رەسەي وپپوزيتسيونەرى الەكسەي ناۆالنىي ۆلاديمير وبلىسىنداعى № 2 تۇزەتۋ كولونياسىنان مەديتسينا-سانيتارلىق بولىمگە اۋىستىرىلدى. تەكسەرىس بارىسىندا ناۆالنىيدان تىنىس الۋ اۋرۋىنىڭ بارلىعى مەن تەمپەراتۋراسىنىڭ جوعارىلىعى انىقتالعان. 

«وسى جاعدايعا بايلانىستى ودان بارلىق اناليزدەر الىندى. كوروناۆيرۋستى انىقتايتىن تەست تە الدىق. جازاسىن وتەۋشى مەديتسينا-سانيتارلىق بولىمشەگە اۋىستىرىلدى. ونى دارىگەرلەر قاداعالاۋدا. مەكەمەدە جوسپارلى ءتۇرلى دەزينفەكتسيالاۋ، جەلدەتۋ جۇمىستارى جۇرگىزىلىپ تۇرادى»، - دەگەن حابارلاما تاراتتى تۇرمە باسشىلىعى.

الايدا «يزۆەستيا» اقپاراتتىق اگەنتتىگى "ناۆالنىي جاتقان كولونيادا تۋبەركۋلەز اۋرۋىنىڭ انىقتالعانى جالعان، سەبەبى اۋرۋ انىقتالسا كولونيانى تولىقتاي كارانتينگە جىبەرەر ەدى" دەگەن پىكىر ءبىلدىردى.

Abai.kz