قازاقستان پرەزيدەنتى قاسىم-جومارت توقاەۆ بانكتىك، ميكروقارجىلىق جانە كوللەكتورلىق قىزمەتتى رەتتەۋ تۋرالى زاڭعا قول قويدى. بۇل تۋرالى Tengrinews.kz مالىمدەدى.

زاڭ كوللەكتورلىق اگەنتتىكتەرگە بورىشكەرمەن كەز كەلگەن بايلانىس پروتسەسىنىڭ بەينە جانە اۋديو جازبالارىن جاساۋدى مىندەتتەيدى. زاڭ شىعارۋشىلاردىڭ پىكىرىنشە، بۇل نورما كوللەكتورلار تاراپىنان دورەكى قارىم-قاتىناستى نەمەسە زاڭنامانى بۇزۋدى بولدىرماۋعا مۇمكىندىك بەرەدى.

بۇدان باسقا، كوللەكتورلىق اگەنتتىكتە تىركەلمەگەن تەلەفون نومىرلەرىنەن بورىشكەرمەن ءوزارا ءىس-قيمىل جاساۋعا تىيىم سالىنادى.

كوللەكتورلىق اگەنتتىكتەر ءۇشىن ولاردىڭ جارعىلىق كاپيتالىنىڭ ەڭ تومەنگى مولشەرىنە قويىلاتىن تالاپتار دا كوزدەلگەن.

نەگىزگى جاڭالىقتاردىڭ ءبىرى - نەسيە تاريحىن ساقتاۋ مەرزىمىن 10 جىلدان بەس جىلعا دەيىن قىسقارتۋ بولىپ تابىلادى.

پارلامەنت بۇل زاڭدى 2021 جىلدىڭ ءساۋىر ايىنىڭ سوڭىندا قابىلداعان بولاتىن.

Abai.kz