مەملەكەت باسشىسى ق.توقاەۆ  «جاڭا جاعدايداعى قازاقستان: ءىس-قيمىل كەزەڭى» اتتى قازاقستان  حالىقىنا جولداۋىندا «وزگەرىستەردىڭ باستى ماقساتى – حالىقتىڭ قاۋىپسىزدىگى مەن ادىلەتتىلىك، زاڭنىڭ بارىنەن جوعارى تۇرۋىن قامتاماسىز ەتۋ» دەگەن بولاتىن. وسىعان وراي،  ءىىم الماتى اكادەمياسىندا «قىلمىستىق سوت تورەلىگىڭ ءۇش بۋىندى مودەلى – ازاماتتاردىڭ قۇقىقتارى مەن بوستاندىقتارىنىڭ كەپىلى» تاقىرىبىندا ونلاين-بايلانىس فورماتتا ءبىرىنشى حالىقارالىق عىلىمي-تاجىريبەلىك كونفەرەنتسيا بولىپ ءوتتى.

كونفەرەنتسيانى ىشكى ىستەر ءمينيسترى، پوليتسيا گەنەرال-لەيتەنانتى ەرلان زامانبەكۇلى تۇرعىمباەۆ اشىپ، «بۇل مەملەكەت باسشىسى قاسىم-جومارت توقاەۆ كەمەلۇلىنىڭ تاپسىرماسىن ورىنداۋ ءۇشىن سوتقا دەيىنگى تەرگەۋ سالاسىندا ەلەۋلى رەفورما جۇرگىزىلىپ جاتقانىن، قىلمىستىق سوت تورەلىگىنىڭ ءۇش بۋىندى مودەلىن ەنگىزۋ ءوزىنىڭ العاشقى ناتيجەسىن بەرە باستادى. جىل باسىنان بەرى ازاماتتاردىڭ كونستيتۋتسيالىق قۇقىقتارىن جانە قىلمىستىق ىستەردى تەرگەۋ مەرزىمدەرىن بۇزۋ ايتارلىقتاي ازايدى، سونداي-اق  جاڭا ءتارتىپ ەنگىزىلگەننەن بەرى پروكۋرورلارمەن 52 مىڭنان استام پروتسەسسۋالدىق شەشىم كەلىسىلگەنىن ونىڭ ىشىندە 22-مىڭىن – توقتاتۋ، 10 مىڭىنىڭ – مەرزىمدەرىن توقتاتۋ، 13- مىڭىن – كۇدىكتى دەپ تانۋ، 7 مىڭىن – ارەكەتتەردىڭ بىلىكتىلىگى تۋرالى بولدى. جۇرگىزىلىپ جاتقان وزگەرىستەردىڭ باستى ماقساتى ازاماتتاردىڭ قۇقىقتارى مەن بوستاندىقتارىن قورعاۋ دەڭگەيىن جوعارى حالىقارالىق ستاندارتتارعا ساي، ارتتىرۋ بولىپ تابىلادى» دەدى.

كونفەرەنتسيا مودەراتورىنىڭ تىزگىنىن - قازاقستان رەسپۋبليكاسى تۇڭعىش پرەزيدەنتى-ەلباسى قورى اتقارۋشى ديرەكتورىنىڭ ورىنباسارى ي. روگوۆ ۇستادى.

اتالعان  كونفەرەنتسيادا قر پارلامەنتى سەناتى توراعاسىنىڭ ورىنباسارى نۇرلان ءابدىروۆ قۇتتىقتاۋ ءسوز سويلەدى، سونداي-اق كونستيتۋتسيالىق كەڭەستىڭ مۇشەسى ءۇنزيلا شاپاق، قر ءىىم جانىنداعى قوعامدىق كەڭەستىڭ توراعاسى، پروفەسسور م.قوعاموۆ، ءىىم باسشىلىعىنىڭ، قر جوعارعى سوتىنىڭ، قر باس پروكۋراتۋراسىنىڭ، سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى، قازاقستاندىق جانە حالىقارالىق ۇيىمدار، سونداي-اق قىرعىستان، رەسەي جانە وزبەكستان ساراپشىلارى، باسقا دا وتاندىق جەتەكشى جانە شەتەلدىك عالىمدار، ساراپشىلار، حالىقارالىق ۇيىمداردىڭ وكىلدەرى، قۇقىق قورعاۋ ورگاندارىنىڭ قىزمەتكەرلەرى، ەلىمىزدىڭ جەتەكشى جوعارى وقۋ ورىندارى بايانداما جاسادى. اكادەميانىڭ 1-ءشى فاكۋلتەتىنىڭ تىڭداۋشىلارى جانە پروفەسسورلىق-وقىتۋشىلار قۇرامى قاتىستى.

