مەملەكەت باسشىسى «1994 جىلعى 10 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇل تۋرالى اقوردا مالىمدەدى. 

بۇعان دەيىن ءماجىلىس دەپۋتاتتارى «بايقوڭىر كەشەنىن جالداۋ كەلىسىمىنە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قابىلداعان.

اتالعان زاڭدا قازاقستان رەسپۋبليكاسى مەن رەسەي فەدەراتسياسى
اراسىنداعى «بايقوڭىر»  كەشەنىن جالداۋ تۋرالى شارتتىڭ 4 بابىنا وزگەرىستەر ەنگىزىلىپ، كەشەندى جالداۋ مەرزىمى 2050 جىلعا دەيىن ۇزارتىلاتىنى ايتىلعان.

سونىمەن قاتار، پرەزيدەنت «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى پوليار ماڭىنداعى وربيتالارعا سولتۇستىك باعىتتا عارىش اپپاراتتارىن ۇشىرۋ ءۇشىن «بايقوڭىر» عارىش ايلاعىنان «سويۋز-2» تيپىندەگى تاسىمالداعىش زىمىرانداردى ۇشىرۋدى جۇزەگە اسىرۋ جونىندەگى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى.

زاڭ قازاقستان-رەسەي ىنتىماقتاستىعىن كەڭەيتۋدى جانە «سويۋز-2» زىمىران تاسىعىشىن ۇشىرۋ كەزىندە قاۋىپسىزدىكتى قامتاماسىز ەتۋ بويىنشا تاراپتاردىڭ مىندەتتەرىن ناقتى شەكتەۋدى كوزدەيدى.

Abai.kz