"بورات 2" ءفيلمى "وسكار" كينوپرەمياسىنا ۇسىنىلعان تاريحتاعى ەڭ ۇزىن اتاۋى بار فيلم رەتىندە گيننەسس رەكوردىنا كىردى. ءفيلمنىڭ تولىق اتاۋى "Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan"  دەپ اتالادى. قازاق تىلىندەگى ءفيلمنىڭ اتاۋى "بورات جايلى كەلەسى فيلم: كەزىندە ايبىندى بولعان قازاقستان حالقىنىڭ پايدا تابۋى ءۇشىن امەريكاندىق رەجيمگە ۇلكەن پارا بەرۋى".

15 ناۋرىزدا "بورات-2" ءفيلمى "وسكار-2021" پرەمياسىنا ەكى نوميناتسيا بويىنشا رەسمي تۇردە ۇسىنىلدى.

1 ناۋرىزدا "بورات 2" ءفيلمى "التىن گلوبۋستى" جەڭىپ العان بولاتىن.

2006 جىلى بوراتتىڭ العاشقى ءبولىمى شىقتى. فيلم "بورات: ايبىندى قازاقستان حالقىنىڭ پايداسىنا امەريكا مادەنيەتىن زەرتتەۋ" دەپ اتالدى. سودان بەرى بۇل فيلم ەل اراسىندا ۇلكەن قارسىلىق تۋدىرىپ كەلەدى. ال قازاقستاندى فيلم ستسەناري بويىنشا قابىلدايتىن سىرتقى يميدج دە قالىپتاسىپ ۇلگەرگەن.

Abai.kz