استانا. 18 ءساۋىر. قازاقپارات - قىلمىستىق كودەكستەگى مەملەكەتتىك رامىزدەردى قورلاعانى ءۇشىن قاراستىرىلعان جاۋاپكەرشىلىكتى قاتاڭداتۋ كەرەك.

بۇگىن ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ جالپى وتىرىسىندا ۇكىمەت باسشىسىنىڭ، مەملەكەتتىك حاتشىنىڭ، باس پروكۋروردىڭ اتىنا ساۋال جولداعان دەپۋتات باقىتبەك سماعۇل وسى ماسەلەنى كوتەردى.

«مەملەكەتىمىزگە دەگەن ماحابباتىمىز بەن ماقتانىشىمىز مەملەكەتتىك راسىمدەن باستالادى»، - دەگەن دەپۋتات وتكەن اپتادا باق-تا ەلدىگىمىزدىڭ نىشانى مەن تاۋەلسىزدىگىمىزدىڭ اتريبۋتى بولىپ وتىرعان مەملەكەتتىك تۋدىڭ قورلانۋىنا بايلانىستى اقپارات بولعانىن اتاپ ءوتتى. «الماتى وبلىسىنىڭ اكىمشىلىك ورتالىعى تالدىقورعان قالاسىنداعى وبلىستىق اكىمدىك جانىندا تۋىمىزدان سۇيرەتپە قاپ جاساسا، اتىراۋ وبلىسى اتىراۋ قالاسىنداعى وبلىستىق پروكۋراتۋرا جانىندا قوقىستى جيناپ جاتقان توپ مەملەكەتتىك تۋىمىزدى قاپ رەتىندە قولدانعان. وسىنىڭ بارىنە كۋاگەر بولا وتىرىپ، بەيشارالىعىمىزعا نامىسىم كەلدى. ونىڭ الدىندا كوپ ماقتانعان ازيادا جارىسىندا جانكۇيەرلەرىمىزدىڭ تۋدى تابان استى ەتىپ قورلاعانىن رەسپۋبليكا بويىنشا ماسەلە ەتىپ كوتەردىك. قوستانايداعى جارىستا، كۋايتتەگى حالىقارالىق جارىستاعى ماراپاتتاۋدا ءانۇراننىڭ اۋىسقانى تاعى بار. ءانۇراندى قويىپ مەملەكەتتىك تۋدى تالاق ەتپ وتىرعانىمىز با. تۇركى الەمىنىڭ تۋ تىككەن مەكەنى دەپ ماقتانعان ەلدىگىمىز وسى ما؟ بۇل ءبىزدىڭ جاۋاپسىزدىعىمىز با، الدە ساۋاتسىزدىعىمىز با؟»، - دەيدى ب. سماعۇل.

استانا. 18 ءساۋىر. قازاقپارات - قىلمىستىق كودەكستەگى مەملەكەتتىك رامىزدەردى قورلاعانى ءۇشىن قاراستىرىلعان جاۋاپكەرشىلىكتى قاتاڭداتۋ كەرەك.

بۇگىن ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ جالپى وتىرىسىندا ۇكىمەت باسشىسىنىڭ، مەملەكەتتىك حاتشىنىڭ، باس پروكۋروردىڭ اتىنا ساۋال جولداعان دەپۋتات باقىتبەك سماعۇل وسى ماسەلەنى كوتەردى.

«مەملەكەتىمىزگە دەگەن ماحابباتىمىز بەن ماقتانىشىمىز مەملەكەتتىك راسىمدەن باستالادى»، - دەگەن دەپۋتات وتكەن اپتادا باق-تا ەلدىگىمىزدىڭ نىشانى مەن تاۋەلسىزدىگىمىزدىڭ اتريبۋتى بولىپ وتىرعان مەملەكەتتىك تۋدىڭ قورلانۋىنا بايلانىستى اقپارات بولعانىن اتاپ ءوتتى. «الماتى وبلىسىنىڭ اكىمشىلىك ورتالىعى تالدىقورعان قالاسىنداعى وبلىستىق اكىمدىك جانىندا تۋىمىزدان سۇيرەتپە قاپ جاساسا، اتىراۋ وبلىسى اتىراۋ قالاسىنداعى وبلىستىق پروكۋراتۋرا جانىندا قوقىستى جيناپ جاتقان توپ مەملەكەتتىك تۋىمىزدى قاپ رەتىندە قولدانعان. وسىنىڭ بارىنە كۋاگەر بولا وتىرىپ، بەيشارالىعىمىزعا نامىسىم كەلدى. ونىڭ الدىندا كوپ ماقتانعان ازيادا جارىسىندا جانكۇيەرلەرىمىزدىڭ تۋدى تابان استى ەتىپ قورلاعانىن رەسپۋبليكا بويىنشا ماسەلە ەتىپ كوتەردىك. قوستانايداعى جارىستا، كۋايتتەگى حالىقارالىق جارىستاعى ماراپاتتاۋدا ءانۇراننىڭ اۋىسقانى تاعى بار. ءانۇراندى قويىپ مەملەكەتتىك تۋدى تالاق ەتپ وتىرعانىمىز با. تۇركى الەمىنىڭ تۋ تىككەن مەكەنى دەپ ماقتانعان ەلدىگىمىز وسى ما؟ بۇل ءبىزدىڭ جاۋاپسىزدىعىمىز با، الدە ساۋاتسىزدىعىمىز با؟»، - دەيدى ب. سماعۇل.

دەپۋتاتتىڭ ايتۋىنشا، قىلمىستىق كودەكستىڭ  317 بابىندا قازاقستان رەسپۋبليكاسىنىڭ مەملەكەتتىك تۋىن، ەلتاڭباسىن، ءانۇرانىن قورلاۋ 200 ايلىق ەسەپتىك كورسەتكىش پەن 1000 اەك دەيىنگى مولشەردە ايىپپۇل سالۋعا نە 1 جىلعا دەيىنگى مەرزىمدە باس بوستاندىعىنان ايىرۋعا جازالانادى دەلىنگەن. «بۇل كۇلكىلى ماسەلە. سوندىقتان 2013 جىلعا قاراي قىلمىستىق كودەكستى جاڭارتۋ ۇردىسىندە ەڭ ءبىرىنشى كەزەكتە الگى 317 باپتاعى قىلمىستىق جاۋاپكەرشىلىكتى قاتاڭداتۋىمىز كەرەك»، - دەدى ب. سماعۇل.