بيىل كەلگەن قانداستاردىڭ جارتىسىنان استامى (76,9%) وزبەكستاننان، 10,7%-ى قحر-دان، 5,4%-ى تۇرىكمەنستاننان، 2,9%-ى موڭعوليادان جانە 4%-ى باسقا ەلدەن كەلگەن. ءبىر اتاپ وتەرلىگى، الدىڭعى كەزەڭدەرمەن سالىستىرعاندا بۇل جولى قىتايدان ورالعانداردىڭ ۇلەس سالماعى ەدەۋىر ازايعانى باايقالادى.

كەلگەندەر نەگىزىنەن الماتى (31%), تۇركىستان (15,8%), ماڭعىستاۋ (15,9%) جانە جامبىل (7,8%) وبلىستارى، سونىمەن بىرگە شىمكەنت قالاسىنا (11,4%) قونىستانعان.

1 مامىر كۇنگى اقپارات بويىنشا، قونىس اۋدارۋشىلاردىڭ 57%-ى – ەڭبەككە جارامدى، 24%-ى – ەڭبەككە قابىلەتتى جاستان كىشى ، 18 پايىزىن زەينەتكەرلەر قۇرايدى.

ەڭبەككە قابىلەتتى قانداستاردىڭ 11%-ىنىڭ جوعارى ءبىلىمى بار. 85 پايىنىڭ ورتا ءبىلىمى بار. 4%-ىنىڭ ءبىلىمى جوق.

ەلدە قانداس مارتەبەسى ءبىر جىلعا دەيىن جارامدى. 2020 جىلى مامىردا كوشi-قون ماسەلەلەرi بويىنشا كەيبiر زاڭ اكتiلەرiنە وزگەرiستەر مەن تولىقتىرۋلار ەنگiزىلىپ، بۇعان دەيىن "ورالمان" اتالىپ كەلگەن ەتنيكالىق قازاقتار "قانداس" دەپ اتالاتىن بولعان. بىراق ورالماندار بۇل وزگەرىستەر ازاماتتىق الۋ پروتسەدۋراسىن جەڭىلدەتپەدى دەپ سانايدى.

Abai.kz