اتالعان كونفەرەنتسيادا /قىلمىستىق سوت ءوندىرىسىنىڭ ءۇش بۋىندى مودەلى، عىلىم مەن پراكتيكانى ينتەگراتسيالاۋ شەڭبەرىندە سوتقا دەيىنگى ءىس-جۇرگىزۋ پروبلەمالارىن شەشۋدىڭ وزەكتى ماسەلەلەرىن، عىلىم مەن پراكتيكانى ينتەگراتسيالاۋدىڭ، پوليتسيا اكادەميالارىنىڭ عىلىمي ءبىلىم بەرۋ قىزمەتى اياسىنداعى پوزيتسيالارىن جەتىلدىرۋدىڭ، ۆەدومستۆولىق ءبىلىم بەرۋ جۇيەسىن وڭتايلاندىرۋدىڭ، تاجىريبەگە باعىتتالعان وقۋ باعدارلامالارىن جانە جاڭا ارنايى كۋرستار مەن پاندەردى ەنگىزۋدىڭ وزەكتى ماسەلەلەرىن كەڭىنەن تالقىلانىپ، قىلمىستىق پروتسەستىڭ ءۇش بۋىندى مودەلىنە كوشۋگە بايلانىستى مەملەكەتتىك ورگانداردىڭ وكىلەتتىكتەرى ناقتى بولىنگەنىن:

- پوليتسيا – قىلمىستاردى اشادى، قاتىسى بار ادامداردى انىقتايدى، ايعاقتاردى جينايدى جانە بەكىتەدى.

- پروكۋراتۋرا دالەلەدەمەلەرگە باعا بەرەدى، ازاماتتاردىڭ   قۇقىقتارىن بۇزۋدىڭ جولىن كەسەدى، سوتتا ايىپتاۋدى قولدايدى.

- سوت – ورگانداردىڭ ءىس-ارەكەتتەرىنە شاعىمداردى قارايدى جانە تۇپكىلىكتى ۇكىم شىعاراتىندىعى تالقىلاندى.

وتكەن حالىقارالىق كونفەرەنتسيا – بۇل ىشكى ىستەر ورگاندارىنىڭ جۇيەسى ءۇشىن وتە ماڭىزدى وقيعا بولىپ سانالادى،- دەيدى اكادەميا باستىعى، پوليتسيا پولكوۆنيگى ا.سايتبەكوۆ،- ءبىزدىڭ اكادەميامىزعا ازاماتتاردىڭ قۇقىقتارى مەن بوستاندىقتارىن قامتاماسىز ەتۋ كەپىلدىگى رەتىندە سوت تورەلىگىنىڭ ءۇش بۋىندى مودەلىنە ارنالعان ءبىرىنشى حالىقارالىق عىلىمي-پراكتيكالىق كونفەرەنتسيانى وتكىزۋگە جۇكتەلگەن جاۋاپكەرشىلىك جوعارى ناتيجە بەردى. ول سونداي-اق، كەلەشەك قازاقستان پوليتسياسىن ترانفورماتسيالاۋدىڭ بولاشاعى نىق سەنىممەن جوعارى دەڭگەيگە جەتۋىنە اكادەميالىق كۋرستار ىقپال ەتەتىنىن ءارى ءوز ناتيجەسىن بەرەتىنىن جەتكىزدى.

فوتودەرەك:

Abai.kz