رەسەيدىڭ تاعى ءبىر ساياساتكەرى، رەسەيدەگى «سۋت ۆرەمەني» دەيتىن قوزعالىستى قۇرۋشى ءھام ونىڭ ليدەرى سەرگەي كۋرگينيان دەيتىن ادام قازاقستاننىڭ تەرريتورياسىنا سۇقتانا سويلەپ، «سەمەيدى سالعان – پاتشا اعزام»، دەپ مالىمدەمە جاساپتى.

قايدا، قاشان؟ 26 مامىردا. ۆلاديمير سولوۆەۆ دەيتىن كرەملدىڭ باس «باقىلداۋىعىنىڭ» باعدارلاماسىندا.

اۋەلى: «وسى جەردە مەن ەرەكشە قۇرمەتتەيتىن ەگەمەندىك تۋرالى ءسوز تۋادى. مەن بەلارۋس پەن قازاقستاننىڭ تاۋەلسىزدىگىن شەكسىز قۇرمەتتەيمىن. مەن تەك قانا «سەمەي قالاسىن كىم سالدى»، دەپ سۇراعىم كەلەدى. شىنايى جاۋاپ ايتا الاسىزدار ما؟ سەمەي قالاسىن كىم سالدى؟ ونى ۇلى پەتر پاتشا اعزام سالدىردى. ونى ءوزىنىڭ جارلىعىمەن سالدىردى. ول: «بارىڭدار، التىن ىزدەڭدەر جانە قالا سالىڭدار»، - دەپ بۇيىردى. بۇل تۋرالى بۇگىنگى سەمەي مۇراجايلارىندا بار ما؟ بۇل تاريحي فاكتى عوي»، - دەپ ويىن ءبىر تۇيىندەيدى كۋرگينيان.

ءارى قاراي: «سونان سوڭ، قىتاي «باۋىرلار» قازاقستاننىڭ جانە ورتالىق ازيانىڭ تاۋەلسىزدىگىنە قالاي قارايتىن بولادى؟ باۋىرلاس دەيتىن تاجىكستاندى قوسقاندا، بۇل مەملەكەتتەر ەرتەڭ ءوز تاۋەلسىزدىكتەرىن قالاي قورعاماق؟ تالىپتەر اقش-پەن ەسەپ ايىرىلىسىپ بولعان سوڭ قالاي بولماق، قالاي ءوز تاۋەلسىزدىكتەرىن قورعاماق؟»، - دەپتى.

تاقىرىپقا تۇزدىق

سوڭعى ءبىر جىل ىشىندە رەسەيلىك ساياساتكەرلەر تاراپىنان پوستكەڭەستىك ەلدەرگە قاتىستى ءتۇرلى ارانداتۋشىلىق سوزدەر ايتىلۋى جيىلەپ كەتتى. ونىڭ ىشىندە اۋماقتىق تۇتاستىققا كۇمان كەلتىرۋ مەن «سىيعا تارتىلعان جەر» جايىندا كوپ ايتىلۋدا. اسىرەسە قازاقستانعا قاراتا ايتقان ارانداتۋشىلىق سيپاتتاعى ۇندەۋلەردىڭ قاتارى ارتتى.  بۇل ەكونوميكالىق وداقتا، اسكەري ۇيىمدا بىرگە كەلە جاتقان، ءوزارا دوستىق كەلىسىمىنە قول قويعان قازاقستان مەن رەسەيدىڭ اراسىن الىستاتپاسا، جاقىنداتپاسى انىق.

رەسەيلىك شەندىلەردىڭ تەرريتوريالىق «داۋ ىزدەگەن» مالىمدەمەلەرىنىڭ ءبىرسىپىراسى، مىنەكەي:

پۋتين، نيكونوۆ، فەدوروۆ، مەدينسكي: رەسەيدىڭ كوزدەگەنى نە؟

ءپۋتيننىڭ تاعى ءبىر «دەپۋتاتى» قازاق جەرىنە شۇيلىكتى

ەندى ءپۋتيننىڭ كومەكشىسى قازاق جەرىنە شۇيلىكتى

«قازاقستان ءۇشىن تالاس ءجۇرىپ جاتىر»

رەسەي دەپۋتاتى: قازاقستاندى بىزدەن اجىراتىپ الماق

مولوتوۆتىڭ نەمەرەسى «سوعىس» تىلەپ وتىر ما؟..

Abai.kz