باتىس قازاقستان وبلىسىنىڭ تاۋەلسىز باق باسشىلىعى تاعى دا اكىمشىلىك قۋداعالاۋعا ۇشىرادى.

سۋديا ب.ە.بايمۇحانوۆانىڭ توراعالىعىمەن وتكەن ورال قالالىق مامانداندىرىلعان اكىمشىلىك سوتىنىڭ قاۋلىسىمەن «جۇماداعى جۇزدەسۋ» گازەتىنىڭ باس رەداكتورى قاجىمۇقان عينۋارۇلى عابدوللا شىعىس مالىمەتتەرىن جاريالاۋ ءتارتىبىن بۇزعانى ءۇشىن قر اقتك 350-بابىنىڭ 1-تارماعى بويىنشا اكىمشىلىك جاۋاپكەرشىلىككە تارتىلدى. ونى ايىپپۇل تۇرىندەگى اكىمشىلىك جاۋاپكەرشىلىككە تارتۋ سەبەبى گازەتتىڭ سوڭعى نومىرلەرىنىڭ بىرىندە مەنشىك يەسى تۋرالى مالىمەتتىڭ بولماۋى ەدى. ياعني، بەلگىسىز سەبەپتەرمەن گازەتتىڭ ءبىر نومىرىنەن ءبىر ءسوز ءتۇسىپ قالعان. وسىدان از ۋاقىت بۇرىن «ۋرالسكايا نەدەليا» گازەتىنىڭ باسشىلىعىنا قاتىستى بولعان جايت دالمە-ءدال قايتالانىپ، وسى فاكتى بويىنشا شۇعىل تۇردە اكىمشىلىك ماتەريال راسىمدەلدى.
ورىن العان جاعداياتتىڭ قۇقىق بۇزۋدىڭ جالپى جانە جىكتەمەلى نىساندارى مەن ءىس-ارەكەتتىڭ وبەكتيۆتى جاعى تۇرعىسىنداعى قۇقىقتىق قىرىن ساراپتاماي-اق قويايىق، سەبەبى بۇل تۇرعىدان العاندا ءىس-ارەكەت بۇل جاعدايدا باس رەداكتوردىڭ زاڭ تالاپتارىن بۇزۋ ارقىلى جۇزەگە اسىرعان زاڭعا قايشى ارەكەتتەرىنەن نەمەسە ءتيىستى ارەكەت جاساماۋىنان كورىنۋى ءتيىس ەدى.
اكىمشىلىك زاڭنامانىڭ نەگىزگى قاعيدالارىنا جۇگىنەيىك.

باتىس قازاقستان وبلىسىنىڭ تاۋەلسىز باق باسشىلىعى تاعى دا اكىمشىلىك قۋداعالاۋعا ۇشىرادى.

