كيمنىڭ ءبىر ايلىق جالاقىسى كىمگە جەتەدى؟
«قازاقمىس» كورپوراتسياسى ديرەكتورلار كەڭەسىنىڭ توراعاسى ۆلاديمير كيم دەگەن كىسىنىڭ جىلدىق جالاقىسى 1 ملن. 800 مىڭ دوللار ەكەن. سوندا بۇ سابازىڭىز ايىنا 90 مىڭ دوللار، ياعني، 13 ملن. تەڭگە ەڭبەكاقى الادى. 13 ميلليون تەڭگە... كىمگە، نەگە جەتەدى؟
ەلدىڭ قالتاسىن ەسەپتەمەسە، ەسى شىعىپ، باسەكەلەستىككە قابىلەتسىز بولىپ ەلۋ ەلدىڭ قاتارىنان كورىنە الماي قالۋدان ولەردەي قورقاتىن ءبىز، مەندەلەەۆتىڭ كەستەسىنىڭ ۇستىندە كەكىرىپ وتىرساق تا، ەسەپقۇمارلىعىمىز قوزىپ كەتىپ، كيمنىڭ ايلىعىنىڭ ايران بوتقاسىن شىعارىپ، شوتقا سالىپ، ەسەپتەپ تاستادىق.
سويتسەك، ورتا ەسەپپەن 1000 تەڭگە دەپ العاندا، كيمنىڭ ءبىر ايلىق جالاقاسىنا ءبىر قازاق الماتىنىڭ جۇرتى «قىرىلىپ» باراتىن «قاعاناتتان» 13 مىڭ كۇن، ياعني، 35 جىل تەرلەپ، تەپشىپ تۇستەنە الادى ەكەن.
اياق استىنان اتا كاسىبىڭىزدى جاڭعىرتىپ، قۇرىق الىپ قۇرۋلاپ جىلقى باققىڭىز كەلسە، 13 ملن. تەڭگەگە 200 مىڭ تەڭگەدەن 65 جىلقى ساتىپ الاسىز. ال، شوپان اتا تۇلىگىنە كوڭىلىڭىز اۋسا، ورتا ەسەپپەن 15 مىڭ دەگەندە 13 ملن. تەڭگەگە 866 باس قوي ساتىپ الىپ، قوتانىڭىزعا اكەلىپ ءيىرىپ قويۋعا بولادى ەكەن.
جالعا العان پاتەرىڭىز تارلىق ەتىپ جاتسا، 13 ملن. تەڭگەگە الماتىنىڭ جاقسى اۋدانىنان ەكى بولمەلى جايلى پاتەر يەلەنىپ، توبەگە تۇكىرىپ جاتاسىز. استانادان الساڭىز، توبەنى قويىپ، تىپتەن تۇكىرە المايتىنىڭىزدى، سوندىقتان تۇكىرىگىڭىزدى جۇتىپ، تۇستەنىپ جۇرە بەرۋگە تۋرا كەلەتىنىن ۇمىتپاڭىز.
«قازاقمىس» كورپوراتسياسى ديرەكتورلار كەڭەسىنىڭ توراعاسى ۆلاديمير كيم دەگەن كىسىنىڭ جىلدىق جالاقىسى 1 ملن. 800 مىڭ دوللار ەكەن. سوندا بۇ سابازىڭىز ايىنا 90 مىڭ دوللار، ياعني، 13 ملن. تەڭگە ەڭبەكاقى الادى. 13 ميلليون تەڭگە... كىمگە، نەگە جەتەدى؟
ەلدىڭ قالتاسىن ەسەپتەمەسە، ەسى شىعىپ، باسەكەلەستىككە قابىلەتسىز بولىپ ەلۋ ەلدىڭ قاتارىنان كورىنە الماي قالۋدان ولەردەي قورقاتىن ءبىز، مەندەلەەۆتىڭ كەستەسىنىڭ ۇستىندە كەكىرىپ وتىرساق تا، ەسەپقۇمارلىعىمىز قوزىپ كەتىپ، كيمنىڭ ايلىعىنىڭ ايران بوتقاسىن شىعارىپ، شوتقا سالىپ، ەسەپتەپ تاستادىق.
