اۋعانستان قورعانىس مينيسترلىگى ورتالىق ازيا ەلدەرىنەن شىققان 60-تان استام سودىردىڭ قولعا ءتۇسىپ، اۋعانستان اباقتىلارىندا وتىرعانىن مالىمدەدى. ولار دايش تەررورلىق ۇيىمىنا مۇشە بولعان. 

رەسمي كابۋل جالپى جيىنتىعى دايش-قا مۇشە بولعان 408 شەتەل ازاماتتارىنىڭ اۋعانستان تۇرمەلەرىندە وتىرعانىن ايتادى. ۇلتتىق قورعانىس باسقارماسىنىڭ باسشىسى احماد زيا سيرادج 27 ءساۋىر كۇنى پرەسس-كونفەرەنتسيا بارىسىندا دايش سودىرلارى 14 ەلدىڭ ازاماتتارى ەكەنىن، ولاردىڭ اراسىندا 173 ايەل مەن بالانىڭ بارىن ايتادى.

اباقتىدا وتىرعان سودىرلاردىڭ 299 پاكىستاننان، 37 وزبەكستاننان، 13 ازامات تاجىكستاننان، 12 قىرعىزستاننان، 5 رەسەيدەن، 16 ادام قىتايدان، 5  يوردانيادان، 4 يراننان، 3 تۇركيادان،  5 يندونەزيادان، 4 ءۇندىستاننان، 2  بانگلادەشتەن، 2 مالديۆتەن جانە 1 الجيردەن ەكەنى انىقتالدى.

اۋعانستان بۇل ازاماتتاردى سوتتاۋعا نەمەسە ءوز ەلدەرىنە قايتارۋعا شەشىم شىعارۋ ۇستىندە.

Abai.kz