ۋكراينا پرەزيدەنتى ۆلاديمير زەلەنسكي رەسەيدىڭ مەملەكەت باسشىسى ۆلاديمير پۋتينگە دونباسستا كەزدەسۋ ۇيىمداستىرۋدى ۇسىندى.

زەلەنسكي حالىققا جاساعان ۇندەۋىندە ۋكراينا سوعىستى قالامايتىنىن، بىراق قورعانۋعا دايىن ەكەنىن جەتكىزدى. ول ازاماتتاردى «سوعىستى باستاۋعا»  شاقىرىپ جاتقان ساياساتكەرلەردى تىڭداماۋعا جانە جاعدايدى ۋشىقتىرماۋعا شاقىردى. ءسوزىنىڭ سوڭىندا ۋكراين ليدەرى ورىس تىلىندە رەسەيگە قايرىلدى.

- ءبىر جولى رەسەي پرەزيدەنتى سوعىستان قاشىپ قۇتىلۋ مۇمكىن ەمەس ەكەنىن، ءبىرىنشى بولىپ سوققى جاساۋ كەرەكتىگىن ايتتى. بىراق ميلليونداعان ادامنىڭ ءومىرى مەن شىن سوعىس جايلى بولىپ جاتقاندا، ءاربىر ليدەر سوعىستى بولدىرماۋعا بولاتىنىن ءتۇسىنۋ كەرەك دەپ ويلايمىن. سوعىستان بارلىق تاراپتار ۇتىلادى،- دەدى زەلەنسكي.

ونىڭ سوزىنشە ۋكراينا مەن رەسەي بولاشاققا ەكى جولمەن قارايدى، بىراق ولاردا اسكەري قاقتىعىستى توقتاتۋعا مۇمكىندىك بار. «پۋتين مىرزا! مەن ودان دا سىزگە سوعىس ءجۇرىپ جاتقان دونباسستىڭ قالاعان جەرىندە كەزدەسۋدى ۇسىنامىن»، - دەدى ول.

ازىرگە بۇل ۇسىنىسقا كرەمل جاۋاپ بەرمەدى.

زەلەنسكي بۇل مالىمدەمەسىن ۋكراينا شىعىسىندا جاعداي قيىنداپ تۇرعان كەزدە جاسادى. دونباسستىڭ جىكشىلدەر باقىلاۋ العان جانە اننەكسيالانعان قىرىم تۇبەگىنە جاقىن جەرگە ورىس جانە ۋكراين اسكەرى تارتىلعان. ەۋروپا وداعىنىڭ سىرتقى ساياسات مەكەمەسىنىڭ باسشىسى دجزەل بوررەلدىڭ ايتۋىنشا، رەسەي ۋكراينا شەكاراسىنا جاقىن جەرگە 150 مىڭعا جۋىق اسكەرىن ورنالاستىرعان.

ماسكەۋ بولسا جاتتىعۋ ماقساتىندا ورنالاستىرعانىن ايتىپ جاتىر.

Abai.kz