بەلارۋس وپپوزيتسيونەرى ۆالەري تسەپكالو ەلدىڭ قاۋىپسىزدىك قىزمەتكەرلەرىنە پرەزيدەنت الەكساندر لۋكاشەنكو قاماۋعا الىنسا 11 ميلليون ەۋرو تولەۋگە ۋادە بەردى. بۇل تۋرالى تسەپكالو YouTube-تاعى ۆيدەو-حابارلاماسىندا مالىمدەدى.

ول «ءبىرىنشى ءنومىرلى قىلمىسكەردى» ۇستاعانى ءۇشىن سىياقى اۋدارۋعا مۇمكىندىك بەرەتىن ارنايى تەحنولوگيا جاسالعانىن ايتتى. ياعني، لۋكاشەنكو ۇستالعاننان كەيىن عانا ارنايى شوتقا اقشا (11 ميلليون ەۋرو) تۇسەدى.

تسەپكالو جوسپارلارىنىڭ ءساتتى بولاتىنىنا سەنەتىنىن ايتقان.

«مەن بەلارۋستىڭ مەملەكەتتىك جۇيەسىنە كوپتەگەن لايىقتى، ءپرينتسيپتى  ادامدار بار ەكەنىنە سەنىمدىمىن، ولار ءۇشىن حالىققا قىزمەت ەتۋ، زاڭعا قىزمەت ەتۋ بوس ءسوز ەمەس»، - دەدى ول.

جوعارى تەحنولوگيالار پاركىنىڭ نەگىزىن قالاۋشى ۆالەري تسەپكالو بەلورۋسيادا 2020 جىلى وتكەن پرەزيدەنتتىك سايلاۋعا قاتىسقىسى كەلگەن. الايدا، تىركەلمەگەن. ارتىنشا وزىنە قارسى تەرگەۋ باستالعان سوڭ ەلدەن كەتىپ قالعان.

بەلارۋس پرەزيدەنتى لۋكاشەنكو جاڭا سانكتسيالار مەن وركەنيەتتى الەمنەن وقشاۋلانۋ قاۋپىنە قاراماستان، ءوز ەلىنىڭ ىشىندەگى «بۇراندالاردى قاتايتۋدى» جالعاستىرىپ جاتىر.

جۋرناليست رومان پروتاسەۆيچ وتىرعان ۇشاقتى ماجبۇرلەپ قوندىرعاننان كەيىن، ونىڭ باسقا ارىپتەستەرىنە دە قاتىستى سوت باستالدى. ال، بەلارۋس ازاماتتارى ءوز بيلىگىن نىعايتۋ ءۇشىن لۋكاشەنكو ەڭ قاتاڭ شارالاردى قابىلداۋعا دايىن ەكەنىنە كوزدەرى جەتكەن.

وسىعان قاراپ  بەلارۋس پرەزيدەنتتىك رەجيمىنە قارسى جاپپاي نارازىلىقتار قايتا جالعاسپايدى دەۋگە نەگىز بار دەيدى ساراپشىلار. .سونداي-اق ولار ەكى نەگىزگى سەبەپتى اتايدى: 1. لۋكاشەنكو ەلدەگى بيلىكتى ساقتاپ قالۋعا كومەكتەسەتىن كۇش بلوگىن كۇشەيتتى; 2. نارازىلىقتاردىڭ بەلسەندى كەزەڭى 2020 جىلى بولدى، بىراق بەلورۋستار ناتيجە شىقپاعان سوڭ پسيحولوگيالىق تۇرعىدان  شارشادى، -دەيدى.

كەرىمسال جۇباتقانوۆ

Abai.kz