الماتى قالاسىندا ۆيرۋستىڭ جاڭا شتاممى پايدا بولدى. عالىمدار ونى ازىرگە "الماتىلىق" دەپ اتاپ وتىر. بۇل تۋرالى قازاقستان اگرارلىق ۋنيۆەرسيتەتىندە ورنالاسقان حالىقارالىق ۆاكتسينولوگيا ورتالىعىنىڭ وكىلدەرى حابارلادى.  

ولار 18-25 ناۋرىز ارالىعىندا الماتى قالاسىندا بريتاندىق، افريكالىق شتاممداردىڭ بار-جوقتىعىن انىقتاۋ ماقساتىندا ءبىر اپتالىق زەرتتەۋ جۇرگىزگەن. ازىرگە "الماتىلىق" شتاممنىڭ كوروناۆيرۋستىڭ بازالىق جۇيەسىنە قالاي اسەر ەتەتىنى بەلگىسىز. ونى انىقتاۋ ءۇشىن ناقتى زەرتتەۋگە ۋاقىت كەتەدى.

18 ناۋرىز كۇنى ۆاكتسينولوگيا ورتالىعىنا كوروناۆيرۋستىڭ 12 ءتۇرى كەلىپ تۇسكەن. ونى سانيتارلىق-ەپيدەميولوگيالىق ەكسپەرتيزا ماماندارى اكەلگەن. ۆيرۋستىڭ ۇلگىلەرى قازاقستاندا بريتاندىق جانە افريكالىق تيپتەردىڭ بار-جوقتىعىن انىقتاۋ ءۇشىن مۇقيات تەكسەرىلگەن.

عالىمدار بريتاندىق شتاممنىڭ قازىرگى ۆيرۋستىڭ تۇرىنە وتە ۇقساس ەكەنىن انىقتادى. ال افريكالىق شتامم مۋتاتسياعا ۇشىراپ ۇلگەرىپتى. ۋحاندىق شتاممدا دا مۋتاتسيا انىقتالعان. ول مۋتاتسيا ءتۇرىن عالىمدار ازىرگە "الماتىلىق" دەپ اتادى.

"ازىرگە الماتىلىق مۋتاتسيانىڭ قاۋىپتىلىگىن انىقتاۋ ءۇشىن وزگە ايماقتاعى ۆيرۋستىڭ ۇلگىلەرىن دە تەكسەرۋ كەرەك. وعان ۋاقىت قاجەت، سوندىقتان زەرتتەۋدى جالعاستىرامىز",- دەيدى عالىمدار.

Abai.kz