سويتسەك، ورتا ەسەپپەن 1000 تەڭگە دەپ العاندا، كيمنىڭ ءبىر ايلىق جالاقاسىنا ءبىر قازاق الماتىنىڭ جۇرتى «قىرىلىپ» باراتىن «قاعاناتتان» 13 مىڭ كۇن، ياعني، 35 جىل تەرلەپ، تەپشىپ تۇستەنە الادى ەكەن.
اياق استىنان اتا كاسىبىڭىزدى جاڭعىرتىپ، قۇرىق الىپ قۇرۋلاپ جىلقى باققىڭىز كەلسە، 13 ملن. تەڭگەگە 200 مىڭ تەڭگەدەن 65 جىلقى ساتىپ الاسىز. ال، شوپان اتا تۇلىگىنە كوڭىلىڭىز اۋسا، ورتا ەسەپپەن 15 مىڭ دەگەندە 13 ملن. تەڭگەگە 866 باس قوي ساتىپ الىپ، قوتانىڭىزعا اكەلىپ ءيىرىپ قويۋعا بولادى ەكەن.
جالعا العان پاتەرىڭىز تارلىق ەتىپ جاتسا، 13 ملن. تەڭگەگە الماتىنىڭ جاقسى اۋدانىنان ەكى بولمەلى جايلى پاتەر يەلەنىپ، توبەگە تۇكىرىپ جاتاسىز. استانادان الساڭىز، توبەنى قويىپ، تىپتەن تۇكىرە المايتىنىڭىزدى، سوندىقتان تۇكىرىگىڭىزدى جۇتىپ، تۇستەنىپ جۇرە بەرۋگە تۋرا كەلەتىنىن ۇمىتپاڭىز.
«مەيىرىمدى» ۇكىمەتىمىز جاردەم جاساپ جارىلقاۋدان تىنباسا دا، جالاقىمىز «جۇعىن» بولار ەمەس دەپ، «جىلاپ» جۇرەتىن، سول «قاناعاتسىز قىلىعىمەن» كۇن سايىن «قارىشتاپ» دامۋ ۇستىندەگى ەل ەكونوميكاسى مەن «مايى شىلقىعان» الەۋمەتتىك دامۋعا كولەڭكە تۇسىرۋدەن تانبايتىن 216 مۇعالىمنىڭ 60 مىڭ تەڭگەلىك ايلىعى - 13 ملن. تەڭگە. ياعني، كيم مىرزا ميىن اشىتىپ، جۇيكەسىن جۇقارتپاي-اق ايىنا 216 مۇعالىمنىڭ جالاقىسىن جامباسىنا باسا سالادى ەكەن. ءدال وسى 13 ملن. تەڭگە 30 مىڭ تەڭگەدەن دەپ كەڭ ءپىشىپ الساق، 433 زەينەتكەردىڭ زەينەتاقىسى.
ءبىز قانشا قارىشتاپ دامىساق تا، ءبىر ءتىلىم نانعا زار بولىپ جۇرگەن باۋرىلارىمىز بار. ال، سونداي 108 مىڭ وتباسىنا 60 تەڭگەدەن 216 مىڭ 666 بولكە ناندى 13 ملن. تەڭگەگە الۋعا ابدەن بولادى.
40 جىل سارعايا كۇتكەن، ءبىراز ادام قىزىعىن كورە الماي كوز جۇمعان الماتىنىڭ مەتروسىنا ءبىر وتىرسام دەپ ارماندايتىن 162 مىڭ 500 قازاقستاندىقتىڭ تىلەگىن ءبىر ساتتە كيمنىڭ ءبىر ايلىعىنا ورىنداپ، ساۋابىن الۋعا بولادى.
