اقش پرەزيدەنتىنىڭ قورعانىس سالاسى بويىنشا كەڭەسشىسى دجەيك سالليۆان سەيسەنبى كۇنى ساۋد ارابياسىنىڭ قورعانىس ءمينيسترىنىڭ ورىنباسارى حالەد بين سالمانمەن سويلەستى. تاقىرىپ يراندى اۋىزدىقتاۋ، تەگەران قولدايتىن توپتاردىڭ تاياۋ شىعىستاعى بەلسەندىلىگىن توقتاتۋ بولعان. 

«پرەزيدەنتتىڭ ۇلتتىق قاۋىپسىزدىك جونىندەگى كومەكشىسى ۆاشينگتوندا ساۋد ارابياسى قورعانىس ءمينيسترىنىڭ ورىنباسارىمەن كەزدەسىپ، ەكى ەل اراسىنداعى ۇزاق مەرزىمدى سەرىكتەستىك، ايماقتىق قاۋىپسىزدىك بويىنشا سويلەستى. اقش-تىڭ ساۋد ارابياسىنىڭ ايماعىن يران قولدايتىن كۇشتەردىڭ شابۋىلىنان قورعاۋ ماسەلەسى دە قارالدى. سونداي-اق، تاراپتار تۇراقتى جاھاندىق ەكونوميكانى  قالپىنا كەلتىرۋدى قامتاماسىز ەتۋ بويىنشا كۇش-جىگەردى ۇيلەستىرۋدى، كليماتتىڭ وزگەرۋىن قاداعالاۋ جانە تاياۋ شىعىستاعى شيەلەنىستى باسەڭدەتۋگە بايلانىستى ماسەلەلەردى ودان ءارى تالقىلاۋ مۇمكىندىگىن قاراستىردى»، - دەيدى ساۋد ارابياسىنىڭ قورعانىس ءمينيسترىنىڭ ورىنباسارى،

كەزدەسۋ بارىسىندا ساۋد ارابياسىنداعى ادام قۇقىعى ماسەلەسى دە ءسوز بولعان.

Abai.kz