جاۋاپكەرشىلىگىن ەنگىزۋدى ۇسىندى.
«زاڭ شىعارۋ پروتسەسىندەگى وتكىر ماسەلەلەردىڭ ءبىرى - زاڭ جوبالارى ماتىندەرىنىڭ تۇپنۇسقالىعى بولىپ تابىلادى، بۇل پروبلەما بارىمىزگە جاقسى بەلگىلى... بيىلدان باستاپ، ونداي جاعدايلار انىقتالسا، ادىلەت مينيسترلىگى ءتيىستى جوبا جاساۋشى ورگانداردىڭ باسشىلارىن جانە قىزمەتكەرلەرىن تارتىپتىك جاۋاپكەرشىلىككە تارتۋ ماسەلەسىن كوتەرەتىن بولادى، - دەدى بەرىك يماشەۆ. - مەملەكەتتىك ورگاندار لينگۆيستيكا ورتالىعىنا وتە تومەن دەڭگەيدە جاسالعان قازاق تىلىندەگى زاڭ جوبالارىن ۇسىنادى. كەيدە، ءتىپتى، كومپيۋتەردىڭ كومەگىمەن باعدارلاما بويىنشا اۋدارىلعان، مۇلدەم وڭدەلمەگەن سوراقى ماتىندەر كەزدەسەدى. كومپيۋتەرلىك باعدارلامالاردىڭ ماتىندەرىمەن جۇمىس ىستەگەن ادام كومپيۋتەرلىك باعدارلاما قاي تىلدە اۋدارما جاساسا دا، ونى مىندەتتى تۇردە تەكسەرۋى ءتيىس. ءىس جۇزىندە كومپيۋتەرلىك باعدارلاما - جولما-جول اۋدارمانىڭ ەڭ ناشار نۇسقاسى»، دەدى ادىلەت ءمينيسترى.
ءمينيستردىڭ ايتۋىنشا، اتالعان ماسەلەنى شەشۋ ماقساتىندا وتكەن جىلى زاڭ جوبالارىنىڭ لينگۆيستيكالىق ساراپتاماسى ەنگىزىلدى.
بۇل باستاماعا «بارەكەلدى!» دەپ بوركىمىزدى اسپانعا اتۋعا ءازىرمىز، الايدا، سول شالا ساۋاتتى اۋدارماشىلار مەن سوعان جاۋاپتى لاۋازىمدىلاردى جاۋاپقا تارتاتىن زاڭ جوباسى قاشان ۇسىنىلادى، ماسەلە سوندا! قازاققا دالباسا باستاما مەن ۇسىنىستى بەرىپ، باس قاتىراتىن، ابىروي الىپ، داڭق پەن تورگە شىعاتىن ۋاقىت ءوتىپ كەتتى-اۋ! ءتىلدى تالعاجاۋ ەتكەن تالاي شەندىلەر بۇگىندە ماجىلىستە وتىر. ول مانداتتى «حالىقشىلداردا» نە يدەيا، نە باستاما، نە حالىق اتىنان باقىلاۋ جوق. تاك شتو، بەرىك مىرزا، «ا» دەگەسىن، «ب»-نى جاسىرماڭىز، العا!
«اباي-اقپارات»