اسىعىس بولساڭىز، ءارى تەز جەتۋدى قالاساڭىز 13 ملن. تەڭگەگە ەير استانانىڭ ۇشاعىنا ءمىنىپ، ەلورداعا 520 رەت قاتىنايدى ەكەنسىز. جاتا جاستانىپ، كەڭ دالانى تاماشالاپ پويىزعا مىنسەڭىز - 2600 رەت استانانىڭ اي كەلبەتىن كورىپ قايتاسىز.
ەسەبىمىزدى ەسەلەي تۇسسەك، 13 ملن. تەڭگەگە 200 تەڭگەدەن 65 مىڭ قوراپ تەمەكى الىپ، ماشيناڭىزعا (تۋعان-تۋىس، كوڭىل جەتكەننىڭ ءبارىنىڭ كولىگىنە) ءليترى 110 تەڭگە تۇراتىن اي-92 بەنزينىنىڭ 118 مىڭ 181 ءليترىن ءبىر-اق قۇياسىز.
كيمنىڭ ءبىر ايلىعىنا جاس وتباسىلاردىڭ 371 بالاسىن 35 مىڭ تەڭگە تۇراتىن جەكەمەنشىك بالاباقشاعا ورنالاستىرىپ، ۇرپاققا قامقور جان اتانۋعا بولاتىن كورىنەدى
قۇداي بەرگەن كيمنىڭ ايلىعىن ۋىستاپ ۇستاساڭىز الەۋمەتتىك جاعىنان از قامتىلعان اعايىندارعا 1 كگ-ى - 100 تەڭگە تۇراتىن كارتوشكەنىڭ 130 تونناسىن، 10 تالى 220 تەڭگە بولاتىن جۇمىرتقانىڭ 590 مىڭىن الىپ بەرىپ سۋپەر-پۋپەر اتىمتاي جومارت اتاناسىز.
اراسىندا ءۆلاديميردىڭ باسقا شارۋاسى بولماسا، ءبىر جالاقىسىنا «ەگەمەن قازاقستان» گازەتىنىڭ 260 مىڭ داناسىن الىپ، ەلگە تاراتىپ، ساليقالى، سالماقتى، كوزسىز كورەگەن ساياساتتىڭ ۇگىتتەۋشىسى اتانىپ، مەملەكەتتىك ماراپاتقا ۇسىنىلاسىز.
«ەگەمەن قازاقستان» دەمەكشى، باس گازەت ورىن تەپكەن استانا قالاسىنداعى قوعامدىق ءتارتىپتى (قاقىرۋ، تۇكىرۋ، تۇشكىرۋ، ساعىز ساتىپ الۋ، ونى ۇيگە جەتكەنشە شىداماي شايناپ قويۋ، الگى جابىسقاقتى ءبىر جەرگە جاپسىرىپ كەتۋ; اڭداۋسىزدا اقورداعا قاراپ اقىرۋ، ۇكىمەت پەن پارلامەنتكە قاراپ كىجىنۋ، جۇدىرىق ءتۇيۋ، «حابار» مەن «قازاقستاننان» جەتكەن كول-كوسىر جەتىستىكتەر مەن باقىتتى ەلدىڭ تىنىشتىقتا تەربەلگەن تۇرمىسىن، ونىڭ تاياۋدا جىلدا بولاتىن عاجايىپ بولاشاعى تۋرالى سيۋجەتتەردى كورگەن كەزدە قالتانىڭ ىشىنەن قول شىعارۋ، 2030-عا جانە ءماجىلىستىڭ كوپپارتيالى ەكەنىنە، ەلدىڭ دەموكراتيالىق، قۇقىقتىق مەملەكەت ەكەنىنە جانە ونىڭ باستى بايلىعى ادام بولىپ تابىلاتىنا تيتتەي دە سەنىمسىزدىك تانىتۋ، تاعى سول سياقتى) 764 رەت قورىقپاي، پوليتسەيدىڭ كوزىن باقىرايتىپ قويىپ، الاڭسىز بۇزا بەرسەڭىز بولادى. ويتكەنى، 13 ملن. تەڭگە 17 مىڭ تەڭگە تۇراتىن ايىپپۇلدى 764 رەت تولەۋگە تولىق جەتەدى.
