2020 جىلى قازاقستان مەن ارمەنيا اراسىنداعى تاۋار اينالىمى 2019 جىلمەن سالىستىرعاندا 30% -عا ارتقان. بۇل تۋرالى Kazakh Invest ۇلتتىق كومپانياسى حابارلادى.

«2020 جىلى قازاقستان مەن ارمەنيا اراسىنداعى تاۋار اينالىمى 15 ملن دوللاردى قۇرادى، بۇل الدىڭعى جىلمەن سالىستىرعاندا (11,5 ملن دوللار) 30% -دان جوعارى. قازاقستاننان ارمەنياعا ەكسپورت 2020 جىلى 66%-عا ءوسىپ، 7,3 ملن دوللاردى قۇراعان»، - دەلىنگەن حابارلامادا.

سوڭعى 15 جىل ىشىندە ارمەنيا ەكونوميكاسىنا قازاقستاننىڭ تىكەلەي ينۆەستيتسيالارىنىڭ كولەمى 56,2 ميلليون دوللاردى قۇراسا، ال ارمەنيا قازاقستانعا 1,2 ميلليون دوللار ينۆەستيتسيا قۇيعان.

25 مامىردا، قازاقستان-ارمەنيا بيزنەس فورۋمى بەينەكونفەرەنتسيا ارقىلى ءوتتى. وعان جول قۇرىلىسى، جىلۋ جەلىلەرىن جاڭارتۋ، قالالىق كولىك ينفراقۇرىلىمىن جاڭارتۋ، سونداي-اق تاماق ونەركاسىبىندە جۇمىس جاسايتىن كاسىپكەرلەر قاتىسقان. ءىس-شارا بارىسىندا ەكى رەسپۋبليكانىڭ شەنەۋنىكتەرى ءوز ەلدەرىنىڭ ىسكەرلىك احۋالىن جوعارى باعالاپ، الەۋەتتى ينۆەستورلاردى شاقىردى.

Abai.kz