تۇركىمەنستاندا كارانتيندىك شەكتەۋلەردى ازايتۋ بويىنشا قاۋلى ءوز كۇشىنە ەندى. ەلدەگى ۆيرۋس جۇقتىرۋ فاكتىلەرى كوبەيگەنىنە قاراماستان اشحاباد وسىنداي شەشىم قابىلداپ وتىر. كوروناۆيرۋس تۇركىمەنستاندا رەسمي تۇردە مويىندالعان ەمەس، بىراق كارانتيندىك شەكتەۋلەر بار.  

ءبىر جىلدىق ۇزىلىستەن كەيىن ەل ىشىندەگى تەمىرجول جانە اۆتوبۋس بايلىنىستارى قايتا ىسكە قوسىلدى. قوناق ۇيلەر كەلۋشىلەردى قابىلداپ جاتىر. "كوروناۆيرۋس جوق" دەگەن بيلىك كارانتيندىك شەكتەۋلەردى نە سەبەپپەن ەنگىزگەنىن ايتپاعان ەدى، ەندى كارانتيندىك شەكتەۋلەردى ازايتۋدىڭ سەبەبىن دە جاريالامادى.

1 ساۋىردەن باستاپ اۆازاداعى قوناق ۇيلەر دە كەلۋشىلەردى قابىلداۋدى باستادى. قوناق ۇيدە ورنالاسۋ ءۇشىن COVID-19 انىقتالماعانى جايلى انىقتاما كورسەتسەڭىز جەتكىلىكتى. ەلدەگى جاعدايدىڭ ناشارلاعانىنا قاراماستان، قوناق ءۇي باعالارى 35%-عا ارتقان.

كارانتيندىك شەكتەۋلەردى ازايتقان تۇركىمەنستان بيلىگى حالىقتى ۆاكتسيناتسيالاۋدى باستايدى. ەلدە ۆيرۋستىڭ بارىن مويىنداماعان تۇركىمەن بيلىگى بۇل ارەكەتىنە دە رەسمي جاۋاپ بەرمەدى.

Abai.kz