«جاڭاوزەن ءىسى»: جاسىرىن كۋا اشىق شىعىپ، سەنساتسيالىق كورسەتۋلەر بەردى!
اقتاۋداعى سوت پروتسەسىنىڭ 25-ءشى ءساۋىر كۇنگى 22-ءشى وتىرىسىندا، حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، كۋالاردى سۇراۋ جالعاسقان.
سوت وتىرىسى سوتتالۋشى جاننات مۇرىنباەۆتىڭ تالاپ-تىلەگىنەن باستالعان. ول سوتقا «الپىسباەۆ قايرات» لاقاپ ەسىمىمەن قاتىسقان، ال شىن اتى-ءجونى الەكساندار بوجەنكو بولىپ تابىلاتىن كۋانىڭ وزىنە قارسى بەرگەن كورسەتۋلەرىنەن باس تارتۋىنا، دەنساۋلىعىنىڭ ناشارلاۋىنا جانە وتباسىلىق جاعدايىنا سىلتەمە جاساپ، بۇلتارتپاۋ شاراسىن تۇتقىنداۋدان ەشقايدا كەتپەيتىندىگى جونىندە قولحاتقا اۋىستىرۋدى وتىنگەن. ادۆوكاتتار مەن سوتتالۋشىلار مۇنى قولداعان، ال پروكۋرورلار ول ءۇشىن دارىگەرلىك قورىتىندى قاجەت ەكەندىگىن ايتقان.
سوتتالۋشى يسلام ءشامىلوۆ تە ءوزىنىڭ بۇلتارتپاۋ شاراسىن وزگەرتۋدى وتىنگەن.
ادۆوكات جامەنوۆ سوتتالۋشى قايرات ءادىلوۆتىڭ ءوتىنىشى بويىنشا ىسكە قوسىمشا قۇجاتتار تىركەۋ تۋرالى تالاپ-تىلەك جاساعان.
سوتتالۋشى تاڭاتار قاليەۆتىڭ ادۆوكاتى سوتقا قوسىمشا كۋالار كەلگەندىگىن مالىمدەپ، ولاردى بۇگىن سۇراۋدى وتىنگەن.
ادۆوكات بيسەكەشەۆ تە ءوزىنىڭ قورعاۋىنداعى راسۋل مۇحامبەتوۆكە قاتىستى ءدال وسىنداي تالاپ-تىلەك جاساعان.
اقتاۋداعى سوت پروتسەسىنىڭ 25-ءشى ءساۋىر كۇنگى 22-ءشى وتىرىسىندا، حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، كۋالاردى سۇراۋ جالعاسقان.
سوت وتىرىسى سوتتالۋشى جاننات مۇرىنباەۆتىڭ تالاپ-تىلەگىنەن باستالعان. ول سوتقا «الپىسباەۆ قايرات» لاقاپ ەسىمىمەن قاتىسقان، ال شىن اتى-ءجونى الەكساندار بوجەنكو بولىپ تابىلاتىن كۋانىڭ وزىنە قارسى بەرگەن كورسەتۋلەرىنەن باس تارتۋىنا، دەنساۋلىعىنىڭ ناشارلاۋىنا جانە وتباسىلىق جاعدايىنا سىلتەمە جاساپ، بۇلتارتپاۋ شاراسىن تۇتقىنداۋدان ەشقايدا كەتپەيتىندىگى جونىندە قولحاتقا اۋىستىرۋدى وتىنگەن. ادۆوكاتتار مەن سوتتالۋشىلار مۇنى قولداعان، ال پروكۋرورلار ول ءۇشىن دارىگەرلىك قورىتىندى قاجەت ەكەندىگىن ايتقان.
سوتتالۋشى يسلام ءشامىلوۆ تە ءوزىنىڭ بۇلتارتپاۋ شاراسىن وزگەرتۋدى وتىنگەن.
ادۆوكات جامەنوۆ سوتتالۋشى قايرات ءادىلوۆتىڭ ءوتىنىشى بويىنشا ىسكە قوسىمشا قۇجاتتار تىركەۋ تۋرالى تالاپ-تىلەك جاساعان.
سوتتالۋشى تاڭاتار قاليەۆتىڭ ادۆوكاتى سوتقا قوسىمشا كۋالار كەلگەندىگىن مالىمدەپ، ولاردى بۇگىن سۇراۋدى وتىنگەن.
ادۆوكات بيسەكەشەۆ تە ءوزىنىڭ قورعاۋىنداعى راسۋل مۇحامبەتوۆكە قاتىستى ءدال وسىنداي تالاپ-تىلەك جاساعان.
ادۆوكات الىبيەۆ سوتتالۋشى ەسەنگەلدى ءابدىراحمانوۆتى ۇرىپ-سوعۋ جونىندەگى دارىگەرلىك ساراپتاما قورىتىندىسىن ىسكە تىركەۋ جانە قوسىمشا كۋا رەتىندە 16-جەلتوقسان كۇنى الاڭدا بولعان پوليتسيا قىزمەتكەرى ءمادينا اديەۆانى شاقىرۋ جونىندە تالاپ-تىلەك تۇسىرگەن.
سۋديا ارالباي ناعاشىباەۆ, ءوز اتىن اشقان كۋانىڭ كورسەتۋى نەگىزىندە عانا «كىمدىكى دۇرىس، كىمدىكى بۇرىس» ەكەنىن شەشە المايتىندىعىن ايتىپ، سۋديا مۇرىنباەۆتىڭ تالاپ-تىلەگىن اشىق قالدىرعان. ءشامىلوۆتىڭ تالاپ-تىلەگىنە قاتىستى دا وسىنداي قاۋلى قابىلداعان.
ودان سوڭ كۋالاردى سۇراۋ باستالىپ، ءبىرىنشى بولىپ (ال جالپى 38-ءشى) «سەمسەر» كۇزەت فيرماسىنىڭ قىزمەتكەرى ورازبەكوۆ ايت شاقىرىلعان.
پروكۋرور: 16-جەلتوقسان وقيعالارى جونىندە نە بىلەتىنىڭىزدىڭ ءبارىن سوتقا ايتىپ بەرىڭىز.
ورازبەكوۆ: مەن جانە مەنىڭ سۇلتان ەسىمدى ارىپتەسىم كيىكباي ەشمانوۆتىڭ («وزەنمۇنايگازدىڭ» بۇرىنعى باسشىسى) ءۇيىن كۇزەتتىك. شامامەن 17:00-دە ءۇيدىڭ قاقپاسىنا بەتتەرىن تۇمشالاپ العان 10-15 جاس جىگىت جاقىندادى. سوزبەن قورقىتۋلاردان كەيىن ولار شابۋىل باستادى. ءبىز قاشىپ كەتتىك.
پروكۋرور: ولاردىڭ قولدارىندا نە بولدى؟
ورازبەكوۆ: وعان نازار اۋدارمادىم.
ادۆوكات الىبيەۆ: كۇزەت كەزىندە ءسىز اۋلانىڭ ىشىندە بولدىڭىز با الدە سىرتىندا بولدىڭىز با؟
ورازبەكوۆ: ءبىز اۋلانىڭ ىشىندە بولدىق.
الىبيەۆ: سىزدەر كۇزەتكە باراردا العان قارۋ كىمگە تىركەلگەن ەدى؟
ورازبەكوۆ: بىلمەيمىن.
الىبيەۆ: قارۋ كىمدە بولدى؟
ورازبەكوۆ: ۆينچەستەر ءماشينانىڭ باگاجنيگىندە جاتتى.
ءالءىبيەۆ: ال، كۇزەتكە شىعاردا سىزدەرگە قارۋدى كىم بەردى؟
ورازبەكوۆ: ەسەت، فاميلياسى ەسىمدە جوق. ول بىزدە جۇمىس ىستەيدى.
الىبيەۆ: سوندا ەسەتتەن قارۋدى كىم العانى ءسىزدىڭ ەسىڭىزدە جوق پا؟
ورازبەكوۆ: بىلمەيمىن.
الىبيەۆ: ال ۆينچەستەردى ماشيناعا كىم سالدى؟
ورازبەكوۆ: سۇلتان، مەن قولىما قارۋ ۇستاپ كورگەن ەمەسپىن، ءتىپتى اتقان ەمەسپىن.
