«مادەني سەنبىلىك» - كىتاپتى سىيلىققا ال!
«مادەني سەنبىلىك» اكتسياسى شىعىس قازاقستان وبلىستىق مادەنيەت باسقارماسىنىڭ باستاماسىمەن قالامىزدا ءبىرىنشى رەت ۇيىمداستىرىلىپ وتىر. «مادەني سەنبىلىكتىڭ» نەگىزگى ماقساتى سەمەي قالاسى تۇرعىندارىنىڭ سەنبى كۇندەرىندە بوس ۋاقىتتارىن ءتيىمدى ۇيىمداستىرۋ، تۇرعىنداردىڭ كىتاپقا جانە وقۋعا دەگەن قىزىعۋشىلىقتارىن جەتىلدىرۋگە قولداۋ جاساۋ، كىتاپحانا ومىرىمەن قىزىقتىرۋ بولىپ تابىلادى. شىعىس قازاقستان وبلىستىق اباي اتىنداعى امبەباپ كىتاپحاناسى الاڭىنداعى ق.مۇحامەتحانوۆ ەسكەرتكىشى ماڭىندا 2012 جىلى 14 ءساۋىر كۇنى قالا جۇرتشىلىعىن كىتاپ وقۋعا تارتۋ، «مادەني سەنبىلىك» شاراسىنىڭ ماقساتىمەن تانىستىرۋ، سەمەي قالاسى تۇرعىندارىنىڭ دەمالىس كۇنگى ۋاقىتتارىن مادەنيەتتى پايدالانۋىنا كومەكتەسۋ ماقساتىندا «مادەني سەنبىلىك» شاراسىنىڭ اشىلۋ سالتاناتى ءوتتى. «مادەني سەنبىلىك» اياسىندا «كىتاپتى سىيلىققا ال» اكتسياسى ۇيىمداستىرىلدى. شاراعا قالالىق سەنبىلىككە شىققان كىتاپحانا ماڭىندا ورنالاسقان قازاقستان حالىقتارى اسسامبلەياسى ۇجىمى مەن تاريحي-ولكەتانۋ مۇراجاي ۇجىمى قىزمەتكەلەرى، راديوتەحنيكا جانە بايلانىس كوللەدجىنىڭ ستۋدەنتتەرى شاقىرىلدى. قاتىسۋشىلار قالامىزدا ءبىرىنشى رەت ۇيىمداستىرىلعان «مادەني سەنبىلىك» ماقساتىمەن، مازمۇنىمەن جانە «كىتاپتى سىيلىققا ال» اكتسياسىمەن تانىستى.
«مادەني سەنبىلىك» اكتسياسى شىعىس قازاقستان وبلىستىق مادەنيەت باسقارماسىنىڭ باستاماسىمەن قالامىزدا ءبىرىنشى رەت ۇيىمداستىرىلىپ وتىر. «مادەني سەنبىلىكتىڭ» نەگىزگى ماقساتى سەمەي قالاسى تۇرعىندارىنىڭ سەنبى كۇندەرىندە بوس ۋاقىتتارىن ءتيىمدى ۇيىمداستىرۋ، تۇرعىنداردىڭ كىتاپقا جانە وقۋعا دەگەن قىزىعۋشىلىقتارىن جەتىلدىرۋگە قولداۋ جاساۋ، كىتاپحانا ومىرىمەن قىزىقتىرۋ بولىپ تابىلادى. شىعىس قازاقستان وبلىستىق اباي اتىنداعى امبەباپ كىتاپحاناسى الاڭىنداعى ق.مۇحامەتحانوۆ ەسكەرتكىشى ماڭىندا 2012 جىلى 14 ءساۋىر كۇنى قالا جۇرتشىلىعىن كىتاپ وقۋعا تارتۋ، «مادەني سەنبىلىك» شاراسىنىڭ ماقساتىمەن تانىستىرۋ، سەمەي قالاسى تۇرعىندارىنىڭ دەمالىس كۇنگى ۋاقىتتارىن مادەنيەتتى پايدالانۋىنا كومەكتەسۋ ماقساتىندا «مادەني سەنبىلىك» شاراسىنىڭ اشىلۋ سالتاناتى ءوتتى. «مادەني سەنبىلىك» اياسىندا «كىتاپتى سىيلىققا ال» اكتسياسى ۇيىمداستىرىلدى. شاراعا قالالىق سەنبىلىككە شىققان كىتاپحانا ماڭىندا ورنالاسقان قازاقستان حالىقتارى اسسامبلەياسى ۇجىمى مەن تاريحي-ولكەتانۋ مۇراجاي ۇجىمى قىزمەتكەلەرى، راديوتەحنيكا جانە بايلانىس كوللەدجىنىڭ ستۋدەنتتەرى شاقىرىلدى. قاتىسۋشىلار قالامىزدا ءبىرىنشى رەت ۇيىمداستىرىلعان «مادەني سەنبىلىك» ماقساتىمەن، مازمۇنىمەن جانە «كىتاپتى سىيلىققا ال» اكتسياسىمەن تانىستى. ابايتانۋشى-عالىم، جازۋشى مۇرات راحىمجانۇلى سۇلتانبەكوۆ، حالىقارالىق «قازاق ءتىلى» قوعامىنىڭ ۆيتسە-پرەزيدەنتى و.ت.شارىپباەۆ، حالىقارالىق «نەۆادا-سەمەي» قوزعالىسىنىڭ ۆيتسە-پرەزيدەنتى س.ۋ.كارتوەۆتار «مادەني سەنبىلىكتىڭ» اشىلۋ سالتاناتىمەن قۇتتىقتاپ، مۇنداي ماڭىزدى شاراعا جانە قاتىسۋشىلارعا اق جول تىلەدى. اكتسياعا قاتىسۋشىلار ءۇشىن «كىتاپتى سىيلىققا ال!» تاقىرىبىندا كىتاپ كورمەسى جاساقتالىپ، كورمە مىندەتى بويىنشا قاتىسۋشىلار تاڭداعان كىتاپتارىن وزدەرىنە سىيعا الۋ مۇمكىنشىلىگى جاسالدى. اكتسياعا قايىم مۇحامەتحانوۆتىڭ، مەدەۋ سارسەكەنىڭ، روللان سەيسەنباەۆتىڭ جانە شەتەلدىك كلاسسيكتەر الەكسەي تولستويدىڭ، دجونا گولسۋورسي، اندرە مورۋا، اگاتا كريستيدىڭ شىعارمالارى، «اباي» جۋرنالى سياقتى 150-گە تارتا كىتاپتار مەن جۋرنالدار ۇسىنىلدى. قالالىق سەنبىلىككە شىققان جۇرتشىلىق تەك قانا قوعامدىق جۇمىس اتقارىپ قانا قايتپاي، وسىنداي يگى شاراعا قاتىسىپ، تاڭداعان كىتاپتارىن الىپ، كوڭىلدەرى كوتەرىلىپ، العىستارىن ءبىلدىرىپ تاراستى. شىعىس قازاقستان وبلىستىق مادەنيەت باسقارماسىنىڭ باستاماسىمەن كىتاپحانا قىزمەتكەرلەرى ۇيىمداستىرعان «مادەني سەنبىلىك» شاراسى قالا تۇرعىندارى ءۇشىن ماڭىزدى ءىس بولدى. مۇنداي يگىلىكتى شارا الداعى اپتادا سەمەي قالاسىنىڭ تسەمەنتشىلەر كەنتىندە جالعاسىن تاپپاق.
