استانا. 15 مامىر. قازاقپارات - قازاقستان اقپاراتتىق قوعامداستىق ماسەلەلەر جونىندەگى بۇكىلالەمدىك كەزدەسۋ فورۋمىنا قاتىستى.

وندا اقپاراتتىق كوممۋنيكاتسيا تەحنولوگيالارى سالاسىنىڭ ماماندارى سالاداعى جاڭالىقتار مەن بولاشاق جوبالارى بويىنشا ءوزارا پىكىر الىسىپ، تاجىريبەلەرىمەن ءبولىستى، ارىپتەستىك ورناتۋ ماقساتىندا باس قوستى. بۇل تۋرالى كولىك جانە كوممۋنيكاتسيا مينيسترلىگىنىڭ ءباسپاسوز قىزمەتىنەن حابارلاندى.

جوعارى دەڭگەيدەگى بۇكىلالەمدىك كەزدەسۋلەر 2003 جىلى جەنەۆادا، 2005 جىلى تۋنيستە وتكىزىلگەن بولاتىن. سودان كەيىنگى كەزەڭدە، «اقپاراتتىق قوعامداستىقتى قۇرۋ - جاڭا مىڭجىلدىقتاعى عالامدىق مىندەت» اتتى دەكلاراتسيا پرينتسيپتەرى ازىرلەنىپ قابىلدانعان سوڭ  شارا جىل سايىن وتكىزىلە باستادى. فورۋم اياسىندا قازاقستاندىق دەلەگاتسيا اقپاراتتىق قوعامدى دامىتۋ سالاسى بويىنشا ءوز جەتىستىكتەرىن جاريالاعان كورمەگە قاتىسىپ، «قازاقستاندا ەلەكتروندىق ۇكىمەتتى دامىتۋ جانە اقپاراتتىق قوعامدى قۇرۋ» اتتى سەمينار ۇيىمداستىردى. سەمينار بارىسىندا «زەردە» ۇلتتىق اقپاراتتىق-كوممۋنيكاتسيالىق حولدينگى» اق باسقارما توراعاسىنىڭ ورىنباسارى بيكەش قۇرمانعاليەۆا جانە «ۇلتتىق اقپاراتتىق تەحنولوگيالار» اق باسقارما توراعاسى رۋسلان ەڭسەباەۆ ەلەكتروندىق ۇكىمەتتى قۇرۋ جانە دامىتۋ بويىنشا ءوز تاجىريبەلەرىمەن ءبولىستى.

ايتا كەتەرلىگى، قازاقستان بۇۇ-نىڭ رەيتينگىسىندە «ەلەكتروندىق ۇكىمەتتى» دامىتۋ بويىنشا قارقىندى تۇردە دامىپ كەلە جاتقان ەل رەتىندە كوپشىلىك تاراپىنان قىزىعۋشىلىق تۋدىردى.

استانا. 15 مامىر. قازاقپارات - قازاقستان اقپاراتتىق قوعامداستىق ماسەلەلەر جونىندەگى بۇكىلالەمدىك كەزدەسۋ فورۋمىنا قاتىستى.

وندا اقپاراتتىق كوممۋنيكاتسيا تەحنولوگيالارى سالاسىنىڭ ماماندارى سالاداعى جاڭالىقتار مەن بولاشاق جوبالارى بويىنشا ءوزارا پىكىر الىسىپ، تاجىريبەلەرىمەن ءبولىستى، ارىپتەستىك ورناتۋ ماقساتىندا باس قوستى. بۇل تۋرالى كولىك جانە كوممۋنيكاتسيا مينيسترلىگىنىڭ ءباسپاسوز قىزمەتىنەن حابارلاندى.

جوعارى دەڭگەيدەگى بۇكىلالەمدىك كەزدەسۋلەر 2003 جىلى جەنەۆادا، 2005 جىلى تۋنيستە وتكىزىلگەن بولاتىن. سودان كەيىنگى كەزەڭدە، «اقپاراتتىق قوعامداستىقتى قۇرۋ - جاڭا مىڭجىلدىقتاعى عالامدىق مىندەت» اتتى دەكلاراتسيا پرينتسيپتەرى ازىرلەنىپ قابىلدانعان سوڭ  شارا جىل سايىن وتكىزىلە باستادى. فورۋم اياسىندا قازاقستاندىق دەلەگاتسيا اقپاراتتىق قوعامدى دامىتۋ سالاسى بويىنشا ءوز جەتىستىكتەرىن جاريالاعان كورمەگە قاتىسىپ، «قازاقستاندا ەلەكتروندىق ۇكىمەتتى دامىتۋ جانە اقپاراتتىق قوعامدى قۇرۋ» اتتى سەمينار ۇيىمداستىردى. سەمينار بارىسىندا «زەردە» ۇلتتىق اقپاراتتىق-كوممۋنيكاتسيالىق حولدينگى» اق باسقارما توراعاسىنىڭ ورىنباسارى بيكەش قۇرمانعاليەۆا جانە «ۇلتتىق اقپاراتتىق تەحنولوگيالار» اق باسقارما توراعاسى رۋسلان ەڭسەباەۆ ەلەكتروندىق ۇكىمەتتى قۇرۋ جانە دامىتۋ بويىنشا ءوز تاجىريبەلەرىمەن ءبولىستى.

ايتا كەتەرلىگى، قازاقستان بۇۇ-نىڭ رەيتينگىسىندە «ەلەكتروندىق ۇكىمەتتى» دامىتۋ بويىنشا قارقىندى تۇردە دامىپ كەلە جاتقان ەل رەتىندە كوپشىلىك تاراپىنان قىزىعۋشىلىق تۋدىردى.

ەستەرىڭىزگە سالىپ وتەيىك، بۇۇ-نىڭ سوڭعى رەيتينگىسىنە سايكەس «ە-قاتىسۋ» يندەكسى بويىنشا 190 ەلدىڭ اراسىندا قازاقستان مەن سينگاپۋر 2-ءشى ورىندى بولىسكەن بولاتىن. ال «ەلەكتروندىق ۇكىمەتتى دامىتۋ» يندەكسى بويىنشا قازاقستان اعىمداعى جىلى 38-ءشى ورىنعا كوتەرىلدى.