تۋىمىز تۋ ەمەس، تۋلاق بولىپ بارادى!
قازاقستاندا قاپ تاۋسىلىپ، كۇل-قوقىس تاسۋ ءۇشىن قازاقتىڭ تۋى عانا قالعانعا ۇقسايدى.
الماتى وبلىسىنىڭ ورتالىعى - تالدىقورعان قالاسىندا، تاپ وبلىستىق اكىمشىلىك ورنالاسقان عيماراتتىڭ الدىنداعى ۇلكەن الاڭدا، اۋلا سىپىرۋشىلار بايتاق وتانىمىزدىڭ بايراعىنان سۇيرەتپە قاپ جاساپ الىپ كۇل-قوقىس تاسىعانىن جازىپ ەدىك، ەندى تاپ سول كورىنىس اتىراۋدا قايتالانۋدا. Facebook الەۋمەتتىك جەلىسىن شارلاپ كەتكەن اقپارعا سۇيەنسەك، اتىراۋدان شىعاتىن «اق جايىق» گازەتىنىڭ اسەل ەسىمدى وقىرمانى گاستاربايتەرلەردىڭ ءتۇسى كوك سۇيرەتپەمەن قوقىس تاسىپ جۇرگەنىن كوزى شالىپ قالادى. كوزى كورگەن جايتتى سۋرەتكە تارتىپ، اتالعان باسىلىمعا جولداعان اسەل جالدامالى جۇمىسشىلاردىڭ ەشنارسەگە قىمسىنباي، الاڭسىز جۇمىستارىن جاساپ جۇرگەنىن ايتادى. ال، ولاردىڭ قولىنداعى ءتۇسى اشىقكوك سۇيرەتپە قاپ تاۋەلسىز قازاقستاننىڭ تۋى بولىپ شىعادى!
مەملەكەتتىك رامىزدەردىڭ وسىلايشا قورلانۋى جاقسىلىقتىڭ نىشانى ەمەس. سوعىستا مىسالى، جەڭىلگەن جاق تۋىن ءتۇسىرىپ باسىن يەدى. تۋ كەسكىلەسكەن قان مايداندا ەرەكشە قورعالادى. جاۋ تۋدى قولىنا تۇسىرە قالسا، مازاق ەتىپ جىرتىپ، ورتەپ جىبەرەدى. تۋدىڭ قولدى بولۋى، قۇلاۋى جاۋىنگەرلەردىڭ ساعىن سىندىرىپ، رۋحىن السىرەتەدى.
قازاقستاندا قاپ تاۋسىلىپ، كۇل-قوقىس تاسۋ ءۇشىن قازاقتىڭ تۋى عانا قالعانعا ۇقسايدى.
الماتى وبلىسىنىڭ ورتالىعى - تالدىقورعان قالاسىندا، تاپ وبلىستىق اكىمشىلىك ورنالاسقان عيماراتتىڭ الدىنداعى ۇلكەن الاڭدا، اۋلا سىپىرۋشىلار بايتاق وتانىمىزدىڭ بايراعىنان سۇيرەتپە قاپ جاساپ الىپ كۇل-قوقىس تاسىعانىن جازىپ ەدىك، ەندى تاپ سول كورىنىس اتىراۋدا قايتالانۋدا. Facebook الەۋمەتتىك جەلىسىن شارلاپ كەتكەن اقپارعا سۇيەنسەك، اتىراۋدان شىعاتىن «اق جايىق» گازەتىنىڭ اسەل ەسىمدى وقىرمانى گاستاربايتەرلەردىڭ ءتۇسى كوك سۇيرەتپەمەن قوقىس تاسىپ جۇرگەنىن كوزى شالىپ قالادى. كوزى كورگەن جايتتى سۋرەتكە تارتىپ، اتالعان باسىلىمعا جولداعان اسەل جالدامالى جۇمىسشىلاردىڭ ەشنارسەگە قىمسىنباي، الاڭسىز جۇمىستارىن جاساپ جۇرگەنىن ايتادى. ال، ولاردىڭ قولىنداعى ءتۇسى اشىقكوك سۇيرەتپە قاپ تاۋەلسىز قازاقستاننىڭ تۋى بولىپ شىعادى!
مەملەكەتتىك رامىزدەردىڭ وسىلايشا قورلانۋى جاقسىلىقتىڭ نىشانى ەمەس. سوعىستا مىسالى، جەڭىلگەن جاق تۋىن ءتۇسىرىپ باسىن يەدى. تۋ كەسكىلەسكەن قان مايداندا ەرەكشە قورعالادى. جاۋ تۋدى قولىنا تۇسىرە قالسا، مازاق ەتىپ جىرتىپ، ورتەپ جىبەرەدى. تۋدىڭ قولدى بولۋى، قۇلاۋى جاۋىنگەرلەردىڭ ساعىن سىندىرىپ، رۋحىن السىرەتەدى.
قازىر ءبىزدىڭ دە ەلدىك رۋحىمىز السىرەپ، ۇنجىرعامىز ءتۇسىپ بارا جاتقان سياقتى. ەلدىڭ ەڭسەسىن ەزىپ وتىرعان جايت بيلىكتىڭ بەتىمەن كەتىپ، قازىنا بايلىقتى قاراداي توناپ، ۇلتتىق قۇندىلىقتاردى اياق استى ەتۋى دەر ەدىك. تاۋەلسىزبىن دەيتىن قازاقتى وزگە ەمەس، ءوز بيلىگى مازاق ەتكەن سوڭ باسقالار نە ىستەمەيدى؟ وسىلايشا تۋىڭدى تۋلاق قىلىپ سۇيرەپ جۇرە بەرەدى.
«اباي-اقپارات»
