قازاقستاندا ءبىرىنشى توقساننىڭ قورىتىندىسى بويىنشا 36 مىڭ ادام قايتىس بولعان. بۇل ءبىر جىل بۇرىنعى وسى كەزەڭمەن سالىستىرعاننان 16% ارتىق.

ءولىم تۋرالى دەرەكتەر، ءاردايىم قازاقستان رەسپۋبليكاسى دەنساۋلىق ساقتاۋ مينيسترلىگى ۇسىنعان ستاتيستيكادان ءسال وزگەشە كورىنىس بەرەدى. Energyprom.kz ساراپشىلارى بۇل تۋرالى وتكەن جىلى جازىپ تا ۇلگەرگەن، ال بيىل جاعداي ازداپ وزگەردى. ماسەلەن، 2021 جىلدىڭ ءبىرىنشى توقسانىندا ەلدە 36,1 مىڭ قازاقستاندىق قايتىس بولعان. بۇل وتكەن جىلدىڭ ءبىرىنشى توقسانىمەن سالىستىرعاندا 15,8%-عا كوپ. 1000 ادامعا شاققانداعى ءولىم كوەففيتسيەنتى ءبىر جىل بۇرىن 6,7-گە بولسا، قازىر ول 7,71 قۇرايدى.

ءولىم سانى بويىنشا ءبىرىنشى ورىندا شىعىس قازاقستان وبلىسى تۇر. ارتىنشا الماتى جانە قاراعاندى وبلىستارى تىركەلگەن.

Abai.kz