وسى جاڭا سەنات ەكى وقىلىمدا جەر كوميسسياسىنىڭ ساۋىردەگى شەشىمىنە نەگىزدەلگەن جەر تۋرالى جاڭا زاڭدى قابىلدادى.

ەندى زاڭ پرەزيدەنتكە قول قويۋعا جىبەرىلەدى. ەگەر ول قول قويسا، 2022 جىلدىڭ 1 قاڭتارىنان باستاپ (زاڭنىڭ كۇشىنە ەنۋى) اۋىلشارۋاشىلىعى ماقساتىنداعى جەر ۋچاسكەلەرىنىڭ يەلەرى زاڭدى جانە جەكە تۇلعالاردىڭ اتتارى، جسن (بين) بارشا قوعامعا اشىق، قول جەتىمدى بولادى.  مەن سىزدەرگە قايدان، قالاي كومپيۋتەردىڭ كنوپكاسىن باسىپ قانا ءوزىڭىز ىزدەگەن مالىمەتتى كورۋگە بولاتىنىن كورسەتەمىن. بۇل ءۇشىن مەن 5 جىل تەر توكتىم. مىنە اشىق جەر كادارسترى شىندىققا اينالىپ وتىر. كىم تىعىلىپ ۇلگەرمەسە، وعان مەن كىنالى ەمەسپىن)) بۇل بىرىنشىدەن.

ەكىنشىدەن. جەلتوقساندا اعىتىلىپ تاستالعان كوسمومونيتورينگ جۇيەسىن ءبىز بىرگە كۇش سالىپ (بۇعان كومەك كورسەتكەندەرگە راحمەت) بىرنەشە اپتا بۇرىن قايتا قوستىق. قارجى مينيسترلىگىنىڭ اقپاراتتىق-ەسەپتەۋ ورتالىعى (qoldau.kz پورتالى) جىگىتتەرى جەمىستى ەڭبەك ەتىپ 2021 جىلعى 1 ساۋىردەگى جاعداي بويىنشا بوس تۇرعان جايىلىم جەرلەر بويىنشا ماڭىزدى اقپاراتتى جاريا ەتتى. ءدال وسى اقپاراتتى 2020 جىلعى 15 اقپاندا اقپارات جۇيەسىن وشىرگەندەر جاسىرىپ قالعىسى كەلدى. بوس تۇرعان جايىلىم جەرلەر تۋرالى اقپارات جاريالاندى:

https://lands.qoldau.kz/ru/lands-map/unused-pastures

قازاقستاندا 2021 جىلعى 1 ساۋىردە تسيفرلىق تەحنولوگيالار 46 ملن گەكتار ماقساتسىز پايدالانىپ جاتقانى انىقتالدى. بۇل ءبىزدىڭ بابالارىمىزدان قالعان ناعىز بايلىق. مۇنداي بايلىققا الەمنىڭ كەز كەلگەن ەلى قىزىعادى. وسى جايىلىمداردى دۇرىس پايدالانۋ ارقىلى-اق ءبىزدىڭ حالىق وتە جاقسى ءومىر سۇرۋىنە، بارلىق كرەديتتەرىن جاۋىپ، بالالارىن وقىتۋىنا، دەنساۋلىعىن كۇتۋىنە بولادى.

قازىر ول جەرلەر لاتيفۋنديست-وليگارحتاردىڭ قولىندا. ءبىزدىڭ الداعى 2-3 جىلداعى مىندەتىمىز، زاڭعا ساي جانە قازىرگى زامانعى ادىستەر مەن تەحنولوگيالاردى قولدانا وتىرىپ ولاردى الدىمەن مەملەكەت مەنشىگىنە قايتارۋ، ودان كەيىن تسيفرلىق تەحنولوگيالارمەن (اكىمدىكتەردىڭ سىبايلاستىق جايلاعان جەر كوميسسيالارىنسىز) جەرگىلىكتى حالىققا اشىق تۇردە ءبولىپ بەرۋىمىز كەرەك.

قازىردىڭ وزىندە ءبىز بۇل جەرلەردىڭ يەلەرىنە 10 ەسە جانە 20 ەسە سالىق سالۋىنۋىن تالاپ ەتىپ، قاداعالايتىن بولامىز. مۇنىڭ بارلىعى مەنىڭ ۇسىنىسىممەن جانە ۇلتتىق كەڭەستىڭ، پرەزيدەنتتىڭ قولداۋىمەن ءتيىستى زاڭنامالىق اكتىلەرگە جازىلعان.

وليگارحات بۇعان قالاي قارسىلىق كورسەتىپ جاتىر؟ كەشە عانا دەپۋتاتتار راۋ ەن بەكجانوۆ ۇكىمەتكە كوسمومونيتورينگتى جۇزەگە اسىرۋشى قرجى مينيسترلىگى اقپاراتتىق-ەسەپتەۋ ورتالىعىنا قارسى دەپۋتاتتىق سالاۋ جولدادى. مەن جانە مۇرات ابەنوۆ ولاردىڭ قارسىلىعىن اقپاراتتىق-ەسەپتەۋ ورتالىعى وكىلدەرىن قاتىستىرا وتىرىپ تىكەلەي ەفيدە تالقىلاۋعا شاقىردىق. ولاردىڭ قارسىلىعىنىڭ ءمانى مەن وعان بەرىلەتىن جاۋاپتى بارلىعى ەستىسىن. دەپۋتاتتار ودان باس تارتتى، مەن بۇعان تاڭ قالعان جوقپىن.

قىسقاشا ايتقاندا جۇمىس – كۇرەس جالعاسۋدا. وليگارحات استىرتىن ارەكەت ەتۋدە، ءبىز اشىق ارەكەت ەتىپ جاتىرمىز. اشىقتىق ءتۇبى جەڭەدى، قازىردىڭ وزىندە جەڭىپ جاتىر. ءبىز ماقساتىمىزعا جەتەمىز! جانە مەنىڭ جوسپارلارىم ءبىر بۇل عانا ەمەس. زاڭعا پرەزيدەنت قول قويعاننان كەيىن ءوزىمنىڭ باسقا دا ناقتى جوسپارلارىمدى جاريالايمىن.

مۇحتار تايجاننىڭ جازباسى

Abai.kz