جوگوركۋ كەڭەش دەپۋتاتى تاابالدى تيللاەۆ ءۇكىمەتتى قازاقستانمەن شەكاراداعى ءوتكىزۋ بەكەتتەرىندە جءۇك تاسىمالداۋشىلاردىڭ ۇزىن-سونار كەزەگىن شەشۋدى سۇرادى. ونىڭ سءوزىنشە, قازاق جاعى شەكارادان ءوتۋ ءۇءشىن اقشا تالاپ ەتەدى.

"قازاقستان ارقىلى ترانزيتكە بايلانىستى ماعان جۇك تاسۋشىلار حابارلاستى. ولار كورشىلەر اي سايىن ءبىر جۇك كولىگى ءۇشىن 4-5 مىڭ دوللار تالاپ ەتىپ جاتقانىن ايتادى. مەن ەاەو اياسىندا كەزدەسۋ وتكىزۋدى سۇرايمىن. سىزدەر قازىر "دوردوي", "قارا-سۋ" بازارىنداعى جاعدايدى جاقسى بىلەسىڭدەر", - دەدى تيللاەۆ 10 ماۋسىمدا وتكەن پارلامەنت وتىرىسىندا.

مامىر ايىنىڭ سوڭىندا "اقتىلەك" وتكىزۋ بەكەتى ارقىلى قازاقستانعا ءوتۋ ءۇشىن 80-90 كولىك كەزەكتە تۇرعانى كۇندەر بولعان. شەكارا قىزمەتى مۇنداي ۇزىن-سونار كەزەك ەكونوميكالىق قاتىناس جاندانىپ، جۇك كولىگى تاسىمالى كوبەيگەنىمەن بايلانىستىرعان.

قازاقستان ارقىلى جۇك تاسۋشىلار ماسەلەسى 3 ماۋسىمدا قىرعىز ۇكىمەتىنىڭ باسشىسى ۋلۋكبەك ماريپوۆتىڭ قىرعىزستانداعى قازاق ەلشىسى راپيل جوشىباەۆپەن كەزدەسۋى كەزىندە تالقىلانعان.

Abai.kz