قر ەكولوگيا، گەولوگيا جانە تابيعي رەسۋرستار مينيسترلىگى بۇگىننەن باستاپ قازاقستاننىڭ قىزىل كىتابىنا جولبارىس وڭتۇستىك - باتىس ازيا قابىلانى جانە كەرقۇلان (پرجەۆالسكي جىلقىسى) كىرگەنىن مالىمدەدى.

«وسىمدىكتەر مەن جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 31 قازانداعى № 1034 قاۋلىسىنا تولىقتىرۋلار ەنگىزۋ بۇعان نەگىز بولدى.

ايتا كەتەيىك، الدىڭعى ازيا قابىلانى پوپۋلياتسياسىنىڭ الەمدەگى جالپى سانى 870 -1, 3 مىڭ باستى قۇرايدى، قازاقستاندا تەك ءۇستىرت مەملەكەتتىك تابيعي قورىعىندا عانا كەزدەسەدى.

سونىمەن قاتار، بۇگىنگى تاڭدا ەكولوگيا، گەولوگيا جانە تابيعي رەسۋرستارى مينيسترلىگى بالقاش ماڭىنداعى جولبارىستاردى قالپىنا كەلتىرۋدىڭ 15 جىلعا ارنالعان باعدارلاماسىن جاسادى. ول اڭنىڭ مەكەن ەتۋ ورتاسىن دايىنداۋ، جولبارىستى تابيعاتقا جىبەرۋ جانە باعدارلامانىڭ جۇزەگە اسۋىن باقىلاۋ شارالارىن قامتيدى.
پرجەۆالسكي جىلقىسى جابايى جىلقىلاردىڭ كىشى تۇرلەرىنە جاتادى، جىلقى وتباسىنىڭ سيرەك كەزدەسەتىن وكىلدەرىنىڭ ءبىرى، ەلدە شامامەن 10 شاقتى داناسى بار.

ەستەرىڭىزگە سالا كەتەيىك، قازىرگى تاڭدا قازاقستاننىڭ قىزىل كىتابىنا وسىمدىكتەردىڭ 400-گە جۋىق ءتۇرى مەن ومىرتقالى جانۋارلاردىڭ 133 ءتۇرى ەنگەن.

Abai.kz