2021 جىلى الماتىدا 14 ميللياردتان استام تەڭگەگە جاسىل جەلەك وتىرعىزۋ جوسپارلانىپ وتىر. بۇل تۋرالى LS سايتى مالىمدەدى. 

ونىڭ ىشىندە 4,6 ملرد.تەڭگە ەكوجۇيە وبەكتىلەرىن دامىتۋعا باعىتتالادى. سونداي-اق، تىكساي مەن جاربۇلاق وزەندەرىنىڭ ۋچاسكەلەرىن قالپىنا كەلتىرۋگە 1,8 ميلليارد تەڭگە، ال جاماقاەۆ كوشەسىنەن ءال-فارابي داڭعىلىنىڭ ۇستىندەگى سۋ قورعاۋ بەلدەۋى مەن ەسەنتاي وزەنىنىڭ ارناسىن جوندەۋگە 1,4 ميلليارد تەڭگە قاجەت. كىشى الماتى وزەنىندەگى سۋ ارناسىنىڭ دوستىق داڭعىلىنا دەيىنگى بولىمدەرىن قالپىنا كەلتىرۋگە تاعى 871 ملن.تگ قاجەت. سونداي-اق، ماقاتاەۆ كوشەسىنە دەيىنگى گيدروتەحنيكالىق قۇرىلىستاردى كۇردەلى جوندەۋ جوسپارلانعان.

توعانداردى قالپىنا كەلتىرۋگە جانە اباتتاندىرۋعا 334,8 ملن. ال سايران كولىن قايتا قۇرۋدىڭ جوبالىق-سمەتالىق قۇجاتتاماسىن ازىرلەۋگە 158 ميلليون تەڭگە بولىنگەن. سونداي-اق، ءۇش جوبالىق-سمەتالىق قۇجاتتاما ازىرلەنەدى، ولاردىڭ ارقايسىسىنا شامامەن 30 ميلليون تەڭگە جۇمسالادى.

تاعى 3,4 ميلليارد قورشاعان ورتانى جاقسارتۋعا جۇمسالادى، وعان اعاش وتىرعىزۋ، جاسىل جەلەكتەردى باقىلاۋ، ولارعا كۇتىم جاساۋ، سۋبۇرقاقتاردى جوندەۋ جانە ت.ب. سونىمەن قاتار، مەملەكەتتىك-جەكەمەنشىك سەرىكتەستىك جوبالارى بويىنشا مەملەكەتتىك مىندەتتەمەلەرگە 2 ملرد.تگ بولىنەدى.

قالانى اباتتاندىرۋدىڭ ءوزى بيىل 2,9 ملرد.تگ قاجەت ەتەدى. ونىڭ ىشىندە 1,1 ملرد.تەڭگەگە تۇركسىب اۋدانىنداعى ماياك توعايىن كوگالداندىرۋ قاجەت. قالعان قاراجاتقا 15 جوبالىق-سمەتالىق قۇجاتتاما، ەكى جوبا ازىرلەپ، جاعالاۋدى جاقسارتۋ جوسپارلانعان.

سۋ شارۋاشىلىعى قۇرىلىستارىن پايدالانۋعا 820,9 ميلليون تەڭگە، ال ەرەكشە قورعالاتىن تابيعي اۋماقتاردى كۇتىپ-ۇستاۋعا 442,6 ميلليون تەڭگە بولىنگەن.

Abai.kz