الەۋمەتتىك جەلىلەردە جەرىمىزدى قورعاپ، ۇندەمەي قالماۋعا شاقىرعان ۆيدەولار تارالۋدا. قر ۇلتتىق قاۋىپسىزدىك كوميتەتىنىڭ حابارلاۋىنشا، وندا «قالقان-2021» وقۋ-جاتتىعۋلارىندا تۇسىرىلگەن كادرلار كورسەتىلگەن. بۇل تۋرالى stopfake.kz سايتى حابارلادى.

«2021 جىلعى 17 ساۋىردە جەكەلەگەن ەلەكتروندىق اقپاراتتىق رەسۋرستاردا اتىراۋ وبلىسىندا ءوتىپ جاتقان اكتسيالار تۋرالى ۆيدەو تارالا باستادى. ۇلتتىق قاۋىپسىزدىك كوميتەتى بۇل اقپاراتتىڭ شىندىققا جاناسپايتىنىن رەسمي تۇردە حابارلايدى. الەۋمەتتىك جەلىلەردە تاراعان ۆيدەودا «قالقان-2021» وقۋ-جاتتىعۋلارى كورسەتىلگەن. وسىعان بايلانىستى ۇقك ءباسپاسوز قىزمەتى وتاندىق باق رەداكتسيالارىنان مۇنداي ماتەريالداردى قايتا جاريالاعاندا نەمەسە وعان سىلتەمە جاساعان كەزدە ۇلتتىق قاۋىپسىزدىك كوميتەتىنە جۇگىنىپ، اقپاراتتى راستاۋدى نەمەسە تۇسىنىكتەمە الۋىن سۇرايدى. سونداي-اق ۇقك جالعان اقپارات تاراتپاۋعا شاقىرادى»، – دەلىنگەن حابارلامادا.

جەلىدە قۇرمانعازى اۋدانىنداعى كوپتوعاي اۋىلىنداعى جەر داۋى ءورشىپ تۇر.

Abai.kz