رەسەي پرەزيدەنتىنىڭ ءباسپاسوز حاتشىسى دميتري پەسكوۆ كرەمل دونباستاعى جاعدايدىڭ ۋشىعىپ جاتقانىنا الاڭدايدى دەپ مالىمدەدى.

«ۋكراينا تارابى سوعىسقا يتەرمەلەيتىن ارانداتۋ ارەكەتىنە بارۋى مۇمكىن. مۇنى ارينە كورگىمىز كەلمەيدى»، - دەگەن پەسكوۆتىڭ سوزدەرىن «ينتەرفاكس» اگەنتتىگى بەردى.

«كرەمل ءوزىن ءوزى جاريالاعان دونەتسك حالىقتىق رەسپۋبليكاسىنا اسكەرىن جىبەرۋى مۇمكىن بە» دەگەن سۇراققا پەسكوۆ «وسىعان دەيىن دونباستا بولعان ازاماتتىق سوعىس جايىندا» ايتقىسى كەلگەنىن مەڭزەگەن.

وسىنىڭ الدىندا ۋكراينانىڭ قارۋلى كۇشتەرىنىڭ باس قولباسشىسى رۋسلان حومچاك رەسەي شىعىس شەكاراعا قوسىمشا اسكەرىن جىبەردى. وندا قازىر ءتورت مىڭعا جۋىق ورىس اسكەرى بار دەپ حابارلاعان.

26 ناۋرىزدا دونەتسك وبلىسىندا رەسەي قولداۋ كورسەتەتىن سەپاراتيستەر تارابىنان وق اتىلىپ، ءتورت ۋكراين ساربازى قايتىس بولىپ، ەكەۋى جارالانعان.

دونباستا اسكەري قاقتىعىس 2014 جىلدىڭ كوكتەمىندە رەسەي ۋكرايناعا تيەسىلى قىرىم تۇبەگىن باسىپ العاننان كەيىن باستالدى. سودان بەرى اسكەري قاقتىعىستان كەمىندە ون ءۇش مىڭنان استام ادام قايتىس بولعان. 2015 جىلى جانجالدى توقتاتۋ ءۇشىن مينسك كەلىسىمىنە كەلگەن. باتىس ەلدەرى دونباستاعى جانجالعا ارالاسىپ وتىر دەپ ماسكەۋدى ايىپتايدى. ماسكەۋ بولسا، قاتىسىمىز جوق دەپ جاۋاپ بەرەدى.

Abai.kz