Amerikalyq belgili rejissyor Oliyver Stoun Qazaqstannyn eks-preziydenti Núrsúltan Nazarbaev turaly "Qazaq. Altyn adam tarihy" dep atalatyn segiz saghattyq derekti filim týsirdi. Búl turaly rejiyssyordin ózi әleumettik jelidegi paraqshasyna jazyp, filimnin eki miynóttik treylerin jariyalady.

Mәlimdemesinde Stoun búl filimning premierasyna qatysu ýshin Qazaqstangha bara jatqanyn jazghan. Onyng aituynsha, Núr-Súltanda filimning qysqartylghan eki saghattyq núsqasy kórsetiledi. Onda Qazaqstannyng túnghysh preziydentining balalyq shaghy men Sovet Odaghynyng qúlauy turaly bolmaq.

Oliyver Stoun – amerikalyq kinorejissyor, ssenarist jәne produser. "Oskar" syilyghynyng ýsh mәrte iyegeri.

2017 jyly ol "Putinmen súqbat" dep atalghan eki saghattyq derekti filim men kitabyn shygharghan. Onda Resey preziydenti Donbassta apatqa úshyraghan malayziyalyq "Boing" úshaghy turaly da sóz etip, ol qúlaghan manda Kiyev әuejayynda "ispandyq" dispetcher MH17 reysining janynan ukrainalyq әskery úshaqty kórgenin aitqan. Biraq shyn mәninde әuejayda eshqanday "ispandyq" dispetcher bolghan emes.

Búdan bólek Stoun Fiydeli Kastro turaly ýsh derekti filim týsirip, týrli jyldardaghy latyn amerikalyq diktatorlarmen kólemdi súqbattar úiymdastyrghan.

Núrsúltan Nazarbaev Qazaqstandy 1990 jyldan 2019 jylgha deyin basqarghan. Batys ólkeleri ony adam qúqyqtaryn búzugha jәne azamattaryn "jeke basqa tabynugha" deyin jetkizdi dep aiyptap kelgen.

Nazarbaev túsynda Qazaqstan sóz erkindigi jәne demokratiyanyng damuy boyynsha әlemdik reytingterde ýnemi songhy oryndarda túrghan.

Býginde ol – Qazaqstannyng Qauipsizdik kenesining tóraghasy jәne biylikting "Núr Otan" partiyasynyng tóraghasy.

Abai.kz