اقش پرەزيدەنتى دجو بايدەن 16 ماۋسىمدا جەنەۆادا رەسەي پرەزيدەنتى ۆلاديمير پۋتينمەن كەزدەسۋ كەزىندە ادام قۇقىقتارى مءاسەلەسىن كءوتەرەتىنىن ايتتى. ول بۇل مءاسەلەدە اقش پەن باتىستىڭ ءوزگە ەلدەرىنىڭ ورتاق ۇستانىمىن جەتكىزەتىنىن مءالىمدەگەن.

بايدەننىڭ بۇل ايتقاندارىن Washington Post گازەتى جاريالادى.

بايدەننىڭ ەۋروپاعا ساپارى پرەزيدەنت رەتىندە ءبىرىنشى بولعالى تۇر. ول ساپارى بارىسىندا ءبىرىنشى كەزەكتە وداقتاستارى "ۇلكەن جەتىلىك", ناتو جانە ەۋرووداق ليدەرلەرىمەن كەزدەسپەك.

اقش پرەزيدەنتى ساپارىمنىڭ ماقساتى "امەريكانىڭ وداقتاستارى مەن ارىپتەستەرىنە ادالدىعىن دالەلدەپ، قازىرگى داۋىرگە ءتونىپ تۇرعان قاتەردى تەك دەموكراتيالىق تۇرعىدان جەڭۋگە بولاتىنىن كورسەتۋ" دەگەن.

بايدەننىڭ سوزىنشە، الدىمەن وداقتاستارى، ارىپتەستەرىمەن باس قوسقاننان كەيىن بارىپ، رەسەي پرەزيدەنتىمەن جەنەۆادا كەزدەسپەك.

اقش پرەزيدەنتى رەسەيدەن كيكىلجىڭ ەمەس، تۇراقتى قارىم-قاتىناس ىزدەيتىنىن اتاپ ءوتتى. بىراق ماسكەۋگە "زياندى ءىس-ارەكەتتەرى ءۇشىن" جاۋاپكەرشىلىك جۇكتەيتىنىن دە جوققا شىعارمادى.

ء"بىز كەزدەسكەن كەزدە، مەن اقش، ەۋروپا ەلدەرى ءۇشىن دەموكراتيا مەن ادام قۇقىقتارى ماسەلەسى ماڭىزدى ەكەنىن تاعى ەسكە سالامىن", - دەگەن بايدەن.

جەنەۆاداعى كەزدەسۋ اقش پرەزيدەنتىنىڭ باستاماسىمەن ۇيىمداستىرىلىپ وتىر. بۇل ۇسىنىسقا باستاپقىدا كرەمل ۇزاق جاۋاپ بەرمەدى، كەيىننەن كەلىستى.

بايدەن اكىمشىلىگى جاقىندا رەسەيگە سايلاۋعا ارالاستى، ۋكراينا تۇتاستىعىنا قول سالدى، وپپوزيتسيونەر الەكسەي ناۆالنىيدى قۋعىندادى دەگەن سەبەپتەرمەن تاعى دا سانكتسيا سالعان.

Abai.kz