الىبيەۆ: ەشمانوۆتىڭ ۇيىنە شابۋىلداعان جاس جىگىتتەردىڭ سىرت بەينەسىن سۋرەتتەپ بەرىڭىز - ءتۇر سيپاتىن، جاسىن، بويىن...
ورازبەكوۆ: مەنىڭ بار ايتارىم - ولار جاس جىگىتتەر، بەتتەرىن تۇمشالاپ العان.
الىبيەۆ: بولعان جاعداي جونىندە ءسىز جۇمىسىڭىزدا كىمگە راپورت بەردىڭىز؟
ورازبەكوۆ: باستىقتاردىڭ بىرىنە، فاميلياسىن ۇمىتتىم.
الىبيەۆ: ۆينتوۆكانى تارتىپ الۋ ارەكەتى بولدى ما، شابۋىلداۋشىلار تاراپىنان؟
ورازبەكوۆ: جوق.
سۋديا: ءسىز ەشمانوۆتىڭ ءۇيى قالاي جانعانىن كوردىڭىز بە؟
ورازبەكوۆ: جوق.
سۋديا: ءسىزدىڭ قىزمەت ماشيناڭىزعا زارداپ كەلتىردى مە؟
ورازبەكوۆ: يا، فارلار مەن اينەكتى سىندىردى.
كۋا بوقانوۆ كوبەنعالي, شەتپە پوسەلكەسىنىڭ تۇرعىنى.
پروكۋرور: روزا تولەتاەۆامەن قانشالىقتى تانىس ەكەنىڭىزدى سوتقا ايتىپ بەرىڭىز.
بوقانوۆ: ونىمەن 2-3 جىل تانسىپىز، قارىم-قاتىناسىمىز جاقسى، مەن ونى روزا اپا دەيمىن.
پروكۋرور: 16-جەلتوقسان كۇنى ءسىز ونىمەن تەلەفون ارقىلى سويلەستىڭىز، اڭگىمە نە جونىندە بولدى، ايتىپ بەرىڭىز.
بوقانوۆ: 16-سى كۇنى، شامامەن 14:00-دە، مەن ءۇشىن كۇتپەگەن جەردەن قوڭىراۋ بولدى، روزا اپا ايتتى، «سەندەر مۇندا كەلمەڭدەر، ومون كەلدى» دەپ، «باستاڭدار» دەپ قوستى، بىراق مەن نەنى باستاۋ كەرەك ەكەنىن تۇسىنبەدىم.
پروكۋرور سۋديادان رۇقسات الىپ، ايىپتاۋ قورىتىندىسىنان ءۇزىندى وقىپ بەرگەن:
تولەتاەۆا - «ت» بوقانوۆ - «ك»
بوقانوۆ - يا، سالاۋمالەيكۋم.
تولەتاەۆا - ءسىز نە ىستەپ جاتىرسىز؟ قايداسىز؟
بوقانوۆ - بىز اۋىلدامىز.
روزا - قاي جەردە؟
بوقانوۆ - نە بولىپ قالدى؟
روزا - مۇندا بىزدە تارتىپسىزدىكتەر باستالدى، اقتاۋدا قالاي، اقتاۋدا نە بولىپ جاتىر؟
بوقانوۆ - يا، يا، قازىر عانا ەستىدىك.
روزا - مۇندا كەلمەڭدەر، سوندا باستاڭدار، ەگەر باستاعىلارىڭ كەلسە. مۇندا بىزدە وموندىقتار... (بايلانىس ءۇزىلىپ كەتكەن).
پروكۋرور: بۇعان نە ايتاسىز؟
بوقانوۆ: مەن روزانى 3-4 اي كورگەن جوقپىن، ونىڭ نە ايتقانىن تۇسىنبەدىم.
پروكۋرور: ءسىز روزانى 2-3 جىل بىلەسىز، ول سىزگە كىم - تۋىس، ارىپتەس؟
بوقانوۆ: ءجاي تانىسىم.
كۋا اتىراۋ دوسقالي.
پروكۋرور: 16-جەلتوقسان وقيعالارى تۋرالى سوتقا ايتىپ بەرىڭىز.
اتىراۋ: ەندى مەن ۇيدەن شىعىپ، الاڭ ماڭايىنا قىدىرىستاۋعا باردىم. پوليتسيانىڭ ادامداردى قالاي اتقانىن كوردىم.
پروكۋرور: ءسىز قويشىباەۆ ساماتپەن تانىسسىز با؟
اتىراۋ: يا، تانىسپىن. سول كۇنى ونى جولىقتىردىم، ول قارىنداسىمدى ىزدەپ ءجۇرمىن دەدى. ول كەزدەسۋ پوليتسيا اتا باستاعانعا دەيىن بولدى.
پروكۋرور: ءوزىڭىزدىڭ الدان-الا تەرگەۋ كەزىندەگى كورسەتۋلەرىڭىزدە ءسىز «10-30-دا ۇيدەن شىعىپ، 11:30-دا قويشىباەۆتى جولىقتىردىم، ودان: «قايدا بارا جاتسىڭ، سامات؟» - دەپ سۇرادىم» دەگەنسىز.
اتىراۋ: جوق، ولاي ەمەس. مەن ونى ايەلدەر بوساناتىن ءۇيدىڭ جانىندا جولىقتىردىم، ول قارىنداسىن ىزدەپ جۇرگەنىن ايتتى.
قويشىباەۆ: سەنى الدادى ما؟ ار-ۇياتىڭدى قورلادى ما؟ سەنى قورقىتتى ما؟
اتىراۋ: يا، تەرگەۋشى ماعان: «سەنىڭ ءوزىڭدى جاۋاپكەرشىلىككە تارتادى»، - دەدى، مەنى «قاماپ تاستايمىن» دەپ قورقىتتى.
ادۆوكات جءامەنوۆ: ءسىز ءوتەبەكوۆ جانايدارمەن تانىسسىز با؟
اتىراۋ: يا، تانىسپىن.
ادۆوكات بيسەكەشەۆ: ناقتى كىم قورقىتتى؟
اتىراۋ: پروكۋراتۋرا قىزمەتكەرلەرى، اتتارىن بىلمەيمىن.
زيادا ءوتەبەكوۆا (كامەلەتكە تولماعان سوتتالۋشى قويشىباەۆتىڭ اناسى): مەن سەنى پروكۋراتۋرادا كورگەم، سەنى شاقىرعان ونەروۆ ەمەس پە؟ تولىق، اقسارى ءجۇزدى ادام؟
اتىراۋ: اتى ەسىمدە جوق، بىراق تولىق، اقسارى ءجۇزدى ادام بولدى.
قوسىمشا كۋا قاليەۆ مۇرات, ۋبر ۇيىمىنىڭ جۇرگىزۋشىسى.
ادۆوكات دوسبولوۆ: مۇرات، بىلتىرعى 15-جەلتوقسان كۇنى ءسىزدىڭ اكەڭىز - تاڭاتار قاليەۆ ۇيدەن قاشان كەتىپ، قاشان قايتىپ ورالدى؟
قاليەۆ: شامامەن 12:00-دە كەتىپ، 15:00-دە ورالدى.
ادۆوكات قوزىباعاروۆ: تەرگەۋدە ءسىزدىڭ اكەڭىز 15-جەلتوقسان كۇنى ۇيدە ەشكىم بولعان جوق دەگەن.
قاليەۆ: بولدى ۇيدە ادامدار.
پروكۋرور: ول كەزدە ءسىز قايدا ىستەدىڭىز؟
قاليەۆ: «قۇلان-حولدينگتە»، اۋىسىمنان 14-جەلتوقساندا شىقتىم.
قوسىمشا كۋا تاۋاروۆا ايناگۇل, تاڭاتار قاليەۆتىڭ جۇبايى.
ادۆوكات دوسبولوۆ: 15-جەلتوقسان كۇنى ءسىزدىڭ كۇيەۋىڭىز ۇيدەن قاشان كەتىپ، قاشان قايتىپ ورالدى؟
تاۋاروۆا: شامامەن 12:00-دە كەتىپ، 15:00-گە تامان ورالدى.
