توقتار اۋباكىروۆ: «تۇڭعىش پرەزيدەنتتىڭ كومانداسىندا بولعىم كەلەدى!»
وتكەن اپتانىڭ سوڭىندا عارىشكەر توقتار اۋباكىروۆ «ازات» جالپىۇلتتىق سوتسيال-دەموكراتيالىق پارتياسىنىڭ قاتارىنان شىققانىن مالىمدەدى.
تومەندە توقتار اۋباكىروۆتىڭ «حابار» ارناسى ارقىلى جاساعان ساياسي مالىمدەسىنىڭ ۆيدەوسى مەن اتالعان ارنانىڭ مەملەكەتتىك تىلدەگى تارجىمەسىن قاز-قالپىندا بەرىپ وتىرمىز.
«اباي-اقپارات»
توقتار اۋباكىروۆ، قازاقتىڭ تۇڭعىش عارىشكەرى، حالىق قاھارمانى:
وتكەن اپتانىڭ سوڭىندا عارىشكەر توقتار اۋباكىروۆ «ازات» جالپىۇلتتىق سوتسيال-دەموكراتيالىق پارتياسىنىڭ قاتارىنان شىققانىن مالىمدەدى.
تومەندە توقتار اۋباكىروۆتىڭ «حابار» ارناسى ارقىلى جاساعان ساياسي مالىمدەسىنىڭ ۆيدەوسى مەن اتالعان ارنانىڭ مەملەكەتتىك تىلدەگى تارجىمەسىن قاز-قالپىندا بەرىپ وتىرمىز.
«اباي-اقپارات»
توقتار اۋباكىروۆ، قازاقتىڭ تۇڭعىش عارىشكەرى، حالىق قاھارمانى:
- قۇرمەتتى قازاقستاندىقتار! مەن سىزدەرگە «ازات» جالپىۇلتتىق سوتسيال-دەموكراتيالىق پارتياسىنىڭ قاتارىنان شىعۋ تۋرالى ناقتى شەشىمىمدى حابارلاپ، بۇل قادامىمنىڭ سەبەپتەرىن تۇسىندىرگەلى وتىرمىن. مەن ءوزىمنىڭ ار-وجدانىم مەن ادامداردىڭ الدىندا اركەز ادال بولۋعا تىرىستىم. مەنىڭ اسكەري ادام رەتىندە ەڭ باستى بورىشىم حالقىما جانە وتانىما قىزمەت ەتۋ بولدى. ماعان قازاقتان شىققان تۇڭعىش عارىشكەر قۇرمەتى بۇيىردى. ارينە، مەنى عارىشقا ۇشىرۋ ءۇشىن كەڭەس وداعى باسشىلىعىنىڭ الدىندا تاباندىلىق تانىتقان نۇرسۇلتان ءابىشۇلى نازارباەۆقا قارىزدارمىن. مەن ەڭ جوعارى ماراپاتتار مەن اتاقتاردى الدىم. پرەزيدەنتتىمىزدىڭ ارقاسىندا حالىقتىڭ قۇرمەتتىنە بولەندىم. مەن ەشقاشان جاۋاپكەرشىلىكتەن جالتارعان ەمەسپىن، اركەز شىنايى ءارى ءادىل بولۋعا تىرىستىم. ەكونوميكالىق، تۇرمىستىق جانە الەۋمەتتىك ماسەلەلەردىڭ شەشىلمەۋىنە نارازىلىق تانىتقان ادامداردىڭ شاعىمى مەنى «ازات» پارتياسىنا الىپ كەلدى. بۇل بىرلەسكەن پارتيا ءوزىنىڭ الدىنا قوعامنىڭ الەۋمەتتىك-ەكونوميكالىق تۇستارىن دامىتۋ باعدارلاماسىن قۇرۋ تۋرالى ماقسات قويادى دەپ شىن سەندىم. الەمدىك تاجىريبە بويىنشا، سوتسيال-دەموكراتيالىق پارتيالار حالىققا الەۋمەتتىك جانە ەكونوميكالىق ينستيتۋتتاردى دامىتۋ جونىندەگى ءوز پايىمدارىن ۇسىنۋ ءۇشىن قۇرىلادى. پارتيانىڭ ماقساتى - قازىرگى بيلىك پەن پرەزيدەنتكە قارسى شىعۋ ەمەس، كەرىسىنشە، حالىقتىڭ يگىلىگى ءۇشىن ورتاق ستراتەگيالىق ماقساتتارعا جەتۋگە ءۇن قوسۋ بولۋى كەرەك. «ازات» پارتياسىنىڭ ستراتەگياسىندا قاراپايىم حالىقتىڭ جاعدايىن جاقسارتىپ، مەملەكەتتى تابىستى دامىتۋدىڭ ناقتى جوسپارى بولعان جوق. سوندىقتان دا، مەن «ازات» جالپىۇلتتىق سوتسيال-دەموكراتيالىق پارتياسىنىڭ قاتارىنان شىقتىم. مەنى ۇلگى ەتىپ، پارتياعا وتكەن ادامداردىڭ بارىنەن كەشىرىم سۇرايمىن. 20 جىلداعى تاۋەلسىز قازاقستاننىڭ تابىسى تولاعاي. بۇل جەردە تۇڭعىش پرەزيدەنت نۇرسۇلتان ءابىشۇلى نازارباەۆتىڭ ەرەن ەڭبەگىن ايتۋىمىز كەرەك. حالىق ءوزىنىڭ كوشباسشىسىن جاقسى كورەدى. بۇعان پرەزيدەنتتىڭ جانە پارلامەنت ءماجىلىسى دەپۋتاتتارى سايلاۋلارىنىڭ قورىتىندىلارى دالەل بولادى. سايلاۋ كەزىندە حالىق تۇڭعىش پرەزيدەنتتىڭ باعىتىن قولداپ، زور سەنىم ءبىلدىردى. مەن اركەز حالىقتىڭ تاعدىرىنا الاڭدادىم. مەن جەرشارىن عارىشتان كورىپ، ۇشى-قيىرى جوق كەڭىستىكتە ءبىزدىڭ الەمنىڭ قانشالىقتى قورعانسىز ەكەندىگىن ۇقتىم. مىنا الماعايىپ زاماندا قازاقستان تابىستى، باقىتتى جانە ەڭسەسى تىك مەملەكەت بولۋى ءۇشىن ءبىزدىڭ پرەزيدەنت ءبارىن جاساۋدا. ەندەشە، ونىڭ وتان ءۇشىن ىستەگەن جۇمىسى حالىقتىڭ تاراپىنان قولداۋعا لايىق. سوندىقتان دا، بۇكىل قازاقستاندىقتارعا ۇندەۋ جولداي وتىرىپ، ەلدىڭ بولاشاعى ءۇشىن وكپە-رەنىش پەن ساياسي امبيتسيالاردى قالدىرىپ، پرەزيدەنت نۇرسۇلتان ءابىشۇلى نازارباەۆتىڭ اينالاسىنا بىرىگۋگە شاقىرامىن! بۇكىل قازاقستان حالقىن كۇش-جىگەرى مەن ءبىلىمىن جانە تاجىريبەسىن وتانعا قىزمەت ەتۋگە، گۇلدەنگەن قازاقستاندى قۇرۋعا جۇمساۋعا شاقىرامىن. مەن بۇل ىسكە تىكەلەي اتسالىسىپ، تۇڭعىش پرەزيدەنتتىڭ كومانداسىندا بولعىم كەلەدى!
