رەسەي ءۇكىمەتى ميعا ميكروچيپتەر ەنگىزۋ جءونىندەگى باعدارلامانى دامىتۋ ءۇءشىن 54 ملرد رۋبل بءولمەكشى. "مي, دەنساۋلىق, ينتەللەكت, يننوۆاتسيا" دەپ اتالاتىن باعدارلامانى ءبىلىم جءانە عىلىم مينيسترلىگى قولعا الىپ جاتىر.

بۇل جوبانى ەل پرەزيدەنتى پۋتين ماقۇلدادى. وعان قىزىنىڭ دا قاتىسى بولۋى مۇمكىن.

اتالعان جوبانى جۇزەگە اسىرۋ ءۇشىن ارنايى جۇمىس توبى دا قۇرىلعان دەپ جازادى "كوممەرسانت" گازەتى. بۇل جوبا سونىمەن بىرگە مي ىشىندەگى ەلەكتر سيگنالدارى ارقىلى سىرتقى قۇرالداردى باقىلاۋعا ارنالعان نەيروينتەرفەيس تەحنولوگيالارىن دامىتۋدى دا قولعا الادى.

مىسالى، ۇشاق، كولىك جانە اتوم ەلەكتر ستانتسيالارىن باسقارۋ ءۇشىن "ادام – تەحنيكا" ينتەرفەيستەرىن جاساۋ قولعا الىنعان دەپ جازادى "كوممەرسانت" باعدارلاما قۇجاتىنا سىلتەمە جاساپ.

وسىعان دەيىن رەسەي اقپارات قۇرالدارى جاساندى ينتەللەكت جوباسىن ازىرلەۋدى مگۋ-دە پرەزيدەنت ۆلاديمير ءپۋتيننىڭ قىزى كاتەرينا تيحونوۆا قولعا العانىن جازعان.

2018 جىلدىڭ جەلتوقسان ايىندا ول ءبىرىنشى رەت مەملەكەتتىك تەلەارنادا ونىڭ "يننوپراكتيكا" دامۋ ينستيتۋتىنداعى نەيروورتالىق جايىنداعى سيۋجەتتە كورىنگەن. ول سيۋجەتتە ميعا ەنگىزىلگەن ەلەكتر چيپتەرى ارقىلى ادامنىڭ ءتۇپساناسىن باعدارلامالاۋعا مۇمكىندىك بەرىلەتىنى ايتىلعان.

2020 جىلدىڭ اقپان ايىندا "ۆەدوموستي" گازەتى مگۋ جانىنداعى ينتەللەكت ماسەلەلەرىن زەرتتەۋ ينستيتۋتىن تيحونوۆا باسقاراتىنىن جازعان. بىراق بۇل مەكەمەنىڭ قۇرىلعانى جونىندە رەسمي جاريالانباعان.

نەيروينتەرفەيستەر تەحنولوگياسىن دامىتۋ – الەمدىك عىلىمدا بولاشاعى بار باعىت. 2021 جىلى ءساۋىر ايىندا بۇل سالادا يلون ماسك Neuralink ستارتاپىن جاريالاعان. ول ميىنا چيپ ەنگىزىلگەن مايمىلدىڭ Pong كلاسسيكالىق ويىندى ويناعانىن كورسەتكەن.

Abai.kz