ادۆوكات دوسبولوۆ: ءسىز وزكۇيەۋىڭىزدى قالاي مىنەزدەر ەدىڭىز؟
تاۋاروۆا: ول مەنىڭ كۇيەۋىم، بەس بالامىز بار، ودان باسقا نە ايتايىن؟
ادۆوكات قوزىباعاروۆ: ءسىزدىڭ كۇيەۋىڭىز تەرگەۋ كەزىندە 30 شولمەككە بەنزين قۇيدىم دەگەن، وسىعان وراي نە ايتا الاسىز؟
تاۋاروۆا: مۇنى مەن كورگەن جوقپىن.
سۋديا: ءسىز ءوز ۇيىڭىزدە تۇرسىز با؟ گاراج بار ما؟
تاۋاروۆا: يا، ءوز ۇيىمدە، گاراج بار.
ادۆوكات جءامەنوۆ: ءتىنتۋ كەزىندە الىنعان ۆورونكا، ودنا ماي ءىزى بولدى ما؟
تاۋاروۆا: كوپتەن ءىلۋلى تۇرعان، تات باسقان، ءتىپتى نازار اۋدارماپپىن.
سۋديا: مۇنى ودان سۇراۋدىڭ نە قاجەتى بار، ۆورونكانى الىپ قويدى عوي؟
ادۆوكات دوسبولوۆ: سىزدە مۇگەدەك بالا بار ما؟ وتباسىڭىز جونىندە ايتىڭىزشى.
تاۋاروۆا: يا، 1992 جىلى تۋىلعان، ەڭ كەنجەمىز قازىر ەكى جاستا، جالپى بارلىق بالالارىم وزىممەن تۇرادى، ۇلكەنىم ۇيلەنسە دە.
ودان سوڭ سوتتالۋشى ءابدىراحمانوۆتىڭ تالاپ-تىلەگىمەن ساراپشى رەتىندە سيزو دارىگەرى جاڭبىرباەۆ سۇرالعان.
جاڭبىرباەۆ: بۇگىنگى تاڭدا ءابدىراحمانوۆ تۋبەركۋلەزدەن 5 ءتۇرلى ءدارى قابىلدايدى. كەشە ءىشى اۋىراتىنىن ايتتى، «گاستريت» دەگەن دياگنوز قويىلىپ، ەم تاعايىندالدى.
ادۆوكات الىبيەۆ: ءسىز تۋبەركۋلەز بويىنشا مامانسىز با؟
جاڭبىرباەۆ: جوق، مەنىڭ ءبىلىمىم ورتا ارناۋلى.
الىبيەۆ: تۋبەركۋلەزبەن اۋىراتىنداردى قالاي كۇتۋ كەرەك ەكەنىن ايتىپ بەرسەڭىز.
جاڭبىرباەۆ: ولار دارىلەردى ءۇزىلىسسىز قابىلداۋى كەرەك، ولاردىكى ەرەكشە ديەتا، جالپى ەرەكشە رەجيم.
ءالءىبيەۆ: تاماقتانۋ رەجيمى تۋرالى ايتساڭىز.
جاڭبىرباەۆ: ولار كۇنىگە ءۇش رەت تاماقتانۋعا ءتيىس، جانە قوسىمشا ءتورتىنشى رەت.
الىبيەۆ: ءابدىراحمانوۆ سىزگە سوڭعى كەزدە جۇرەگى اينيتىنىن ايتتى ما؟
جاڭبىرباەۆ: يا، ايتقان، بۇل گاستريتتەن بولۋى مۇمكىن.
الىبيەۆ: سىزدەر سيزو-دا وعان تۇراقتى تاماقتانۋدى قامتاماسىز ەتەسىزدەر دەپ ويلايمىن، بىراق تۇسكى ۇزىلىستە سوتتالۋشىلار وسىندا قالادى. ءابدىراحمانوۆتىڭ دەنساۋلىعى ناشارلاۋى تولىققاندى تۇسكى اس جەتىسپەۋىنە بايلانىستى بولۋى مۇمكىن دەپ ەسەپتەيسىز بە؟ جانە سوتقا قورىتىندى بەرە الاسىز با؟
جاڭبىرباەۆ: مەن سوتقا قورىتىندى جانە ۇسىنىستار بەرە المايمىن.
ادۆوكات سانسىزبايۇلى: جاڭاوزەن قالاسىنىڭ يۆس-ىنان تۇتقىنداردى الىپ كەلگەن كەزدە ءسىز ولاردى كۋالاندىرۋعا قاتىستىڭىز با؟
جاڭبىرباەۆ: يا.
سانسىزبايۋلى: ولاردىڭ اراسىندا دەنەسى زاقىمىدالعاندار بولدى ما؟
جاڭبىرباەۆ: يا، بولدى. ءبىز ولاردىڭ بارلىعىن قۇجاتتاپ، بەينەتاسپاعا ءتۇسىرىپ، پروكۋراتۋراعا جىبەردىك.
ودان ءارى قوسىمشا كۋالار مامبەتساپاەۆا، ءىزبانوۆ، قانيەۆ، جولداسپاەۆ سۇرالدى:.
ادۆوكات الىبيەۆ: كۋا جولداسپاەۆ، ءسىز ەرمۇقانوۆ ەرتايدى قايدان بىلەسىز؟
جولداسپاەۆ: ول مەنىڭ جۇمىس بويىنشا ارىپتەسىم.
الىبيەۆ: ءسىز ەرمۇقانوۆتى قالاي مىنەزدەر ەدىڭىز؟
جولداسپاەۆ: مەن ونى پاراساتتى ادام رەتىندە بىلەمىن، وتباسىمىزبەن ارالاسامىز.
ءالءىبيەۆ: ايتىڭىزشى، ءسىز ونى 16-جەلتوقساندا جولىقتىردىڭىز با؟
جولداسپاەۆ: ءبىز اۋىسىمنان 16-سىنا ەرتەڭگىلىك شىقتىق. اۋىسىم تاڭعى 7-دە اياقتالادى، بىراق مەن ەرتەرەك سۇرانىپ، 6-دا كەتتىم. ەرتاي ەرمۇقانوۆ بسقالارمەن بىرگە 7-دە كەتتى.
الىبيەۆ: اۋىسىمنان كەيىن سىزدەرگە قانشالىقتى ۇزاق دەمالۋ كەرەك؟
جولداسپاەۆ: قانداي اۋىسىم ەكەندىگىنە قاراي، ال 15-ىنەن 16-ىنا قاراعان تۇندە ءبىز سكۆاجينادان ناسوس كوتەردىك، جۇمىس كوپ بولدى.
الىبيەۆ: ەرماحانوۆ ءسپيرتتى ىشىمدىك ىشە مە؟
جولداسپاەۆ: ونىڭ جۇمىستا ىشكەنىن ەشقاشان كورگەن ەمەسپىن، قاتتى ماس بولعانىن دا دا ەشقاشان كورگەن جوقپىن، بىراق مەيرامداردا جولىققاندا ازداپ ىشەتىنىمىز بار.
الىبيەۆ: ەرمۇقانوۆ سىزگە مەيرامدى اتاپ وتۋگە الاڭعا باراتىنىن ايتتى ما؟
جولداسپاەۆ: جوق، مۇنى مەن ەستىمەدىم.
بۇدان سوڭ قوسىمشا كۋالار وڭالدىقوۆ، ىزتىلەۋوۆا، ادىلبەكوۆا، نۇرىمبەتوۆا، كنازباەۆ، مۇحامبەتوۆ، ناۋرىزوۆ، يۋسۋپوۆ، كوۆالسكايا، حودجاەۆا سۇرالعان.
ادۆوكات قوزىباعاروۆ: دوسماعامبەتوۆ جونىندە نە ايتا الاسىزدار؟
حودجاەۆا: مەن دوسماعامبەتوۆتىڭ بالاسى باراتىن بالاباقشادا جۇمىس ىستەيمىن.
قوزىباعاروۆ: ءسىز ونى بىلتىر 15-جەلتوقساندا كوردىڭىز بە؟
حودجاەۆا: يا، ول سول كۇنى شامامەن 17:30-داردا بالاسىن بالاباقشادان الىپ كەتتى.
