1. پۋتين ادەتتەگىدەي ادەيى كەشىگىپ جۇرمەس ءۇشىن پروتوكول وندايدى بولدىرمايتىنداي ەتىپ جاساقتالعان. كەزدەسۋ تۇسكى اس مەزگىلىندە وتەدى. الدىمەن سارايعا پۋتين كەلەدى، ونى شۆەيتساريا پرەزيدەنتى قارسى الادى. پۋتين كەلگەننەن كەيىن سيگنال بەرىلىپ، بايدەن كەلەدى، ونى دا شۆەيتساريا پرەزيدەنتى قارسى الادى. كىشكەنە فوتوسەسسيا بولادى.

2. كەزدەسۋ بايدەن-بلينكەن، پۋتين-لاۆروۆ فورماتىندا وتەدى، ارتىنان كەڭەيتىلگەن وتىرىس بولادى. الدىن-الا ايتقاندا بارلىق كەزدەسۋ ۋاقىتى 3,5 ساعاتقا سوزىلدى. تورتەۋىنىڭ كەزدەسۋى 1,5 ساعات بولدى. ماسكەۋدەن شۋلاپ الدىن-الا جازعانىنداي 5-6 ساعاتقا سوزىلعان جوق. ءپۋتيننىڭ مىلجىڭىن تىڭداپ باسىن قاتىرىپ قايتسىن-اي، وتىرا ما سونىڭ وتىرىك ەرتەگىسىن تىڭداپ.

3. جەكە كەزدەسۋ قاراستىرىلماعان. حەلسينكيدەگىدەي تەك ورىسشا اۋدارماشىمەن پۋتين-ترامپ جەكە كەزدەسۋى بولمايدى. ياعني، بايدەندە ءبارى اشىق، امىريكا قوعامىنان ەشتەڭە دە جاسىرىلمايدى، ترامپ كەزىندەگىدەي ساتقىندىق بولمايدى.

4. بىرلەسكەن كونفەرەنتسيا بولمايدى. بايدەن سولاي دەپ شەشكەن. دۇرىس قوي، ءپۋتيننىڭ مىلجىڭىن تىڭداپ قايتەدى؟ ونىمەن بىرگە تۇرۋدىڭ ءوزى ۇيات قوي. ەسەسىنە كەيىن، پۋتين سويلەپ بولعان سوڭ ونىڭ وتىرىكتەرىن شىعارىپ، ءوزى كوممەنتاري بەرۋگە جاقسى.

5. سونىمەن، ءپۋتيننىڭ ۇشاعى كەزدەسۋگە جارتى ساعات قالعاندا كەلىپ قوندى. قورىققاندىعى سونداي، ونى كۇتىپ الۋدان پۋتين ءوزى باس تارتقان. تراپتان تۇسەردە وق وتكىزبەيتىن اينەكپەن قاپتالعان تراپپەن ءتۇسىپ، بىردەن وزىمەن بىرگە الىپ كەلگەن ليمۋزينىنە كىرىپ كەتكەن.

6. بايدەن كەلگەننەن كەيىن ۇشەۋى فوتوعا ءتۇستى. ورتادا شۆەيتساريا پرەزيدەنتى. ەندى پروتوكول بويىنشا قول الىسۋلارى كەرەك. بايدەن ورنىنان قوزعالعان جوق. پۋتين امالسىز وعان قاراي بىرنەشە قادام جاساپ بايدەننىڭ قولىن الۋعا تىرىستى.

7. كەلىسسوز باستالدى. بايدەن اياعىن اياعىنىڭ ۇستىنە قويىپ بارين سياقتى وتىر. پۋتين اياعىن قوزعالاقتاتىپ، قولى تىنىم تاپپاي، ەكى كوزى جان-جاققا الاقتاپ، ءوزىن وتە ىڭعايسىز سەزىنىپ وتىرعانى بايقالادى.

8. كەلىسسوز بارىسىندا بايدەن پۋتينگە ايتارىن ايتىپ سالدى. الەمدى ىقپال ەتۋ ايماعىنا ءبولۋ دەگەندى مۇلدەم ۇمىت دەدى. كەزىندە ترامپ بەرگەن بۇرىنعى ەكس-سسسر اۋماعى رف مۇددەسى ءۇشىن كەرەك دەگەندى ەندى پۋتين ۇمىتۋى كەرەك. سونداي-اق رف اقش ساياساتى مەن ينفراسترۋكتۋراسىنا ارالاسپايتىن بولسىن! بۇل "قىزىل سىزىق". بۇدان ءوتىپ كەتسەڭ - باعاسى دا سوعان سايكەس بولادى.

سونىمەن، ءپۋتيننىڭ پرەسس-كونفەرەنتسياسىن تىڭدادىق. بۇرىنعى ءان. ەش جاڭالىق جوق.
• ديپلوماتتاردى كەيىن قايتاراتىن بولدىق. قاشان؟ ول ازىرگە بەلگىسىز.
• ۋكراينا ناتو-عا كىرگىسى كەلەدى، سونى تالقىلادىق.
• دونباسستاعى جاعدايدى مينسك كەلىسىمىنە سايكەس رەتتەيمىز.
• ۋكراينادا مەملەكەتتىك توڭكەرىس بولدى.
• ناۆالنىيدىڭ ءوزى كىنالى.
• امىريكادا كوشەلەردى قيراتىپ، ۇيلەردى تالقانداپ جاتىر...
دەگەن وتتاۋباي اڭگىمەلەر.

قۋانىش ەدىلحانتەگى

Abai.kz