قازاقستان پرەزيدەنتى قاسىم-جومارت توقاەۆ «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا وزگەرىستەر مەن تولىقتىرۋلارعا قول قويدى. زاڭناماعا ەنگىزىلگەن تۇزەتۋلەر ساياسي پارتيالاردىڭ پارلامەنتكە كىرۋ شەگىن 7% -دان 5% -عا دەيىن تومەندەتۋدى كوزدەيدى. بۇل تۋرالى 25 مامىردا قازاقستان پرەزيدەنتىنىڭ ءباسپاسوز قىزمەتى حابارلادى.

تۇزەتۋلەرگە سايكەس، زاڭ ماجىلىسكە سايلاۋعا ساياسي پارتيالاردىڭ ءوتۋ شەگىن داۋىس بەرۋگە قاتىسقان سايلاۋشىلار سانىنىڭ 7% -دان 5% -عا دەيىن ازايتۋ نورمالارىن ەنگىزدى. سونداي-اق بارلىق دەڭگەيدەگى بيۋللەتەندەردىڭ نىساندارىنا «بارىنە قارسى» باعانىن ەنگىزۋ كوزدەلەدى.

سونىمەن قاتار، اۋداندىق ماڭىزى بار قالالاردىڭ، اۋىلداردىڭ، كەنتتەردىڭ جانە اۋىلدىق وكرۋگتەردىڭ اكىمدەرىن تىكەلەي سايلاۋدى ەنگىزۋ تۋرالى وزگەرىستەر ەنگىزىلۋدە. سايلاۋعا ۇمىتكەرلەر وزدەرىن دەربەس ۇسىنا الادى نەمەسە ساياسي پارتيادان ۇمىتكەر بولا الادى. بيىل اتالمىش زاڭعا سايكەس ەلىمىزدە العاش رەت 800-دەن استام اۋىل اكىمىن سايلاۋ ىسكە اسپاق.

Abai.kz