پروكۋرور: مۇنى ءسىز نەگە ەسىڭىزدە ساقتاپ قالدىڭىز؟
حودجاەۆا: مەن ءوز تاربيەلەنۋشىلەرىمنىڭ ارقايسىسىن كىم الىپ كەتكەنىن ەستە ساقتاۋعا ءتيىسپىن. ونىڭ ۇستىنە دوسماعامبەتوۆ ۇنەمى دەرلىك بالانى ءوزى الىپ كەتەدى، ونىڭ جۇبايى باسقا بالامەن ۇيىندە وتىرادى. بالانى وتە سيرەك دوسماعامبەتوۆتىڭ اناسى الىپ كەتىپ ءجۇردى، ال قازىر ۇنەمى دەرلىك اجەسى الىپ كەتەدى.
قوسىمشا كۋا رەتىندە سوت وتىرىسىنىڭ ءبىرىنشى جارتىسىندا سوڭعىسى بولىپ ايجان مەن پاراحات دۇيسەنباەۆتاردىڭ اناسى دۇيسەنباەۆا نۇرساۋلە سۇرالدى. ادۆوكات تاسقىنباەۆ ونىڭ ءوزى بىلەتىن جاعدايلاردى ايتىپ بەرۋىن ءوتىندى. ن.دۇيسەنباەۆانىڭ اڭگىمەسى ۇزىلىسكە دەيىن دەرلىك سوزىلدى.
ن.دۇيسەنباەۆا: 16-جەلتوقسان ەلىمە، حالقىما قارا ءتۇن بولدى عوي. ول كۇن ادەتتەگىدەي باستالدى، تەك دەمالىس دەمەسەڭ. تاڭەرتەڭ مەنىڭ شالىم اقتاۋداعى جانازاعا بارماق بولىپ جينالدى، بالالاردىڭ بىرقاتارى الاڭعا بارىپ قىدىرىستاماق بولدى، پاراحات ادەتتەگىدەي ءوزىنىڭ ەرەۋىلدەۋشى جولداستارىنا كەتتى، بارلىعى مەنىڭ توعىز بالام بار. تۇسكە سالىم مەنىڭ قىزىم ايجان دۇيسەنباەۆا جارالاندى دەگەن حابار كەلدى، مەن قاتتى شوشىپ كەتىپ، اۋرۋحاناعا ازەر جەتتىم. وندا تولعان جارالىلار، قان سۋ بولىپ اعىپ جاتىر. ءۇشىنشى قاباتتا قىزىمدى تاپتىم. اياقتارى ءبىرتۇرلى بولىپ ەكى جاققا قايىرىلىپ كەتكەن (قولىمەن كورسەتكەن). مەن تراۆموتولوگقا بارىپ، ونى كوپتەن بىلەم، قىزىمنىڭ سۇيەگىن ورنىنا سالۋدى ۇسىندىم. ءوزىم سىنىقشىلىق جاسايتىن اداممىن. بىرلەسىپ سۇيەكتەرىن ورنىنا سالدىق. ارتىنان انىقتالعانى، مەنىڭ شالىم بۇ كەزدە تاپ سول اۋرۋحانادا جاتقان، ءولى قالپىندا. ءبىز ونى ءتىپتى ىزدەگەن دە جوقپىز، اقتاۋعا ءجۇرىپ كەتتى دەپ ويلاپ، تەك 18-جەلتوقساندا عانا جوقتادىق. اۋرۋحانادان ۇيگە كەلدىم، ۇلىم پاراحات كەلدى، جىلاعان، ۇرەيلى، الاڭدا نە بولعانىن، جارالىلاردى قالاي اۋرۋحاناعا اتتاندىرۋعا كومەكتەسكەنىن ايتتى. ونى تىڭداۋدىڭ ءوزى قورقىنىشتى بولدى. تۇندە كوشەدە شۋ كوپ بولدى، ايقاي-ۇيقاي، اتىس... ءبىز شوشىندىق، مەن تەرەزەلەردى قالىڭ كورپەمەن قاپتاتتىم، وقتى تۇتىپ قالسىن دەپ.
كەلەسى كۇنى قىزىمدى كورۋگە اۋرۋحانعا جۇگىردىم، ۇلدارىمدى ۇيدەن شىعارمادىم. كۇيەۋىمنىڭ اقتاۋعا جەتپەگەنىن بىلگەن سوڭ ونى ىزدەي باستادىق. اۋرۋحانالاردى ارالاپ، پوليتسيا، يۆس-كە جۇگىردىك. تانىس پوليتسەيلەر ۇستالعانداردىڭ بارلىعىن كورگەندەرىن، بىراق مەنىڭ شالىمدى كورمەگەندەرىن ايتتى. اقىرى ءمايىتحانادان تاپتىق. ءتۇرلى سىلتاۋلارمەن ونىڭ دەنەسىن بەرگىسى كەلمەگەسىن مەن ءمايىتحانانىڭ ەسىگى الدىنا وتىرىپ الدىم دا، كەشكە دەيىن وتىردىم. ماعان وموندىقتار كەلىپ، كەتۋگە ۇگىتتەدى، بىراق مەن قاسارىپ وتىرا بەردىم، ايتتىم: «كۇيەۋىمدى مۇندا قالدىرعانشا، ءۇسىپ ولگەنىم ارتىق!» - دەپ. سودان كەيىن ايتەۋىر بەردى ءمايىتتى.
ودان سوڭ جەرلەۋگە دايىندالا باستاپ ەدىك، ءبىزدىڭ ءۇيدىڭ جانىنا تانكىلەر تىزىلە قالدى، وموندىقتار كەلدى. جۇرت ءتىپتى كوڭىل ايتىپ كىرىپ شىعۋعا قورقتى. ءبىز كەلگەندەردىڭ بارىنە كۇيەۋىمنىڭ ءولىمى تۋرالى انىقتامانىڭ كوشىرمەلەرىن تاراتتىق، ۇستاعان جاعدايدا كورسەتۋلەرى ءۇشىن. مەن تانكىلەرگە باردىم، سوندا ءبىر ورىس جىگىت بولعان،سوعان ادام جەرلەيتىنىمىزدى ءتۇسىندىرىپ، ءسال ارىرەك تۇرۋدى ءوتىندىم. سودان كەيىن ولار شامالاپ شەگىنىپ كەتتى. ءسويتىپ، جەرلەدىك. ودان سوڭ مەن بارلىق قۇقىق قورعاۋ ورگاندارىن - پروكۋراتۋرا، قىىد-نى ارالاپ، كۇيەۋىمنىڭ ءولىمىن تەكسەرۋ جونىندە ارىز بەرمەك بولىپ ەدىم، ەشقايدا قابىلدامادى. ءتىپتى قابىلوۆقا دەيىن جەتىپ، كوكەيىمدە جينالعاننىڭ ءبارىن ايتتىم. ال ول: «اپا، ماعان مۇنى ايتۋدىڭ قاجەتى جوق»، - دەدى. وسىندا، اقتاۋعا كەلىپ، وبلىستىڭ ءىىد-ىنە باردىم، مۇندا دا ارىزىمدى العىسى كەلمەپ ەدى، بىراق كەيىن الدى. قۇرمەتتى سۋديا، مەنىڭ قىزىمدى وسى ءىس بويىنشا قۋدالاي باستاۋ سەبەبى - كۇيەۋىمنىڭ ءولىمىن تەكسەرۋدى تالاپ ەتكەنىمىز دەپ ەسەپتەيمىن. مەنىڭ تەك ءبىر ءوتىنىشىم بار - ەگەر، ءتىپتى، ول جانە مەنىڭ ۇلىم پاراحات بىردەڭەگە كىنالى بولسا دا، ولاردى كەشىرىپ، بوساتىڭىزدار.