تۇنعان قازاقتىڭ ورتاسى، وڭتۇستىك قازاقستان وبلىسى، ماقتارال اۋدانىنداعى مىرزاكەنتتە قازاقتىڭ «باعىنا» بالپاناقتاي بولىپ تۋا سالعان كيم مىرزا ءبىر ايلىعىنا شىمكەنتتىڭ مىنە دەگەن مەيرامحانالارىنىڭ ءار قايسىسىنا 300 قوناقتان شاقىرىپ، كىسى باسىنا 3000 مىڭ تەڭگەدەن تولەپ، «توي دەسە قۋ باستارى دومالايتىن» قازاقتارعا 13 رەت توي جاساپ بەرە الادى.
«قازاقمىستىڭ» قوجايىنى (كيمدى ايتامىز) قازاققا دەگەن قايتپاس، مۇقالماس ماحابباتىمەن 13 ملن. تەڭگە جالاقىسىن «قۇدايى ساداقا» ەتىپ قيسا، 73 ورالمانعا كۆوتا دايىن. ء(ار ادام باسىنا بەرىلەتىن مەملەكەتتىك كۆوتا - 1200 دوللار، ياعني، دوللاردىڭ تەڭگەگە دەگەن باعامىن 148 تەڭگەدەن دەپ ەسەپتەسەك - 177 600 تەڭگە). مۇنىمەن توقتاماي ءىستىڭ توق ەتەرىنە تاۋەكەل ەتسە، ۇكىمەتتىڭ جاساندى كەدەرگىلەرى مەن ۇلتارالىق ساياساتقا قاراماستان سەرگەيدىڭ بالاسى ءبىر جىلدىق ەڭبەك اقىسىنا سىرتتا جۇرگەن 878 قازاقتى كوشىرىپ اكەلە الادى ەكەن.
كيم مىرزا جوعارىداعىنىڭ ەشبىرىنە كەلىسپەي «كارىسىمە عانا كومەكتەسەمىن» دەپ، جالعىز-اق ايدىڭ جالاقاسى - 13 ملن. تەڭگەسىنە قازاقستانداعى بۇكىل كارىستىڭ (100 مىڭ) اربىرىنە ەكى قوراپ «وربيت» ساتىپ الىپ، تاراتىپ بەرسە، ساعىز مايدانىنا كىرىسكەن ناعىزداردى ساعىزدىڭ ساز بالشىعىنا باتىرىپ كەتە الادى.
قازاقتىڭ ءاليۋمينيىن ارقالاپ ىسىرايىل جۇرتىنا تايىپ تۇرعان ماشكەۆيچتىڭ ىزىمەن «ەسىڭ باردا ەلىڭ تاپ» دەپ كيم كوكەمىز دە كارەيىنە تارتىپ وتىرسا، قالتاسىنداعى «قازاقمىستان» تونناسى 9 مىڭ دوللارلىق 10 توننا مىستى ءبىر ايلىعىنا «ساتىپ الىپ» (ولەسە دە ساتىپ المايتىنىنا ءباس تىگەمىز، ايتەسەدە...) تابانىن جالتىراتاتىنعا ۇقسايدى.
ءبىز قايدا بارامىز؟! قالامىز. كورەيامىز دا جوق، كەتىپ قالاتىن. «قازاقمىس» بايلىعىمىز بولعانمەن، ايلىعىمىز 13 ملن. تەڭگە ەمەس.
«اباي-اقپارات»
