امەريكالىق بەلگىلى رەجيسسيور وليۆەر ستوۋن قازاقستاننىڭ ەكس-پرەزيدەنتى نۇرسۇلتان نازارباەۆ تۋرالى "Qazaq. التىن ادام تاريحى" دەپ اتالاتىن سەگىز ساعاتتىق دەرەكتى فيلم تءۇءسىردى. بۇل تۋرالى رەجيسءسيوردىڭ ءوءزى ءالەۋمەتتىك جەلىدەگى پاراقشاسىنا جازىپ, ءفيلمنىڭ ەكى مينءوتتىك ترەيلەرىن جاريالادى.

مالىمدەمەسىندە ستوۋن بۇل ءفيلمنىڭ پرەمەراسىنا قاتىسۋ ءۇشىن قازاقستانعا بارا جاتقانىن جازعان. ونىڭ ايتۋىنشا، نۇر-سۇلتاندا ءفيلمنىڭ قىسقارتىلعان ەكى ساعاتتىق نۇسقاسى كورسەتىلەدى. وندا قازاقستاننىڭ تۇڭعىش پرەزيدەنتىنىڭ بالالىق شاعى مەن سوۆەت وداعىنىڭ قۇلاۋى تۋرالى بولماق.

وليۆەر ستوۋن – امەريكالىق كينورەجيسسيور، ستسەناريست جانە پروديۋسەر. "وسكار" سىيلىعىنىڭ ءۇش مارتە يەگەرى.

2017 جىلى ول "پۋتينمەن سۇقبات" دەپ اتالعان ەكى ساعاتتىق دەرەكتى فيلم مەن كىتابىن شىعارعان. وندا رەسەي پرەزيدەنتى دونباسستا اپاتقا ۇشىراعان مالايزيالىق "بوينگ" ۇشاعى تۋرالى دا ءسوز ەتىپ، ول قۇلاعان ماڭدا كيەۆ اۋەجايىندا "يسپاندىق" ديسپەتچەر MH17 رەيسىنىڭ جانىنان ۋكراينالىق اسكەري ۇشاقتى كورگەنىن ايتقان. بىراق شىن مانىندە اۋەجايدا ەشقانداي "يسپاندىق" ديسپەتچەر بولعان ەمەس.

بۇدان بولەك ستوۋن فيدەل كاسترو تۋرالى ءۇش دەرەكتى فيلم ءتۇسىرىپ، ءتۇرلى جىلدارداعى لاتىن امەريكالىق ديكتاتورلارمەن كولەمدى سۇقباتتار ۇيىمداستىرعان.

نۇرسۇلتان نازارباەۆ قازاقستاندى 1990 جىلدان 2019 جىلعا دەيىن باسقارعان. باتىس ولكەلەرى ونى ادام قۇقىقتارىن بۇزۋعا جانە ازاماتتارىن "جەكە باسقا تابىنۋعا" دەيىن جەتكىزدى دەپ ايىپتاپ كەلگەن.

نازارباەۆ تۇسىندا قازاقستان ءسوز ەركىندىگى جانە دەموكراتيانىڭ دامۋى بويىنشا الەمدىك رەيتينگتەردە ۇنەمى سوڭعى ورىنداردا تۇرعان.

بۇگىندە ول – قازاقستاننىڭ قاۋىپسىزدىك كەڭەسىنىڭ توراعاسى جانە بيلىكتىڭ "نۇر وتان" پارتياسىنىڭ توراعاسى.

Abai.kz