ءسوز سۇراعان سوتتالۋشى ءبوپىلوۆ دۇيسەنباەۆانىڭ كۇيەۋىنە قاتىستى: «يماندى بولسىن، جانى جانناتتا بولسىن!» - دەپ كوڭىل ايتىپ، ودان سوڭ كۇيەۋى قانداي كيىمدە بولعانىن سۇراعان. ول سۋرەتتەگەن سوڭ، ءبوپىلوۆ ءوزىنىڭ سول ايتىلعان كىسىگە ۇقساس جارالى، بىراق ءالى ءتىرى ادامدى الىپ جۇرۋگە كومەكتەسكەندىگىن مالىمدەگەن. جانە: «ول، تەرگەۋشىلەر ايتقانداي، پوليتسەيلەرگە شابۋىل جاساعاندارمەن بىرگە جۇگىرگەن جوق، مۇلدە باسقا جەردە بولدى»، - دەگەن.
سوت وتىرىسىنىڭ ەكىنشى جارتىسى سۋديانىڭ سوتتالۋشى ءابدىراحمانوۆتىڭ تالاپ-تىلەگىن قاناعاتتاندىرۋسىز قالدىرعاندىعى جونىندە جاريالاۋىنان باستالعان.
ودان سوڭ تەلەكوممۋنيكاتسيا كومپانياسىنىڭ قىزمەتكەرى، كۋا قارامانوۆانى جىلدام سۇراپ بولىپ, «مارات» لاقاپ اتتى كۋانى سۇراۋعا كوشكەن. ول ءوزىنىڭ كورسەتۋلەرىندە 16-جەلتوقسان كۇنى 11:00-دە ۇيدەن شىعىپ، «راحات» ىقشاماۋدانى جاعىنان الاڭعا مەرەكەلىك كونتسەرت كورۋگە بارعانىن، جاقىنداعاندا الاڭدا 2000-داي ادام كورگەنىن، ساحنانىڭ سىرت جاعىندا جانىپ كەتكەن «كاۆز» اۆتوكولىگى تۇرعانىن، اۆتوبۋستىڭ جانىندا «قازمۇنايگازدىڭ» ارنايى كيىمىن جانە قاراپايىم كيىم كيىپ، بەتتەرىن بوكەباي مەن اق ورامالمەن جاۋىپ العان ادامدار، جاس جىگىتتەر، كەكسە كىسىلەر، ايەلدەر بولعانىن، العاشقىلار قولدارىندا تاس، تاياق، جانعىش شولمەكتەر ۇستاپ تۇرعانىن، ولار الاڭنىڭ ورتاسىمەن اكىمدىك جاققا جۇگىرگەنىن، ونىڭ ءوزى جانعان اۆتوبۋستىڭ جانىمەن شىرشا جاققا ءجۇرىپ، ساحنانى جاناي وتكەندە جانىپ كەتكەن مۋزىكالىق كولونكالار كورگەنىن، شىرشانىڭ دا قۇلاپ، جانىپ جاتقانىن، وسى كەزدە 7-8 جاس جىگىتتىڭ قولدارىنا جانعىش شولمەكتەر ۇستاپ، توڭكەرىلىپ جاتقان «اۋدي» اۆتوكولىگىنە قاراي ونى ورتەمەك بولىپ جۇگىرگەنىن، بىراق ولاردى الگى ارنايى كيىم كيگەندەر: «ماشيناعا تيىسپەڭدەر، شولمەكتەردى پوليتسەيلەر كەلگەن كەزدە جارىڭدار، ال ءماشينا كەرەك بولادى»، - دەپ توقتاتقانىن، ءبىر جىگىتتىڭ بەتىن جاپقان ورامال شەشىلىپ كەتكەندە ول ونىڭ ءشامىلوۆ يسلام تالاپۇلى ەكەنىن تانىپ قالعانىن، ونىمەن ءبىر ىقشاماۋداندا تۇراتىندىقتان بىلەتىنىن، ءشامىلوۆتىڭ بۇزاقى ەكەنىن..، قىسقاسى، ايىپتاۋ قورىتىندىسىندا قالاي جازىلسا، سولاي ايتىپ بەرگەن.
پروكۋرور: ءشامىلوۆتى قايدان بىلەسىز؟
مارات: ءبىر ىقشاماۋداندا تۇرامىز، كوپتەن بىلەمىن.
پروكۋرور: ءشامىلوۆ تاعى نە ىستەدى؟
مارات: اكىمدىكتىڭ اينەكتەرىن شاقتى.
پروكۋرور: سىزگە ونىڭ فوتوسىن كورسەتتى مە؟
مارات: يا، بىراق مەن ونى وعان دەيىن-اق ءبىلدىم.
سۋديا: سوتتالۋشىلار، سۇراق قويۋلارىڭىزعا بولادى.
وتەبەكوۆ: ءشامىلوۆتىڭ بويى قانداي؟
مارات: ونىڭ بويى قانداي ەكەنىن ۇمىتتىم (زالدا شۋ كوتەرىلگەن)
ۋتەبەكوۆ: ول قالاي كيىنگەن ەدى؟
مارات: ۇمىتتىم (زالدا تاعى دا شۋ)
امانجولوۆ: شامىلوۆپەن قاي كەزدەن تانىسسىز؟
مارات: بالا كەزدەن.
امانجولوۆ: ول قايدا تۇرادى؟
مارات: 2-ءشى ىقشاماۋداندا.
امانجولوۆ: قاي ۇيدە؟
مارات: ۇمىتتىم.
ادۆوكات: ەگەر ءسىز الاڭدا ءبىرىن ءوزىڭىز كورسەڭىز، نەگە ءۇشىنشى جاقتان سويلەدىڭىز؟
مارات: ءبارىن ءوزىم ايتتىم ء(سىرا، سۇراقتى تۇسىنبەسە كەرەك)
ادۆوكات: ءسىزدىڭ قازىر ايتقانىڭىز نەگە سوڭعى نۇكتەسىنە دەيىن ايىپتاۋ قورىتىندىسىندا ايتىلعانعا ءدال كەلەدى؟
مارات: مەن ءوزىم سويلەيمىن.
ادۆوكات: ءسىز نەگە ونى «بۇزاقى» دەدىڭىز؟ ول سىزگە ءتيىستى مە؟
مارات: بۇل مەنىڭ پىكىرىم.
ادۆوكات: مۇمكىن، ءسىز مۇنى ول بىرەۋدى ۇرىپ-سوققان سوڭ ايتقان بولارسىز؟
مارات: مەن ونىڭ قىلىقتارىنا قاراي وي ءتۇيدىم.
ادۆوكات: ءسىز ونىڭ قاي جەردەن باستاپ تاس لاقتىرعانىن كوردىڭىز؟
مارات: الاڭنىڭ ورتاسىنان... ونىڭ شەتىنەن. ول تاستاردى الاڭنىڭ بارلىق بۇرىشىندا دايىنداپ قويعان.
ادۆوكات: الاڭنىڭ تاسىن ول ءوزى قوپاردى ما؟
مارات: يا.
ادۆوكات: تەرگەۋدە ءسىز باسقاشا ايتقانسىز، قاي جاۋابىڭىز دۇرىس؟
مارات: وسى.
ادۆوكات: سىزگە فوتونى قايدا جانە قاشان كورسەتتى؟
مارات: ەسىمدە جوق.
ادۆوكات: فوتوگرافيالار قانداي بولدى؟
مارات: قاراۋىتقان، قارا دەرلىك.
ادۆوكات: فوتونى كورسەتكەن كەزدە قانشا ادام بولدى؟
مارات: تەرگەۋشى جانە ەكى ادام.
ادۆوكات: ايەلدەر مە، ەركەكتەر مە؟
مارات: ەركەكتەر.
ادۆوكات: قازاقتار ما، ورىستار ما؟
مارات: قازاقتار.
ادۆوكات: ءسىز شامىلوۆپەن بالا كەزدەن تانىسپىن دەدىڭىز، ەندەشە نەگە فوتوسىن سۇرادىڭىز؟
مارات: مەن سۇراعان جوقپىن.
ادۆوكات: سۇرادىڭىز.
مارات: (ۇنسىزدىك)
ادۆوكات: سونىمەن، نەگە «كورسەتۋ قاجەت ەمەس» دەمەدىڭىز؟
مارات: مەن ايتتىم.
ادۆوكات: ءسىزدى قانداي سەبەپپەن فوتودان تانۋ ءۇشىن شاقىردى؟
مارات: بىلمەيمىن، شاقىرۋ قاعازبەن باردىم.
