قىتايدىڭ سوڭعى ون جىلدا (2011-2020 جىلدارى) الەم ەلدەرىندە اۋىل شارۋاشىلىعى، ورمان شارۋاشىلىعى جانە شيكىزات وڭدەۋ مەن تاۋ-كەن سالالارىندا ساتىپ نەمەسە جالعا العان جەردىڭ جالپى كولەمى 6 ملن 480 مىڭ گەكتارعا جەتىپتى.

سالىستىرمالى تۇردە الساق، وسى جىلدارى ەكىنشى ورىنداعى انگليا جالعا العان جەردىڭ جالپى كولەمى 1 ملن 560 مىڭ گەكتار، اقش - 860 مىڭ گەكتار، ال جاپونيا - 420 مىڭ گەكتار ەكەن. دامىعان ەلدەردىڭ ءبارى قوسىلىپ ءبىر قىتايدان الدەقايدا قالىپ قويىپ وتىر.

قىتايدىڭ بۇنىسىنان سەكەم العان جاپون ۇكىمەتى وتكەن ايدا قاۋىپسىزدىكتى قامتاماسىز ەتۋ تۇرعىسىنان ماڭىزدى جەردى شەتەلدىكتەرگە ساتۋعا شەكتەۋ قوياتىن جاڭا زاڭ قابىلدادى.

ستاتيستيكاعا سايكەس، بۇگىنگى تاڭدا جاپونيادا اۋىلشارۋاشىلىق سالاسىندا 46 گەكتار، ال ورمان شارۋاشىلىعى سالاسىندا 7560 گەكتار جەر شەتەلدىكتەردىڭ يەلىگىندە بولسا، جاپوندىق مەملەكەتتىك قاۋىپسىزدىك ورگاندارىنىڭ ايتۋىنشا، ەگەسى جاپون بولعانىمەن، ونىڭ ارتىندا شەتەلدىك ازاماتتىڭ تۇرۋى ابدەن مۇمكىن جەرلەر دە جوق ەمەس كورىنەدى.

"شەتەلدىكتەردىڭ" نەگىزىنەن قاي ەلدىڭ ازاماتتارى ەكەنى ايتپاي-اق بەلگىلى...

世界の土地囲う中国　農業・鉱業、10年で600万ヘクタール：日本経済新聞 https://www.nikkei.com/article/DGXZQOUA221I70S1A620C2000000/

باتىرحان قۇرمانسەيىتتىڭ جازباسى

Abai.kz