سۋديا ب.ە.بايمۇحانوۆانىڭ توراعالىعىمەن وتكەن ورال قالالىق مامانداندىرىلعان اكىمشىلىك سوتىنىڭ قاۋلىسىمەن «جۇماداعى جۇزدەسۋ» گازەتىنىڭ باس رەداكتورى قاجىمۇقان عينۋارۇلى عابدوللا شىعىس مالىمەتتەرىن جاريالاۋ ءتارتىبىن بۇزعانى ءۇشىن قر اقتك 350-بابىنىڭ 1-تارماعى بويىنشا اكىمشىلىك جاۋاپكەرشىلىككە تارتىلدى. ونى ايىپپۇل تۇرىندەگى اكىمشىلىك جاۋاپكەرشىلىككە تارتۋ سەبەبى گازەتتىڭ سوڭعى نومىرلەرىنىڭ بىرىندە مەنشىك يەسى تۋرالى مالىمەتتىڭ بولماۋى ەدى. ياعني، بەلگىسىز سەبەپتەرمەن گازەتتىڭ ءبىر نومىرىنەن ءبىر ءسوز ءتۇسىپ قالعان. وسىدان از ۋاقىت بۇرىن «ۋرالسكايا نەدەليا» گازەتىنىڭ باسشىلىعىنا قاتىستى بولعان جايت دالمە-ءدال قايتالانىپ، وسى فاكتى بويىنشا شۇعىل تۇردە اكىمشىلىك ماتەريال راسىمدەلدى.
ورىن العان جاعداياتتىڭ قۇقىق بۇزۋدىڭ جالپى جانە جىكتەمەلى نىساندارى مەن ءىس-ارەكەتتىڭ وبەكتيۆتى جاعى تۇرعىسىنداعى قۇقىقتىق قىرىن ساراپتاماي-اق قويايىق، سەبەبى بۇل تۇرعىدان العاندا ءىس-ارەكەت بۇل جاعدايدا باس رەداكتوردىڭ زاڭ تالاپتارىن بۇزۋ ارقىلى جۇزەگە اسىرعان زاڭعا قايشى ارەكەتتەرىنەن نەمەسە ءتيىستى ارەكەت جاساماۋىنان كورىنۋى ءتيىس ەدى.
اكىمشىلىك زاڭنامانىڭ نەگىزگى قاعيدالارىنا جۇگىنەيىك.
قر اقتك 68-بابىنا سايكەس، اكىمشىلىك قۇقىق بۇزۋشىلىق سالدارىنان كەلتىرىلگەن زيان مولشەرى شاعىن بولعان جاعدايدا، سوت اكىمشىلىك قۇقىق بۇزۋشىلىق جاساعان تۇلعاعا اۋىزشا ەسكەرتۋ ايتۋمەن شەكتەلىپ، ونى اكىمشىلىك جاۋاپكەرشىلىكتەن بوساتا الادى. بۇل جەردەگى اكىمشىلىك قۇقىق بۇزۋشىلىق مولشەرىنىڭ شاعىندىعى دەگەنىمىز - بۇل وزگە جاعدايلارمەن قاتار اكىمشىلىك كودەكستىڭ ەرەكشە ءبولىمىنىڭ بابىمەن كوزدەلگەن سانكتسيانىڭ اكىمشىلىك قۇقىق بۇزۋشىلىقتان كەلتىرىلگەن زيان مولشەرىنەن ارتىق بولۋ جاعدايىن ەسكەرۋ.
وسىلايشا، گازەتتىڭ تەك ءبىر نومىرىندەگى ونىڭ مەنشىك يەسى تۋرالى مالىمەتتىڭ جوقتىعى مەملەكەتكە قانداي دا ءبىر زيان كەلتىرۋگە سەبەپكەر بولماعانىمەن قاتار ەشقانداي قوعامدىق قاۋىپ تۋدىرمايدى.
وندا «جۇماداعى جۇزدەسۋ» گازەتىنىڭ باس رەداكتورى نەگە اكىمشىلىك جاۋاپكەرشىلىكتەن بوساتىلمادى جانە قازىرگى قىلمىس پەن سىبايلاس جەمقورلىقتىڭ وركەن جايۋى جاعدايىندا قۇقىق قورعاۋ جۇيەسىنىڭ كۇش قولدانۋ قىزمەتىنىڭ تاۋەلسىز گازەتتەرگە باعىتتالۋىنىڭ سەبەبى نەدە؟
ونىڭ ۇستىنە، ءار ارەكەت پەن وقيعانىڭ قۇقىقتىق قىرىمەن قاتار مورالدىك-ادامگەرشىلىك جاعى دا بار. بۇل تۇرعىدان العاندا، شىعارماشىلىق سالاسىنداعى ادامنىڭ قاتەسى ءۇشىن ءوز جۇمىسىندا «جاقسى» باعا العان مەملەكەتتىك ورگاندار پوزيتسياسىنان گورى، قۇقىق بۇزۋشىلىقتىڭ فورمالدى ەكەندىگىنە نۇسقاپ، اكىمشىلىك جاۋاپكەرشىلىكتەن بوساتۋدى سۇراماي، ءوزى باسقارىپ وتىرعان گازەتتەگى قاتەلىك ءۇشىن جاۋاپكەرشىلىكتى ءوز موينىنا قايمىقپاي العان باس رەداكتور قاجىمۇقان عابدوللانىڭ پوزيتسياسى قۇرمەت سەزىمىن كوبىرەك تۋعىزادى.
ارىپتەستەرىمنىڭ پىكىرىنشە، قازىرگى كەزدەگى قۇقىق قورعاۋ جۇيەسىنىڭ ءوز كۇشىن تاۋەلسىز بۇقارالىق اقپارات قۇرالدارىنا باعىتتاۋى ولاردىڭ جاڭاوزەن وقيعالارى مەن سولارعا قاتىستى سوت ۇدەرىسىن جاريالاۋىنا بايلانىستى بولىپ وتىر. بۇدان شىعاتىن ءتۇيىن - ءبىزدىڭ ومىرىمىزدەگى قوعامدىق ماڭىزى بار وقيعالاردى وبەكتيۆتى جاريالاۋ ءالى دە تاۋەلسىز بۇقارالىق اقپارات قۇرالدارىنىڭ شىعارماشىلىق ۇجىمدارىنان ازاماتتىق بەرىكتىك پەن شىدامدىلىقتى تالاپ ەتەدى.

باۋىرجان شامبۋلوۆ،
زاڭگەر
ورال قالاسى
«اباي-اقپارت»