سوتتالۋشىلاردىڭ ءبىرى: سەن ونىمەن ءبىر مەكتەپتە وقىدىڭ با؟
مارات: جوق، مەن ونىمەن ءبىر مەكتەپتە وقىعان جوقپىن.
ادۆوكات: ال بۇرىن ءبىر مەكتەپتە دەگەنسىز.
مارات: بۇل سۇراققا جاۋاپ بەرمەۋگە رۇقسات ەتىڭىز.
ادۆوكات: الاڭعا نە ءۇشىن باردىڭىز؟
مارات: قىزىقتاپ باردىم، كونتسەرت كورگىم كەلدى.
ادۆوكات: تارتىپسىزدىكتەر جونىندە نەگە پوليتسياعا حابارلامادىڭىز؟
مارات: مۇمكىندىك بولعان جوق.
ادۆوكات: لاقاپ ات الۋ جونىندە ءوتىنىشتى ءوزىڭىز جازدىڭىز با؟
مارات: ءوزىم.
ادۆوكات: قالاي جانە قايدا جازدىڭىز ءوتىنىشتى؟
مارات: پروكۋراتۋرادا.
ادۆوكات: كىمنىڭ اتىنا؟
مارات: بىلمەيمىن.
ادۆوكات: ءسىز ءوزىم جازدىم دەيسىز، وندا نەگە ءوتىنىش باسىلعان؟
مارات: قولمەن جازعانمىن، سودان سوڭ باسقان شىعار.
ادۆوكات: ءسىز باسىلعانىمەن تانىسىپ پا ەدىڭىز؟
مارات: يا.
ادۆوكات: ەگەر ءسىز شامىلوۆپەن بالا كەزدەن تانىس بولساڭىز، ايتىڭىزشى، كۇيىك ءىزى ونىڭ قاي جاق بەتىندە؟ جالپى وندايى بار ما؟
مارات: ەسىمدە جوق، نازار اۋدارماپپىن.
ادۆوكات: ءسىزدى پوليتسيادا ۇستادى ما؟
مارات: جوق.
ادۆوكات: ءسىزدى قاي كەزدەن پوليتسياعا شاقىرا باستادى؟
مارات: ۇمىتتىم.
ادۆوكات: ءمۇمىن، ءسىز ءوزىڭىز قۇقىققا قايشى ارەكەتتەر جاساعان بولارسىز؟
مارات: جوق.
سوتتالعان وتكەلوۆ: مارات، قپك-نىڭ 116-بابى بار ەكەن، سوعان سايكەس سەنىڭ قىسىممەن، قورقىتۋمەن بەرگەن كورسەتۋلەرىڭنەن باس تارتۋىڭا بولادى. بۇل جەردە ءبىزدىڭ تاعدىرلارىمىز شەشىلۋدە، سەن وسىندا كەلىپ، ءبارىن ايتىپ بەرە الاسىڭ. قۇرمەتتى سۋديا، سوتقا لاقاپ اتپەن قاتىساتىن كەلەسى كۋالاردىڭ بارلىعىنا وسى باپتىڭ قاعيداسىن ءتۇسىندىرىپ وتىرۋىڭىزدى وتىنەمىن.
«قۋانىش» لاقاپ اتتى كۋا ءوزىنىڭ 16-جەلتوقسان كۇنى الاڭدا پاراحات جانە ايجان دۇيسەنبەۆتاردى كورگەندىگىن، ايجاننىڭ لاقاپ اتىن بىلەتىندىگىن ايتقان.
دۇيسەنباەۆ: قۋانىش، سەن مەنى قايدا كوردىڭ؟
قۋانىش: الاڭدا.
دۇيسەنباەۆ: مەن كىمنىڭ ار-ابىرويىن قورلادىم جانە كىمگە تاس لاقتىردىم؟
قۋانىش: الاڭدا، پوليتسەيلەرگە.
دۇيسەنباەۆ: مەن ءدال قاي جەردە تۇردىم؟
قۋانىش: فونتان جاعىنان.
دۇيسەنباەۆ: سەن مەنى قايدان بىلەسىڭ؟
قۋانىش: بىلەم، ءبىر قالادا تۇرامىز.
دۇيسەنباەۆ: مەنىڭ مەكەن-جايىمدى ايت.
قۋانىش: سەن 2-ءشى ىقشاماۋداندا، «سالتانات» جاعىندا تۇراسىڭ.
دۇيسەنباەۆ: سەن پروكۋرور باۋىرجانسىڭ عوي؟ بۇرىنعى پروكۋرور؟ شىق بەرى، وسىندا سويلە!
سۋديا: سۇراق قوي، پاراحات.
سوتتالۋشى وتكەلوۆ: پاراحات قاي مەكتەپتە وقىدى؟
قۋانىش: بىلمەيمىن.
سوتتالۋشى قويشىباەۆ: سەنىڭ سوزىڭشە، پاراحات سەن تۇرعان ساحناعا قاراي قاي ۋاقىتتا جۇگىردى؟
قۋانىش: الاڭدا.
قويشىباەۆ: ايجان قالاي كيىنگەن ەدى؟
قۋانىش: ەسىمدە جوق.
دۇيسەنباەۆ: سەن يۆس-تا بولدىڭ، سەنى ۇرىپ-سوقتى عوي. ىنىشەك، شىنىڭدى ايت - ساۋساقتارىڭا ينە تىقتى ما؟
قۋانىش: جوق.
زيادا وتەبەكوۆا: ايجاندى سۋرەتتە.
قۋانىش: كيىمى ەسىمدە جوق، بىراق مەن ونى ءبارىبىر تانىدىم.
زيادا: سەن ونى نەشەدە كوردىڭ؟
قۋانىش: تۇسكە دەيىن، 12:30-عا دەيىن.
ايجان: سەن نەگە ماعان كورسەتتىڭ؟ مەن ساعان، نەمەنە، ارامدىق جاسادىم با؟
قۋانىش: جوق.
ايجان: مەن 12:30-دا اۋرۋحانادا بولدىم عوي، سەن قۇدايدان قورقپايسىڭ با؟
قۋانىش: قورقام.
ايجان: مەنىڭ شاشىمنىڭ ءتۇسى قانداي؟ مەن ونى ءتورت جىل وزگەرتكەن جوقپىن.
قۋانىش: مەن سەنى شاشىڭنان ەمەس، ءوزىڭدى تانىدىم.
ادۆوكات: كورسەتۋلەرىڭدى نەگە اشىق بەرمەيسىز؟
قۋانىش: بۇل مەنىڭ مىندەتىم ء(سىرا، سۇراقتى تۇسىنبەسە، نە تۇسىنبەگەن ءتۇر كورسەتسە كەرەك)
ادۆوكات: ءسىز كورسەتۋلەر بەرۋگە قاشان باردىڭىز؟
قۋانىش: ەسىمدە جوق.
ادۆوكات: سىزگە فوتوگرافيالار كورسەتتى مە؟
قۋانىش: يا، وتە قاراۋىتقان، قارا دەرلىك.
ادۆوكات: كۋالار (پونياتويلار) بولدى ما؟
قۋانىش: بولدى.
ادۆوكات: سەنىڭ دۇيسەنباەۆتارعا جەكە جەككورىنىشىڭ بولدى ما؟
قۋانىش: جوق.
سوتتالۋشى اسپەنتاەۆ: «قۋانىش» لاقاپ اتىن سەن ءوزىڭ تاڭدادىڭ با؟
قۋانىش: يا.
اسپەنتاەۆ: نەگە سەن «ەشكىنىڭ قۇلاعى» لاقاپ اتىن تاڭدامادىڭ؟
سوتتالۋشى امانجولوۆ: قۋانىش، سەن ايەلدىڭ لاقاپ اتىن اشىپ بەرۋگە ۇيالمايسىڭ با؟ جالپى، اتىڭدى جاسىرىپ، ايەلگە كورسەتە بەرۋگە؟
قۋانىش: ۇنسىزدىك.
