قازاقستاندا ۇبت باستالدى. بۇل مەكتەپ ءبىتىرۋشى تۇلەكتەر ءۇشىن ەڭ باستى سىناق. ولاردىڭ قاينداي وقۋعا تۇسەتىنى دە وسى سىناقتا انىقتالماق. قازىرگى ۋاقىتتا 224 تۇلەك ۇبت-عا وتە الماما، تاعى 563-ءنىڭ ناتيجەلەرى جويىلعان. بۇل قازاقستانداعى ۇبت-نىڭ ارالىق ناتيجەلەرى بولىپ تابىلادى. 

"بۇگىنگى تاڭدا 51 تەستىلەۋ پۋنكتىندە 123 مىڭنان استام تالاپكەر ۇبت تاپسىردى. ونىڭ ىشىندە 92458 تۇلەك قازاق تىلىندە، 30967 - ورىس تىلىندە، 263 - اعىلشىن تىلىندە تەستىلەۋدەن ءوتتى. ماكسيمالدى بالل - 140. سونىمەن بىرگە 224 تۇلەك اۋديتورياعا تىيىم سالىنعان زاتتاردى كىرگىزبەك بولعانى ءۇشىن ۇبت تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن 563 ادام اۋديتوريالاردان شىعارىلدى، ولاردىڭ ناتيجەلەرى جويىلدى", - دەپ حابارلادى قازاقستان رەسپۋبليكاسى ءبىلىم جانە عىلىم مينيسترلىگىنىڭ ءباسپاسوز قىزمەتى.

بيىل تەستىلەۋدى باقىلاۋ كۇشەيتىلگەن. ال تەمپەراتۋراسى جوعارى تۇلەكتەرگە وزگە كۇندەرى تاپسىرۋعا جاعداي جاسالعان.

Abai.kz