ودان سوڭ «ماقساتوۆ قايرات» لاقاپ اتتى كۋا سۇرالىپ، ول دا تەرگەۋدە بەرگەن كورسەتۋلەرىن قايتالاعان: «الاڭدا وتباسىممەن بولدىم... تاس لاقتىرعان ءبىر جىگىتتى كوردىم... 11-لەر شاماسىندا، تارتىپسىزدىكتەر باستالعان سوڭ، كەتىپ قالدىم... پوليتسياعا شاقىردى... فوتوگرافيالار كورسەتتى... فوتو بويىنشا تاس لاقتىرعان جىگىتتى تانىدىم... ول تەلەگەنوۆ باۋىرجان بولىپ شىقتى...»
پروكۋرور: ءوزىڭىز كورگەنىڭىزدىڭ ءبارىن ناقتى سۋرەتتەڭىز.
ماقساتوۆ: تەلەگەنوۆ ساحنا جانىندا تاس لاقتىردى.
پروكۋرور: ونىڭ قاسىندا كىم بولدى؟
ماقساتوۆ: قارا كيىم كيگەن ادامدار.
پروكۋرور: ءسىز تانىعان تەلەگەنوۆتىڭ كيىمى؟
ماقساتوۆ: ەسىمدە جوق.
پروكۋرور: جاس شاماسى؟
ماقساتوۆ: شامامەن 20-25.
ادۆوكات باتيەۆا: ءسىز الاڭنان نەشەدە كەتتىڭىز؟
ماقساتوۆ: شامامەن 12:00-دە.
باتيەۆا: ءسىز ساحنانىڭ قاي جاعىندا تۇردىڭىز؟
ماقساتوۆ: ورتاسىندا.
باتيەۆا: تاستى قاي جاققا لاقتىردى؟
ماقساتوۆ: شەپكە قاراي.
باتيەۆا: نەگە ناقتى تەلەگەنوۆ ءسىزدىڭ ەسىڭىزدە قالدى؟
ماقساتوۆ: ول بەلسەندى بولدى، ولاي-بىلاي جۇگىرىپ ءجۇردى.
باتيەۆا: ءسىزدى پروكۋراتۋراعا قاشان شاقىردى؟
ماقساتوۆ: ەسىمدە جوق.
باتيەۆا: قانداي فوتوگرافيالار كورسەتتى؟
ماقساتوۆ: 4 فوتوگرافيا.
باتيەۆا: تانۋ جۇرگەن كەزدە ءسىز تەك تەرگەۋشى ەكەۋىڭىز بولدىڭىز با؟
ماقساتوۆ: تاعى ەكى ادام بولدى، 30-35-تەردە، قازاقتار.
باتيەۆا: ەگەر ءسىز بۇرىن تەلەگەنوۆتى بىلمەسەڭىز، نە سەبەپتەن لاقاپ اتتىڭ ارتىنا جاسىرىناسىز؟
ماقساتوۆ: مەن جاڭاوزەندە تۇرامىن عوي، سولاي شەشتىم.
ادۆوكات سانسىزبايۇلى: ءسىز قاتەلەسۋىڭىز مۇمكىن دەپ ويلايسىز با؟
ماكساتوۆ: جوق، مەن قاتەلەسپەيمىن.
سۋديا: حاتشى، بۇگىنگە تاعى دا لاقاپ اتتى كۋالار قالدى ما؟
حاتشى: جوق.
ودان ءارى كۋا، پوليتسيا قىزمەتكەرى ورازوۆ ورىنباسار سۇرالىپ، ول 16-جەلتوقساندا الاڭدى قورشاۋدا بولعانىن، بەينەتاسپانى قاراعان كەزدە، قوعامدىق ءتارتىپ بۇزعانداردىڭ ءبىرىن تانىعانىن، ول اقجىگىتوۆ بولىپ شىققانىن، الاڭ ورتاسىندا تۇرعان مۇنايشىلاردىڭ قولدارىنان تاس، تاياق،شولمەكتەر كورمەگەنىن، مۇنداي زاتتاردىڭ كەيىن پايدا بولعانىن، بىرەۋ ونى ارقاسىنان يتەرگەنىن، بىراق ونىڭ ءدال كىم ەكەنى ەسىندە قالماعانىن ايتقان.
ادۆوكات سارسەمبينا: ءسىزدى قانشا رەت سۇرادى؟
ورازباەۆ: ەكى رەت.
سارسەمبينا: ءسىز «ءولتىر ولاردى!» دەگەن شاقىرۋلاردى ەستىدىم دەدىڭىز، مۇنى ايقايلاعان كىم، اقجىگىتوۆ پا؟
ورازباەۆ: جوق، مەن كىمنىڭ ايقايلاعانىن كورگەن جوقپىن.
ادۆوكات باتيەۆا: ساحنا سىزدەن قانداي قاشىقتىقتا بولدى؟
ورازباەۆ: جامامەن 20-30 مەتر.
ادۆوكات قوزىباعاروۆ: ءسىز كەتىپ بارا جاتقاندا اۆتوبۋس كاۆز جاندى ما؟
ورازباەۆ: جوق، تەك تەرەزەلەرى سىنىپ تۇردى.
سوتتالۋشى دۇيسەنباەۆ: ءسىز جاراقات الدىڭىز با؟
ورازباەۆ: جوق.
بۇدان سوڭ ادۆوكات الىبيەۆتىڭ ۇسىنىسىمەن قوسىمشا كۋا جايلىحانوۆ ەرلان شاقىرىلدى.
الىبيەۆ: ءسىزدى پوليتسيا 16-جەلتوقساننان كەيىن ۇستادى ما؟
جايلىحانوۆ: يا.
الىبيەۆ: ءسىز بۇعان دەيىن وسى سوتتا كورسەتۋلەر بەردىڭىز بە؟
جايلىحانوۆ: يا، بەردىم (تاڭدانعاننان سۋديانىڭ كوزىلدىرىگى ماڭدايىنا شىعىپ كەتكەن)
الىبيەۆ: قاشان كورسەتۋلەر بەرگەنىڭىزدى ايتىڭىز.
جايلىحانوۆ: كەشە، «ورازباەۆ الماز» لاقاپ اتىمەن.
الىبيەۆ: وسى ءىس بويىنشا قالاي كۋا بولعانىڭىزدى ايتىڭىز.
جايلىحانوۆ: مەنى 27-جەلتوقسان كۇنى پوليتسياعا الىپ كەتىپ، قورقىتتى، ۇرىپ-سوقتى («تالقان قىلدى»), بەردەنمەن (وسى ءىس بويىنشا كۋالاردىڭ ءبىرى) بەتتەستىردى. ول كۇنى تۇنگى ساعات 3-تە بوساتتى. مەن سول ءتۇنى سۋىق پەن قورقىنىشتان دىرىلدەپ، ءوز-وزىمە كەلە المادىم. تەرگەۋشىلەردەن سۇرادىم: «قازىر قايدا بارام؟ كومەندانت ساعاتى جاريالاندى عوي؟» - دەپ. ۇيگە جەتكەنشە تاعى دا سولداتتار ۇستاپ، جاۋىپ قويدى، ماسكا كيگەن ادامدار ۇرىپ-سوقتى. تاڭارتەڭ جىبەردى. ءبىر كۇننەن سوڭ تاعى دا ۇيدەن الىپ كەتىپ، الدەبىر ەكى قاعازعا قول قويعىزدى. كەيىن ءالسىن-ءالسىن الىپ كەتىپ، قول قويماسام، ولارعا كەرەگىن ىستەمەسەم جاۋىپ تاستايمىز دەپ قورقىتتى. مەن ءتىپتى ۇيدەن شىعۋعا قورقاتىن بولدىم.
الىبيەۆ: قاي جەردە ءسىز شىندىقتى ايتتىڭىز؟
جايلىحانوۆ: وسى جەردە جانە بۇگىن، كەشە مەن وتىرىك ايتتىم.
الىبيەۆ: ءسىز الاڭدا بولدىڭىز با؟
جايلىحانوۆ: جوق.
الىبيەۆ: تەرگەۋدە ايتقانىڭىزدىڭ ءبارىن ءسىز قايدان الدىڭىز؟
جايلىحانوۆ: مەنى ۇيرەتتى، ءدال سولاي ايت دەدى.
الىبيەۆ: ءسىزدى ۇرىپ-سوققان، سولاي سويلەۋگە ماجبۇرلەگەن ادامداردى تاني الاسىز با؟
جايلىحانوۆ: جوق، تاني المايمىن، وندا ءارتۇرلى ادامدار بولدى.
سۋديا: قايدا تۇراسىز؟
جايلىحانوۆ: راحات ىقشاماۋدانى، داچالاردا.
سۋديا: وتباسى بار ما؟
جايلىحانوۆ: يا، انام، ايەلىم جانە بالام، اكەم جوق.
ادۆوكات الىبيەۆ: پوليتسەيلەر تاراپىنان تاعى قانداي قورقىتۋلار بولدى؟
جايلىحانوۆ: باسىڭا تسەللوفان پاكەت كيگىزىپ، تۇنشىقتىرىپ ولتىرەمىز دەدى.
الىبيەۆ: ءسىز ەرمۇحانوۆتىڭ اناسىمەن بىرگە باس پروكۋرورعا حات جازدىڭىز با؟
جايلىحانوۆ: يا، جازدىم.
الىبيەۆ: مىنا حات ءسىزدىڭ قولىڭىزبەن جازىلعان با؟ (وقۋعا بەرگەن)
جايلىحانوۆ: يا، ءدال وسى.
الىبيەۆ: ءسىز سوتقا كەلگىڭىز كەلدى مە؟
جايلىحانوۆ: يا، كەلگىم كەلدى، مىنە، كەلدىم. وسىندا كەلە جاتقاندا وتە قورقتىم، جاسىرىنىپ كەلدىم، پوليتسەيلەر ۇنەمى مەنىڭ سوڭىمنان اڭدۋمەن ءجۇر.
الىبيەۆ: كەشە ءسىزدى پوليتسەيلەر الىپ كەلدى مە؟
جايلىحانوۆ: يا، ەسكەرتپەستەن جۇمىسقا كەلدى دە، بارىپ، ءبىر قاعازدارعا قول قويۋ كەرەك دەدى، تاعى دا قورقىتتى. وسىندا لاقاپ اتپەن كورسەتۋلەر بەرگەن سوڭ تاكسيگە وتىرعىزىپ جىبەردى، وزىمە ءوزىم تەك جاڭاوزەندە عانا كەلدىم (زالداعى ءبىر اجەي: «وي، سۇمدىق-اي!»).
الىبيەۆ: وسىندا ءوزىڭىز جالا جاپقاندارعا جەك كورىنىش بولدى ما؟
جايلىحانوۆ: جوق، پروكۋراتۋرادا فوتوگرافيالار كورسەتتى، فاميليالار مەن ەسىمدەردى اتادى. «سولارعا كورسەت» دەدى. ەرتاي ەرمۇقانوۆتى كوپتەن بىلەم، وعان جاقسى قارايمىن. قالعاندارىن بىلمەيمىن دەرلىك، مۇمكىن، ءبىر-ەكى رەت كورگەن شىعارمىن، ەسىمدەرىن فوتولاردى جايىپ سالعاندا عانا ءبىلدىم.
الىبيەۆ: تانۋ قايدا ءجۇردى؟
جايلىحانوۆ: قىىد-دە، مەنى ءبىر قاراڭعى جەرگە اپاردى.
الىبيەۆ: ءسىز ءوزىڭىزدى ماجبۇرلەدى دەپ ەسەپتەيسىز بە؟
جايلىحانوۆ: يا، سولاي ەسەپتەيمىن.
الىبيەۆ: پروكۋرورلار مەن پوليتسەيلەردىڭ ۇستىنەن شاعىم جازاسىز با؟
جايلىحانوۆ: جوق، مەنى تەك بوساتىپ جىبەرۋلەرىڭىزدى وتىنەم (جىلاپ جىبەرگەن).
ادۆوكات قوزىباعاروۆ: كەشە كورسەتۋلەر بەرگەن كەزدە بولمەدە جانىڭىزدا كىم بولدى؟
جايلىحانوۆ: الدەبىر قىز.
ادۆوكات سارسەمبينا: سوتتىڭ، ادىلەتتىلىكتىڭ، قۇقىقتىڭ بار ەكەندىگىنە كوزىڭىز جەتتى مە؟
جايلىحانوۆ: يا.
سارسەمبينا: ءسىز سوتتان ونىڭ ءسىزدىڭ قاۋىپسىزدىگىڭىزدى قامتاماسىز ەتۋىن وتىنەسىز بە؟
جايلىحانوۆ: يا، مەن وتە قورقامىن، ويتكەنى ماعان بىردەڭە قىستىرا سالۋى مۇمكىن عوي.
ادۆوكات باتيەۆا: سىزگە قانداي قاۋىپسىزدىك شارالارىن قولداندى جانە ۇسىندى؟
جايلىحانوۆ: كۇزەت ۇسىنعان، بىراق مەن باس تارتتىم.
سوتتالۋشى وتەبەكوۆ: ءىنىم، قورقپا. راحمەت ساعان. قۇرمەتتى سۋديا، ءبىز ءبارىمىز ونىڭ سوزدەرىنە كۋامىز، وتىنەم سىزدەن، ونى قۋدالاماڭىزدار جانە ونىڭ قاۋىپسىزدىگىن قامتاماسىز ەتىڭىزدەر.
ادۆوكاتتار الىبيەۆ، تاسقىنباەۆ، بيسەكەشەۆ كۋالار بوجەنكو مەن جايلىحانوۆتىڭ كورسەتۋلەرى نەگىزىندە «ورازباەۆ الماز» بەن «الپىسباەۆ كايراتتىڭ» كورسەتۋلەرىن ىستەن شىعارىپ تاستاۋ جونىندە تالاپ-تىلەك جاساعان. سونداي-اق، ولاردىڭ قاۋىپسىزدىگىن قامتاماسىز ەتۋدى وتىنگەن.
سۋديا پروتسەسس تارپتارىنىڭ پىكىرىن سۇراعان. سوتتالۋشىلار مەن ادۆوكاتتار تالاپ-تىلەكتى قولداعان، پروكۋرورلار اسىقپاۋعا كەڭەس بەرگەن، ويتكەنى «ورازباەۆ الماز» لاقاپ اتىمەن جاسىرىنعان ادامنىڭ ءدال جايلىحانوۆ ەكەندىگىنە سەنىمدى ەمەس ەكەندىكتەرىن ايتقان. لاقاپ اتتى ادامداردىڭ شىن اتى-جوندەرى بار كونۆەرتتى تاراپتار پىكىرتالاسىنان سوڭ اشقانشا كۇتە تۇرۋدى ۇسىنعان.
سۋديا: قر قپك-ءنىڭ 116-بابىن، جوعارعى سوتتىڭ قاۋلىسىن نازارعا الا وتىرىپ، حاتتى تەكسەرۋ ءۇشىن پروكۋراتۋراعا جولدايمىز. بىرجاقتى شەشىم قابىلداي المايمىن، سوندىقتان تالاپ-تىلەكتەردى اشىق قالدىرامىن.
ەكى قوسىمشا كۋانى سۇراعاننان سوڭ جابىرلەنۋشى تاراپ - حالىق بانكىسىنىڭ وكىلىن تىڭداعان. 12 ميلليون 680 مىڭ تەڭگە كولەمىندەگى شىعىندى جاريالاعان بانك ءوزىنىڭ تالاپتارىنان باس تارتپاعان.
سوت وتىرىسىنىڭ اياعىندا ادۆوكات بيسەكەشەۆ سۋديادان «الپىسباەۆ قايرات» لاقاپ اتتى كۋا، ال شىن مانىندە - الەكساندر بوجەنكو قاشان سۇرالادى دەپ سۇراعان. سۋديا: «ول كۋانىڭ ءدال مەكەن-جايى انىق ەمەس، قالاي انىقتالادى، سولاي شاقىرىلادى»، - دەپ جاۋاپ بەرگەن.
جاسارال قۋانىشالين،
حالىقارالىق «جاڭاوزەن-2011» كوميتەتىنىڭ
اقپاراتتىق توپ جەتەكشىسى.
الماتى قالاسى،
2012 جىلدىڭ 26-ءساۋىرى.
«اباي-اقپارات»
